ປະທານປະເທດ ລົງຢ້ຽມຊົມສະຖານທີ່ທ່ອງທ່ຽວ ນໍ້າປຽນ ຢໍລະປາ

ປະທານປະເທດ ລົງຢ້ຽມຊົມສະຖານທີ່ທ່ອງທ່ຽວ ນໍ້າປຽນ ຢໍລະປາ

September 3, 2020 0 By admin

Vientiane Mai, ທ່ານ ບຸນຍັງ ວໍລະຈິດ ປະທານປະເທດ ໄດ້ສືບຕໍ່ໄປຢ້ຽມຊົມສະຖານທີ່ທ່ອງທ່ຽວນໍ້າປຽນຢໍລະປາ ເຊິ່ງຕັ້ງຢູ່ບ້ານຊຽງແລທ່າ ເມືອງປາກງື່ມ ນະຄອນຫຼວງວຽງຈັນ ໂດຍເປັນກຽດຕ້ອນຮັບຂອງທ່ານ ສົມເພັດ ມ້າວປະເສີດ ປະທານສະຖານທີ່ທ່ອງທ່ຽວນໍ້າປຽນຢໍລະປາ.


ໃນໂອກາດອັນເປັນລຶກງາມຍາມດີດັ່ງກ່າວນີ້ ທ່ານ ສົມເພັດ ມ້າວປະເສີດ ໄດ້ລາຍງານໃຫ້ຮູ້ວ່າ: ສະຖານທີ່ທ່ອງທ່ຽວແຫ່ງນີ້ໄດ້ເລີ່ມພັດທະນາມາແຕ່ຕົ້ນປີ 2019 ໂດຍເອົາຮູບແບບການພັດທະນາມາຈາກສະຖານທີ່ທ່ອງທ່ຽວນໍ້າກັດຢໍລະປາ ແຂວງອຸດົມໄຊ ໄດ້ແບ່ງການພັດທະນາເປັນ 3 ໄລຍະ ໃນນີ້ ໄລຍະທໍາອິດໄດ້ພັດທະນາການທ່ອງທ່ຽວໄດ້ສໍາເລັດໂດຍພື້ນຖານ ປະກອບມີ 8 ລາຍການທີ່ທ້າທາຍຄື:


(1) ສວນນໍ້າ ຂົວອູ່ ຈຸດຖ່າຍຮູບວິວຕ່າງໆ
(2) ໄຕ່ຂົວອູ່ເທິງປາຍໄມ້ 25 ຂົວ
(3) ຂີ່ໂລເລີ້
(4) ຂີ່ສະລິງ ໂດຍຜ່ານການໄຕ່ຕາໜ່າງຂົວອູ່ ຊົມນໍ້າຕົກ


(5) ໄປຢືນຖ່າຍຮູບໂດຍຜ່ານຕາໜ່າງຂົວອູ່ ນໍ້າຕົກ
(6) ຂີ່ຕາໜ່າງແມງມຸມ
(7) ຂີ່ລຸກເຊິ່ງເປັນລົດນ້ອຍທ່ຽວຊົມທຳມະຊາດ ແລະ
(8) ຂີ່ລົດເອທີວີ


ນອກຈາກນີ້ ຍັງມີແພັກເກັດກິດຈະກຳທ່ອງທ່ຽວອື່ນໆໄວ້ບໍລິການນັກທ່ອງທ່ຽວ ລາຄາເລີ່ມຕົ້ນແຕ່ 30 ພັນກີບຂຶ້ນໄປ ປັດຈຸໄດ້ເປີດໃຫ້ບໍລິການຢ່າງເປັນທາງການ ແລະ ໄດ້ຮັບຜົນຕອບຮັບເປັນຢ່າງດີ ສ່ວນແຜນໃນຕໍ່ໜ້າ ຈະພັດທະນາໃຫ້ມີຣີສອດ ບ້ານຊົນເຜົ່າ ແລະ ສວນພຶກສາສາດ.