ເມັສຊີ້ ຈຳໃຈຢູ່ຕໍ່ກັບ ບາຣເຊໂລນ້າ ຫາກບໍ່ທີມໃດກ້າຈ່າຍຄ່າຈີກສັນຍາ 700 ລ້ານເອີໂຣ!!

ເມັສຊີ້ ຈຳໃຈຢູ່ຕໍ່ກັບ ບາຣເຊໂລນ້າ ຫາກບໍ່ທີມໃດກ້າຈ່າຍຄ່າຈີກສັນຍາ 700 ລ້ານເອີໂຣ!!

September 5, 2020 0 By admin

Goal.com ສື່ກິລາດັງລາຍງານວ່າ: ລີໂອເນວ ເມັສຊີ້ ກອງໜ້າຊຸບເປີສະຕາຣຂອງສະໂມສອນ ບາຣເຊໂລນ້າ ອາດຈຳໃຈຕ້ອງຢູ່ກັບຕົ້ນສັງກັດຕໍ່ໄປ ຫາກບໍ່ມີທີມໃດກ້າຈ່າຍຈີກສັນຍາ 700 ລ້ານເອີໂຣ. ເມັສຊີ້ ກ່າວວ່າ: ” ຕົນເອງອາດຕ້ອງຢູ່ກັບ ບາຣຊ້າ ຕໍ່ໄປ ເພາະເປັນໄປໄດ້ຍາກທີ່ຈະມີທີມໃດກ້າຈ່າຍຕາມເງື່ອນໄຂຈີກສັນຍາຂອງຕົນ ແລະ ຫລັງຈົບສັນຍາທີ່ເຫລືອ 1 ປີ ເມື່ອສິ້ນສຸດລະດູການ 2020-21 ຈະຍ້າຍອອກຈາກທີມໂດຍບໍ່ມີຄ່າໂຕ ”.

ດ້ານປະທານສະໂມສອນ ໂຈເຊັບ ມາເຣຍ ບາໂຕເມວ ຢືນຢັນສະໂມສອນຕ້ອງການໃຫ້ ເມັສຊີ້ ຢູ່ກັບທີມຕໍ່ໄປ ແລະ ເມື່ອຈົບລະດູການ 2020-21 ຈຶ່ງໂອ້ລົມກັນໃຫມ່, ຖ້າ ເມັສຊີ້ ຕ້ອງການໄປກໍບໍ່ຫ້າມ ແຕ່ທາງດຽວທີ່ ເມັສຊີ້ ຈະຍ້າຍທີມໃນຂະນະນີ້ ຕ້ອງມີຄ່າຈີກສັນຍາ 700 ລ້ານເອີໂຣ.

ສຳລັບ ສັນຍາທີ່ ເມັສຊີ້ ສາມາດຍ້າຍທີມໂດຍບໍ່ມີຄ່າຕົວ ແມ່ນສິ້ນສຸດລົງໃນວັນທີ 10 ມິຖຸນາ 2020 ໄລຍະທີ່ການແຂ່ງຂັນກຳລັງຂຸ້ນຂ້ຽວ ເພື່ອໃຫ້ສຳເລັດໃນລະດູການ 2019-20. ສ່ວນ ແມນຊິຕີ້ ທີ່ສະແດງຄວາມສົນໃຈຊັດເຈນ ກຳລັງພິຈາລະນາບັນດາເງື່ອນໄຂຕ່າງໆ ເພື່ອດຶງ ເມັສຊີ້ ມາຮ່ວມທັບໃນຖືກລະບຽບ ບໍ່ລະເມີດກົດເພດານການເງິນ ຖ້າບໍ່ໄດ້ກໍລໍຖ້າອີກໜຶ່ງລະດູການເພື່ອໄດ້ມາ ແບບບໍ່ມີຄ່າໂຕ.

Photo: Messi