ດີມີຕັອຟ ນັກເທັນນິສອັນດັບ 19 ຂອງໂລກ ກວດພົບຕິດເຊື້ອໂຄວິດ-19 ໃນລະຫວ່າງຮ່ວມແຂ່ງຂັນ Adrian Tour 2020

ດີມີຕັອຟ ນັກເທັນນິສອັນດັບ 19 ຂອງໂລກ ກວດພົບຕິດເຊື້ອໂຄວິດ-19 ໃນລະຫວ່າງຮ່ວມແຂ່ງຂັນ Adrian Tour 2020

June 22, 2020 0 By admin

ຈີກໍຣ ດີມີຕັອຟ ນັກເທັນນິສຊາວບຸນກາຣີ ອະດີດມື 3 ຂອງໂລກ ແຊ້ມ Tour Finals ປີ 2017 ກວດພົບຕິດເຊື້ອພະຍາດ ໂຄວິດ-19 ໃນຂະນະຮ່ວມແຂ່ງຂັນເທັນນິສລາຍການພິເສດ Adria Tour 2020 ສະໜາມທີ 2 ທີ່ຊາດ້າ ປະເທດໂຄຣເອເຊຍ, ທີ່ ໂນວັກ ໂຢໂຄວິກ ມື 1 ຂອງໂລກເປັນຜູ້ຈັດ.

ດີມີຕັອຟ  ໄວ 29 ປີ ອັນດັບ 19 ຂອງໂລກໃນປະຈຸບັນ ຮູ້ສຶກບໍ່ສະບາຍຕັ້ງແຕ່ນັດທຳອິດ ທີ່ພົບກັບ ບໍຣນ້າ ໂຄຣິກ ໃນວັນທີ 20 ມິຖຸນາຜ່ານມາ ຈຶ່ງໄປກວດຮ່າງກາຍ ແລະ ຜົນອອກມາເປັນຜົນບວກ ມີເຊື້ອໂຄວິດ-19 ດັ່ງນັ້ນ ດີມີຕັຟ ຈຶ່ງຮີບຟ້າວບອກຄົນໃກ້ຕົວ ແລະ ທຸກຄົນທີ່ສຳຜັດໃກ້ຊິດກັບຕົນ, ຂະນະນີ້ ດີມີຕັອຟກັບໄປຢູ່ເຮືອນເພື່ອປິ່ນປົວ ແລະ ກ່າວຂໍໂທດກັບຄວາມເສຍຫາຍທີ່ເກີດຂື້ນ, ອວຍພອນໃຫ້ທຸກຄົນປອດໄພ.

ຈາກຂ່າວ ດີມີຕັອຟ ຕິດເຊື້ອ ໂຄວິດ-19 ເຮັດໃຫ້ ໂນວັກ ແລະ ທີມງານທີ່ຈັດການແຂ່ງຂັນ Adria Tour ທີ່ໂຄຣເອເຊຍ ໃນວັນທີ 20-22 ມິຖຸນານີ້ ຕ້ອງຍົກເລີກການແຂ່ງຂັນທັນທີ ແລະ ເຮັດໃຫ້ທຸກຄົນທີ່ມີສ່ວນຮ່ວມໃນການແຂ່ງຂັນຕ້ອງໄປກວດວ່າມີຕິດເຊື້ອຫຼືບໍ່.

Photo: MGR Online