ແຂວງບໍລິຄຳໄຊ ແກ້ໄຂປ້າຍໂຄສະນາບໍ່ຖືກຕ້ອງ

ແຂວງບໍລິຄຳໄຊ ແກ້ໄຂປ້າຍໂຄສະນາບໍ່ຖືກຕ້ອງ

September 3, 2020 0 By admin

ວັນທີ 1 ກັນຍາ 2020 ທ່ານ ບົວສອນ ບຸດຊາດອນ ຮອງຫົວໜ້າພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ ບໍລິຄໍາໄຊ ພ້ອມດ້ວຍພະນັກງານວິຊາ ການຂະແໜງວັດທະນະທໍາ ສົມທົບກັບຫ້ອງການ ຖວທ ເມືອງປາກຊັນ ໄດ້ລົງແກ້ໄຂປ້າຍໂຄສະນາທີ່ບໍ່ຖືກ ຕ້ອງ, ປ້າຍເກົ່າແກ່-ຈິກຂາດ ແລະ ຕາມສີບໍ່ມີຄວາມສວຍງາມ.

ພ້ອມທັງເຮັດບົດບັນທຶກກັບເຈົ້າຂອງປ້າຍທີ່ບໍ່ຖືກຕ້ອງ, ປ້າຍຕາຍສີ ແລະ ປ້າຍທີ່ມີພາສາຕ່າງປະເທດໃຫຍ່ກ່ວາພາສາລາວ ໄດ້ທັງໝົດ 15 ປ້າຍ ຢູ່ພາຍໃນເທດສະບານເມືອງປາກຊັນ.


ທັ້ງນີ້ ກໍເພື່ອເຮັດໃຫ້ເທດສະບານເມືອງປາກຊັນ ມີຄວາມສວຍງາມ ແລະ ສະອາດງາມຕາ ກຽມຕ້ອນຮັບກອງປະຊຸມໃຫຍ ຄັ້ງທີ VII ຂອງອົງຄະນະພັກແຂວງທີ່ຈະໄຂຂຶ້ນໃນອີກບໍ່ດົນນີ້.


Cr: ຫນັງສືພິມບໍລິຄຳໄຊ