ໂນວັກ ຄວ້າແຊ້ມ Masters 1000 ສູງສຸດລາຍການທີ 35 ສ້າງຄວາມໝັ້ນໃຈກ່ອນລຸຍ US Open 2020

ໂນວັກ ຄວ້າແຊ້ມ Masters 1000 ສູງສຸດລາຍການທີ 35 ສ້າງຄວາມໝັ້ນໃຈກ່ອນລຸຍ US Open 2020

August 30, 2020 0 By admin

ໂນວັກ ໂຢໂຄວິກ ນັກເທັນນິສ ມື 1 ຂອງໂລກຊາວແຊກບີ້ ໄວ 33 ປີ ສືບຕໍ່ຮັກສາຜົນງານໂດດເດັ່ນຢ່າງຕໍ່ເນື່ອງໃນປະຕິທິນປີ 2020 ຄວ້າໄຊ 23 ນັດຕິດຕໍ່ກັນ ຫລ້າສຸດເອົາຊະນະ ມິລັອສ ຣາໂອນິກ ມື 30 ຂອງໂລກຈາກການາດ້າ 2-1 ເຊັດ: 1-6, 6-3, 6-4 ຄວ້າແຊ້ມ Western & Southern Open 2020 ທີ່ນິວຢ໊ອກ ສະຫະລັດ ອາເມຣິກາ ໃນວັນທີ 29 ສິງຫານີ້.

ໂນວັກ ຄວ້າແຊ້ມເປັນສະໄໝທີ 2 ຕໍ່ຈາກປີ 2018 ແລະ ສ້າງສະຖິຕິຄວ້າແຊ້ມ Masters 1000 ສູງສຸດລາຍການທີ 35 ທຽບເທົ່າກັບ ຣາຟາເອວ ນາດາວ ມື 2 ຂອງໂລກຊາວແອັສປາຍ ແລະ ເປັນແຊ້ມລາຍການທີ 3 ໃນປີນີ້.

ຂະນະທີ່ ປະເພດຍິງດ່ຽວ ຮອບຊິງຊະນະເລີດ: ນາໂອມິ ໂອຊາກະ ມື 4 ຂອງລາຍການຈາກຍີ່ປຸ່ນ ບໍ່ສາມາດແຂ່ງຂັນໄດ້ ເນື່ອງຈາກເຈັບເອັນຫລັງຫົວເຂົ່າ ມອບແຊ້ມໃຫ້ກັບ ວິກຕໍເຣຍ ອາຊາເຣນກ້າ ຈາກເບລາຣຸສ ຄອງແຊ້ມເປັນສະໄໝທີ 2 ຕໍ່ຈາກປີ 2013.

Photo: Western & Southern Open