ເລລອຍ ຊາເນ່ ຕິດທີມຊາດເຢຍລະມັນ ຊຸດ ຢູຟ້າ ເນຊັ່ນລີກ 2020-21 ພົບກັບ ສະເປນ ແລະ ສະວິສ!!

ເລລອຍ ຊາເນ່ ຕິດທີມຊາດເຢຍລະມັນ ຊຸດ ຢູຟ້າ ເນຊັ່ນລີກ 2020-21 ພົບກັບ ສະເປນ ແລະ ສະວິສ!!

September 2, 2020 0 By admin

ຢົວຄິມ ເລີບ ຄູຝຶກທີມຊາດເຢຍລະມັນ ໄວ 60 ປີ ໄດ້ປະກາດນັກເຕະຕິດທີມຊາດ ຊຸດເຂົ້າຮ່ວມລາຍການ ຢູຟ້າ ເນຊັ່ນລີກ ລະດູການໃຫມ່ 2020-21 ທີ່ຈະພົບກັບ ທີມຊາດສະເປນ (ແອັສປາຍ) ແລະ ທີມຊາດສະວິດເຊີແລນ ໃນວັນທີ 3 ແລະ 6 ກັນຍານີ້.

+ ຜູ້ຮັກສາປະຕູເຖິງວ່າບໍ່ມີຫົວໜ້າທີມ ມານູເອວ ນອຍເອີ ທີ່ຂໍພັກຫລັງໃຊ້ພະລັງໜັກໃນເກມ ຢູຟ້າ ແຊ້ມປ້ຽນລີກ ແຕ່ໄດ້ ເບີນ ເລໂນ ຈາກອາຣເຊນໍລ, ເຄວິນ ແທັບ ຈາກໄອແທັກແຟັງເຟີດ ແລະ ໂອລີເວີ ເບົາແມ້ນ ຈາກຮັອຟເຟັນຮາມ ຕິດທີມຊາດຄັ້ງທຳອິດ.

+ ກອງຫລັງນຳໂດຍ: ອັນໂຕນີໂອ ຣູດີເກີ ຈາກເຊວຊີ, ມາຕ້ຽດ ກິນເຕີ ຈາກກັດບັກ, ນິກຄາສ ຊູເລ່ ຈາກບາເຢິນ, ທີໂອ ເຄເລີ ຈາກ PSG, ໂຈນາທານ ທາ ຈາກເລເວີຄູເຊັນ, ໂຣບິນ ຄັອກ ກອງຫລັງໃຫມ່ຂອງ ລີດ ຢູໄນເຕັດ ແລະ ໂຣບິນ ໂກເຊັ້ນ ຈາກອັດຕາລັນຕ້າ ຕິດທີມຊາດຄັ້ງທຳອິດ.

+ ກອງກາງ: ນຳໂດຍ ໂທນີ້ ໂກສ ຈາກຣຽວ ມາດຣິດ, ເລຣອຍ ຊາເນ່ ກອງກາງໃຫມ່ຂອງບາເຢິນ, ອີຄາຍ ກຸນໂດກັນ ຈາກແມນຊິຕີ້, ເອັມເຣ່ ຊານ ແລະ ຢູລຽນ ແບັນ ຈາກດັອດມຸນ, ຄາຍ ຮາແວັດ ຈາກເລເວີຄູເຊັນ, ຢູລຽນ ແດັກເລີ ຈາກ PSG, ຊ້ວດ ເຊີດ້າ ຈາກຊາວເກ້ 04 ແລະ ຟໍຣຽນ ນໍເຮົ້າ ຈາກກັດບັກ ຕິດທີມຊາດຄັ້ງທຳອິດ..

+ ກອງໜ້າມີ: ທີໂມ ແວເນີ ຈາກເຊວຊີ ແລະ ລູກ້າ ເວົາສະມິດ ຈາກເບັນຟີກ້າ.

ຢູຟ້າ ເນຊັ່ນລີກ ລະດູການໃຫມ່ 2020-21 ລີກສູງສຸດ ຫລື ລີກ A ທີມຊາດເຢຍລະມັນ ອະດີດແຊ້ມໂລກ 4 ສະໄໝ ຢູ່ກຸ່ມທີ 4 ຮ່ວມກັບ ທີມຊາດແອັສປາຍ, ສະວິດເຊີແລນ ແລະ ທີມຊາດອູແກຣນ, ຮູບແບບການແຂ່ງຂັນພົບກັນໝົດໃນກຸ່ມແບບໄປກັບ ທີມທີ່ເປັນອັນດັບໜຶ່ງຂອງກຸ່ມ ເຂົ້າສູ່ຮອບ 4 ທີມສຸດທ້າຍ ໄປລຸ້ນແຊ້ມຕໍ່ໄປ, ສ່ວນທີມອັນດັບສຸດທ້າຍຕົກຊັ້ນໄປຫລິ້ນ ລີກ B ໃນລະດູການໜ້າ.

Photo: Germany Football Team – Die Mannschaft