ເລີ່ມຕົ້ນບໍ່ດີ! ເດໂກ້ ຟໍລັນ ອະດີດກອງໜ້າ ແມນຢູ ຖືກປົດອອກຈາກຕຳແໜ່ງຄູຝຶກ ຫລັງຄຸມທີມພຽງ 11 ນັດ!!

ເລີ່ມຕົ້ນບໍ່ດີ! ເດໂກ້ ຟໍລັນ ອະດີດກອງໜ້າ ແມນຢູ ຖືກປົດອອກຈາກຕຳແໜ່ງຄູຝຶກ ຫລັງຄຸມທີມພຽງ 11 ນັດ!!

September 2, 2020 0 By admin

ເດໂກ້ ຟໍລັນ ອະດີດກອງໜ້າສະໂມສອນ ແມນເຊັສເຕີ ຢູໄນເຕັດ ແລະ ທີມຊາດອູຣູໄກວ ຖືກປົດອອກຈາກຕຳແໜ່ງຄູຝຶກສະໂມສອນ ເປນາໂຣ ທີມຊັ້ນນຳໃນບ້ານເກີດ ຊຶ່ງເປັນທີມທຳອິດທີ່ປຸກປັ້ນ ຟໍລັນ ກ່ອນໂດ່ງດັງມາເຖິງປະຈຸບັນ, ສາເຫດການປົດ ຟໍລັນ ເນື່ອງຈາກຜົນງານການຄຸມທີມບໍ່ປະທັບໃຈແຟນບານ ແລະ ຜູ້ບໍລິຫານສະໂມສອນ 11 ນັດ ຊະນະພຽງ 4 ນັດ ໃນລີກສູງສຸດຂອງ ອູຣູໄກວ.

ເດໂກ້ ຟໍລັນ ອຳລາອາຊີບໃນປີ 2018 ກັບສະໂມສອນ ຄິດສີ ໃນລີກສູງສຸດຂອງຮົງກົງ ແລະ ກ້າວມາເປັນຄູຝຶກດ້ວຍການຄຸມ ເປນາໂຣ ໃນເດືອນທັນວາ ປີ 2019, ຍ້ອນບໍ່ມີປະສົບການຄຸມທີມ ເຮັດໃຫ້ຜົນງານອອກມາບໍ່ດີ ແຕ່ ຟໍລັນ ພ້ອມຈະເດີນຕາມຝັນເປັນຄູຝຶກຕໍ່ໄປ. ສະໄໝເປັນນັກເຕະ ຟໍລັນ ຖືວ່າເປັນນັກເຕະຊັ້ນນຳຂອງໂລກໃນຍຸກປີ 2000-2015 ລົງຫລິ້ນກັບ 10 ສະໂມສອນໃນ 9 ປະເທດເປັນຕົ້ນ: ແມນຢູ, ບີຢາຣິວ, ແອັດເລຕິໂກ້ ມາດຣິດ, ອິນເຕີ ມິລານ ແລະ ກຳບະ ໂອຊາກ້າ ລວມລົງຫລິ້ນ 698 ນັດ ຍິງ 274 ປະຕູ. ໄດ້ແຊ້ມ 9 ລາຍການ, ພົ້ນເດັ່ນແມ່ນແຊ້ມ ພຣີເມ່ຍລີກ, ເອຟເອຄັບ ແລະ ຄອມມູນີຕີ້ ຊິວ ຢ່າງລະສະໄໝ.

ໃນນາມທີມຊາດ ອູຣູໄກວ ຮັບໃຊ້ທີມ 112 ນັດ ຍິງ 36 ປະຕູ, ຊ່ວຍທີມໄດ້ແຊ້ມໂຄປ້າ ອາເມຣິກາ ໃນປີ 2011.

Photos: Diego Forlan