ມອບ-ຮັບອະນຸສອນສະຖານຄຸກກັກຂັງບັນດາທ່ານຜູ້ນຳແນວລາວ

ມອບ-ຮັບອະນຸສອນສະຖານຄຸກກັກຂັງບັນດາທ່ານຜູ້ນຳແນວລາວ

September 4, 2020 0 By admin

Media Laos, ພິທີ ມອບ-ຮັບອະນຸສອນສະຖານຄຸກກັກຂັງບັນດາທ່ານຜູ້ນຳແນວລາວຮັກຊາດ ຈຳນວນ 16 ທ່ານຂອງລັດຖະບານຫຸ່ນຂາຍຊາດວຽງຈັນຢູ່ຄ້າຍໂພນເຄັງ  ໂດຍການມອບຂອງກົມວິທະຍາສາດປະຫວັດສາດການທະຫານ ໃຫ້ ກົມໃຫຍ່ການເມືອງກອງທັບເປັນຜູ້ຄຸ້ມຄອງ ແລະ ນຳໃຊ້ຢ່າງເປັນທາງການ ມີຂຶ້ນເມື່ອວັນທີ 3 ກັນຍາ ຜ່ານມາ.

ໂດຍມີສະຫາຍ ພົນຕີ ສອນທອງ ພົມລາວົງ ຄະນະພັກກະຊວງປ້ອງກັນປະເທດ ຮອງຫົວໜ້າກົມໃຫ່ຍການເມືອງກອງທັບ ມີ ສະຫາຍ ພົນຈັດຕະວາ ວຽງໄຊ ສົມວິຈິດ ຫົວໜ້າກົມວິທະຍາສາດປະຫວັດສາດການທະຫານ, ຄະນະຮັບພິຊອບຊີ້ນຳ, ອະນຸກຳມະການ ແລະ ແຂກທີ່ຖືກເຊີນເຂົ້າຮ່ວມ.


ການກໍ່ສ້າງອະນຸສອນສະຖານຄຸກກັກຂັງຂອງບັນດາທ່ານຜູ້ນຳແນວລາວຮັກຊາດຈຳນວນ 16 ທ່ານ ຂອງລັດຖະບານຫຸ່ນຂາຍຊາດວຽງຈັນຢູ່ຄ້າຍໂພນເຄັງ ແມ່ນມີຄວສມໝາຍສຳຄັນຢ່າງຍິ່ງທາງດ້ານປະຫວັດສາດ ເຊິ່ງເປັນວິລະກຳໂຕນຄຸກລວມໝູ່ຄັ້ມະຫັດສະຈັນຂອງບັນດາຜູ້ນຳພັກ-ແນວລາວຮັກຊາດ ໃນປີ 1960 ແມ່ນເຫດການປະຫວັດສາດທີ່ບໍຄືມີມາກ່ອນໃນປະຫວັດສາດຂອງຊາດລາວເຮົາ ແລະ ຫາໄດ້ຍາກໃນໂລກ.

ສະເເດງໃຫ້ເຫັນເຖິງນ້ຳໃຈຕໍ່ສູ້ອັນອົງອາດກ້າແກ່ນບໍ່ຍອມຈຳນົນ,ຍອມເສຍສະຫຼະຊີວິດຂອງຕົນ ເພື່ອຍາດເອົາຄວາມເປັນເອກະລາດແຫ່ງຊາດມາສູ່ປະຊາຊົນລາວບັນດາເຜົ່າ ໄດ້ກາຍເປັນບົດຮຽນອັນລ້ຳຄ່າໃຫ້ແກ່ພວກເຮົາ ນຳໄປຄົ້ນຄວ້າ ແລະ ໝູນໃຊ້ເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ.