ສະຫາຍ ທອງລຸນ ສີສຸລິດ ຊີ້ນໍາບັ້ນດໍາເນີນຊີວິດການເມືອງຂອງຄະນະພັກ ແຂວງຫຼວງພະບາງ

ສະຫາຍ ທອງລຸນ ສີສຸລິດ ຊີ້ນໍາບັ້ນດໍາເນີນຊີວິດການເມືອງຂອງຄະນະພັກ ແຂວງຫຼວງພະບາງ

September 5, 2020 0 By admin

ວັນທີ 1 ກັນຍາ 2020 ທີ່ຫໍປະຊຸມຫ້ອງວ່າການແຂວງຫຼວງພະບາງ ສະຫາຍ ທອງລຸນ ສີສຸລິດ ກົມການເມືອງສູນກາງພັກ ນາຍົກລັດຖະມັນຕີແຫ່ງ ສປປ ລາວ ໄດ້ຕາງໜ້າກໍາມະການກົມການເມືອງສູນກາງພັກ, ເຂົ້າຮ່ວມຊີ້ນໍາບັ້ນດໍາເນີນຊີວິດການເມືອງທ້າຍສະໄໝຂອງຄະນະບໍລິຫານງານພັກແຂວງ ( ສະໄໝທີ VII ) ໂດຍມີສະຫາຍ ຄໍາຂັນ ຈັນທະວີສຸກ ກໍາມະການສູນກາງພັກ ເລຂາພັກແຂວງຫຼວງພະບາງ ພ້ອມດ້ວຍຄະນະປະຈໍາພັກແຂວງ,ກໍາມະການພັກແຂວງເຂົ້າຮ່ວມ.


ກອງປຊຸມດັ່ງກ່າວເປັນການປະຕິບັດຕາມກົດລະບຽບພັກປະຊາຊົນປະຕິວັດລາວສະໄໝທີ X , ໝວດທີ IV, ມາດຕາ 20 ສະໄໝກອງປະຊຸມໃຫ່ຍຜູ້ແທນອົງຄະນະພັກແຂວງ, ນະຄອນຫລວງ, ເມືອງ, ເທດສະບານ ແລະນະຄອນ. ອີງຕາມຄໍາສັ່ງ 04 ຂອງຄະນະເລຂາທິການສູນກາງພັກ, ລົງວັນທີ 7/5/2018 ວ່າດ້ວຍການກະກຽມດໍາເນີນກອງປະຊຸມໃຫ່ຍອົງຄະນະພັກກະຊວງ-ອົງການ, ແຂວງ-ນະຄອນຫລວງ, ອົງຄະນະພັກເມືອງ, ນະຄອນ ແລະຮາກຖານພັກໃນຂອບເຂດທົ່ວປະເທດ

ແລະບົດແນະນໍາຂອງຄະນະກວດກາສູນກາງພັກເລກທີ 358 ລົງວັນທີ 19 ຕຸລາ 2018 ກ່ຽວກັບການດໍາເນີນຊີວິດການເມືອງພາຍໃນພັກເພື່ອກ້າວເຂົ້າສູ່ກອງປະຊຸມໃຫ່ຍ 3 ຂັ້ນຂອງພັກ ແລະ ປະຕິບັດຕາມແຜນດໍາເນີນງານຂອງຄະນະບໍລິຫານງານພັກແຂວງຫຼວງພະບາງສະໄໝທີ VII ຈິ່ງໄດ້ເປີດການດໍາເນີນຊີວິດການເມືອງທ້າຍສະໄໝຂອງຄະນະບໍລິຫານງານພັກແຂວງຫຼວງພະບາງ ( ສະໄໝທີ VII ) ຂຶ້ນຢ່າງເປັນທາງການ. ເຊິ່ງເລີ່ມແຕ່ວັນທີ 1-4/9/2020.

ຂ່າວ: ເພັດສາຄອນ ສິມມະວົງ