ມະຫາວິທະຍາໄລຈີນ ອອກກົດລະບຽບຫ້າມນັກສຶກສານຸ່ງສັ້ນ

ມະຫາວິທະຍາໄລຈີນ ອອກກົດລະບຽບຫ້າມນັກສຶກສານຸ່ງສັ້ນ

September 4, 2020 0 By admin

AFP ລາຍງານວ່າ ໃນໂລກອອນລາຍຂອງປະເທດຈີນ ຕ່າງພາກັນວິພາກວິຈານ ມະຫາວິທະຍາໄລກວາງຊີ ທາງຕອນໃຕ້ຂອງ ສປ ຈີນ ທີ່ອອກຂໍ້ກຳນົດໃຫມ່ ເຕືອນໃຫ້ນັກສຶກສາຍິງ ຫ້າມໃສ່ເຄື່ອງນຸ່ງທີ່ເປີດເຜີຍ ຫຼື ເປີດແປນຮ່າງກາຍໃນມະຫາວິທະຍາໄລ.​

ຂໍ້ແນະນຳຂອງມະຫາວິທະຍາໄລລະບຸວ່າ ຫ້າມໃສ່ຊຸດເສື້ອ ຫຼື ກະໂປງທີ່ສັ້ນຈົນເປີດເຜີຍສ່ວນຕ່າງໆຂອງຮ່າງກາຍຫຼາຍຈົນເກີນໄປ ບໍ່ວ່າຈະເປັນການນຸ່ງແບບແອວລອຍ ຫຼື ການໃສ່ເສື້ອທີ່ໂຊດ້ານຫລັງ ເພື່ອບໍ່ໃຫ້ກະຕຸ້ນອາລົມທາງເພດ

ຫລັງມີການປະກາດຂໍ້ກຳນົດດັ່ງກ່າວ ຊາວເນັດໃນປະເທດຈີນ ໄດ້ໃຫ້ຄວາມເຫັນວິຈານກັນຫຼາຍ ໂດຍບາງຄົນບອກວ່າ ການແຕ່ງກາຍຖືເປັນເສລີພາບຢ່າງໜື່ງ ໃນຂະນະທີ່ທາງມະຫາວິທະຍາໄລ ອອກມາຊີ້ແຈ້ງວ່າ ກົດລະບຽບດັ່ງກ່າວ ແມ່ນເພື່ອໃຫ້ນັກສຶກສາເຄົາລົບສະຖານທີ່ ຊື່ງຖ້ານັກສຶກສາບໍ່ໄດ້ໄປຮຽນ ກໍ່ມີສິດຈະແຕ່ງຕົວແນວໃດກໍ່ໄດ້
ທີ່ມາ: Lao Youth Radio FM 90.0 Mhz