ເພື່ອຄວາມເທົ່າທຽມ! ສະຫະພັນບານເຕະເບຣຊິນ ປະກາດໃຫ້ເງິນເບ້ຍລ້ຽງນັກເຕະທີມຊາດເພດຍິງ ເທົ່າກັບທີມຊາຍ!!

ເພື່ອຄວາມເທົ່າທຽມ! ສະຫະພັນບານເຕະເບຣຊິນ ປະກາດໃຫ້ເງິນເບ້ຍລ້ຽງນັກເຕະທີມຊາດເພດຍິງ ເທົ່າກັບທີມຊາຍ!!

September 4, 2020 0 By admin

ສະຫະພັນບານເຕະເບຣຊິນ ຫລື CBF ນຳໂດຍ ໂຣເຈຣີໂອ້ ກາໂອໂກ້ ປະທານສະຫະພັນ ຢືນຢັນຈະໃຫ້ເງິນເບ້ຍລ້ຽງນັກເຕະທີມຊາດເພດຍິງ ໃຫ້ເທົ່າກັບທີມຊາຍ ນັບແຕ່ນີ້ເປັນຕົ້ນໄປ. ໂດຍນັກເຕະຍິງ ແລະ ຊາຍ ທີ່ເຂົ້າມາຮັບໃຊ້ທີມຊາດ ໃນໄລຍະກະກກຽມ ແລະ ແຂ່ງຂັນລາຍການຕ່າງໆ ແມ່ນຈະໄດ້ຮັບເງິນເບ້ຍລ້ຽງລາຍວັນ ແລະ ເງິນລາງວັນຕ່າງໆເທົ່າກັນ.

ປະທານສະຫະພັນບານເຕະເບຣຊິນ ກ່າວຕື່ມວ່າ: ຄວາມຈິງເລື່ອງນີ້ ແມ່ນໄດ້ແຈ້ງປະຕິບັດແຕ່ເດືອນມີນາເປັນຕົ້ນມາ ແຕ່ຍັງບໍ່ໄດ້ຈັດຕັ້ງປະຕິບັດ ເນື່ອງຈາກທີມຊາດບໍ່ມີການເຄື່ອນໄຫວ ຍ້ອນການລະບາດຂອງພະຍາດໂຄວິດ-19 ແລະ ຈະໃຊ້ທຸກການແຂ່ງຂັນລະດັບສາກົນ ລວມທັງ ບານໂລກ ແລະ ໂອແລມປິກ ຈະບໍ່ມີຄວາມແຕກຕ່າງ. ກ່ອນໜ້ານີ້ ໃນເດືອນມັງກອນ 2020 ສະມາຄົມບານເຕະອັງກິດ ຫລື FA ກໍ່ໄດ້ປະກາດປະຕິບັດແບບນີ້ເຊັ່ນກັນ ລວມທັງ ອົດສະຕຣາລີ ແລະ ນິວຊີແລນ (ນູແວນເຊລັງ).

Photo: Confederação Brasileira de Futebol