ສ້າງຕັ້ງບໍລິສັດສາຍສົ່ງໄຟຟ້າລາວ ຫຼື EDL-T ເພື່ອເລັ່ງລັດສ້າງເຄືອຂ່າຍສາຍສົ່ງໄຟຟ້າໃຫ້ປົກຫຸ້ມໃນຂອບເຂດທົ່ວປະເທດ

ສ້າງຕັ້ງບໍລິສັດສາຍສົ່ງໄຟຟ້າລາວ ຫຼື EDL-T ເພື່ອເລັ່ງລັດສ້າງເຄືອຂ່າຍສາຍສົ່ງໄຟຟ້າໃຫ້ປົກຫຸ້ມໃນຂອບເຂດທົ່ວປະເທດ

September 4, 2020 0 By admin

ວັນທີ 1 ກັນຍານີ້, ໄດ້ມີພິທີເຊັນສັນຍາຮ່ວມຫຸ້ນໃນການສ້າງຕັ້ງບໍລິສັດສາຍສົ່ງໄຟຟ້າລາວຫຼື EDL-T ຂຶ້ນຢູ່ນະຄອນຫຼວງວຽງຈັນແຫ່ງ ສປປ ລາວ, ເປົ້າໝາຍຂອງໂຄງການດັ່ງກ່າວແມ່ນເພື່ອເລັ່ງລັດສ້າງເຄືອຂ່າຍສາຍສົ່ງໄຟຟ້າທີ່ປົກຫຸ້ມໃນຂອບເຂດທົ່ວປະເທດລາວ, ສ້າງພື້ນຖານໂຄງລ່າງດ້ານສາຍສົ່ງໄຟຟ້າທີ່ປອດໄພແລະໝັ້ນທ່ຽງໃຫ້ແກ່ບໍລິສັດໄຟຟ້າລາວ, ພ້ອມກັ້ນນັ້ນເພີ່ມການເຊື່ອມຈອດກັນດ້ານພະລັງງານໄຟຟ້າກັບປະເທດໃກ້ຄຽງ.


ລາວມີຊັບພະຍາກອນໄຟຟ້ານ້ຳຕົກທີ່ອຸດົມສົມບູນ, ຂະແໜງການໄຟຟ້າໃນຖານະເປັນຂະແໜງການພື້ນຖານໄດ້ເສີມຂະຫຍາບບົດບາດຄ້ຳຊູການພັດທະນາເສດຖະກິດແລະປັບປຸງຊີວິດການເປັນຢູ່ຂອງປະຊາຊົນລາວ, ໄດ້ກວມອັດຕາການເຕີບໂຕ GDP ຂອງລາວຫຼາຍກວ່າ 10% ເປັນຫຼາຍປີຕິດຕໍ່ກັນແລ້ວ, ແລະໄດ້ກວມປະມານ 30% ໃນຍອດມູນຄ່າການສົ່ງອອກ. ໃນຫຼາຍປີຜ່ານມາ, ກິດຈະການໄຟຟ້າຂອງລາວໄດ້ພັດທະນາຢ່າງວ່ອງໄວ, ໄດ້ສ້າງເຂື່ອນໄຟຟ້ານ້ຳຕົກສຳເລັດແລ້ວ 78 ແຫ່ງ, ມີກຳລັງຕິດຕັ້ງໄຟຟ້າທັງໝົດປະມານ 10 ລ້ານກິໂລວັດ, ແລະສາມາດຜະລິດໄຟຟ້າໄດ້ 52,2 ຕື້ກິໂລວັດໂມງສະເລ່ຍຕໍ່ປີ.


ແຕ່ວ່າ, ການພັດທະນາແບບກ້າວກະໂດດດ້ານຄວາມສາມາດການຜະລິດໄຟຟ້າໄດ້ພົບ “ຄວາມຫຍຸ້ງຍາກຈາກການເຕີບໂຕ”, ການກໍ່ສ້າງເຄືອຂ່າຍໄຟຟ້າຂອງລາວທີ່ຍັງຫຼ້າຫຼັງໄດ້ສົ່ງຜົນເຮັດໃຫ້ຄວາມສາມາດສັບຊ້ອນແລະຈັດສັນຊັບພະຍາກອນໄຟຟ້າບໍ່ພຽງພໍຢ່າງໜັກໜ່ວງ, ຢູ່ບາງເຂດ, ໄຟຟ້າທີ່ຜະລິດໄດ້ 40% ບໍ່ສາມາດກາຍເປັນພະລັງງານທີ່ມີປະສິດທິຜົນໄດ້, ການສ້າງ EDL-T ເປັນການຕອບສະໜອງຕໍ່ຄວາມຕ້ອງການດ້ານການສ້າງເຄືອຂ່າຍໄຟຟ້າຂອງລາວ, ແລະສະໜອງ “ລູກກະແຈຄຳ” ໃຫ້ແກ່ການພັດທະນາຂະແໜງການໄຟຟ້າຂອງລາວ.


EDL-Tແມ່ນຕົວຢ່າງທີ່ເປັນຮູບປະທຳຂອງການຮ່ວມມືຍຸດທະສາດຮອບດ້ານລາວ-ຈີນທີ່ “ກ້າວໄປຂ້າງໜ້າໃນຂະບວນການຕ້ານກັບການແຜ່ລະບາດຂອງພະຍາດ”, ພາຍໃຕ້ສະພາບການທີ່ພະຍາດໂຄວິດ-19 ແຜ່ລະບາດໃນທົ່ວໂລກ, ແລະສະຖານະການສາກົນໄດ້ມີການປ່ຽນແປງຢ່າງເລິກເຊິ່ງ, ລາວ-ຈີນໄດ້ຍຶດໝັ້ນການຊຸກຍູ້ການສ້າງປະຊາຄົມຮ່ວມຊາຕາກຳຢ່າງເດັດດ່ຽວໜຽວແໜ້ນ, ເປັນການເພີ່ມຄວາມໝັ້ນທ່ຽງແລະພະລັງທີ່ສ້າງສັນໃຫ້ແກ່ໂລກທີ່ເຕັມໄປດ້ວຍຄວາມບໍ່ແນ່ນອນດ້ວຍການກະທຳຕົວຈິງ.

Cr: CRI