ຣາມັອສ-ເບັນເຊມ້າ ຊັດຜູ້ລະປະຕູ ຊ່ວຍ ມາດຣິດ ພິຊິດ 3 ຄະແນນ! ແຊງ ບາຣຊ້າ ຂຶ້ນເປັນທີມນຳ ລາລີກ້າ!!

ຣາມັອສ-ເບັນເຊມ້າ ຊັດຜູ້ລະປະຕູ ຊ່ວຍ ມາດຣິດ ພິຊິດ 3 ຄະແນນ! ແຊງ ບາຣຊ້າ ຂຶ້ນເປັນທີມນຳ ລາລີກ້າ!!

June 22, 2020 0 By admin

ການແຂ່ງຂັນເຕະບານ ລາລີກ້າ ແອັສປາຍ ລະດູການ 2019-20 ນັດທີ 30 ຄືນຜ່ານມາ, ຣຽວ ມາດຣິດ ແຊ້ມສູງສຸດ 33 ສະໄໝ ບຸກຊະນະ ຣຽວ ໂຊຊີແດັດ (ລາຣຽວ) ແບບວຸດວິດ 2-1, ມາດຣິດ ນຳກ່ອນ 2-0 ຈາກຈຸດໂທດຂອງຫົວໜ້າທີມ ເຊີຈີໂອ ຣາມັອສ ນາທີ 50′ ແລະ ຄາຣິມ ເບັນເຊມ້າ ນາທີ 70′ ຂະນະທີ່ ເຈົ້າບ້ານແກ້ໄດ້ພຽງໜຶ່ງປະຕູຈາກ ມິເກວ ເມຣີໂນ້ ນາທີ 83′.

ມາດຣິດ ເກັບເພີ່ມເປັນ 65 ຄະແນນຈາກ 30 ນັດ ເທົ່າກັບ ບາຣເຊໂລນ້າ ເຖິງວ່າປະຕູໄດ້ເສຍໜ້ອຍກວ່າ ແຕ່ມີສະຖິຕິດີກວ່າ ບາຣຊ້າ (ສະເໝີ 0-0 ແລະ ຊະນະ 2-0), ເຫລືອອີກ 8 ນັດໃຫ້ວັດກັນວ່າ ທີມໃດຈະເປັນແຊ້ມລະດູການນີ້. ນັດຕໍ່ໄປ ມາດຣິດ ຈະເປີດບ້ານພົບກັບ ມາຢໍລກ້າ ໃນຄືນວັນທີ 24 ມິຖຸນານີ້ ເວລາ 03:00. ສ່ວນ ຣຽວ ໂຊຊີແດັດ ຈະເປີດບ້ານພົບກັບ ແອັດເລຕິກ ບິວເບົາ ໃນຄືນວັນທີ 23 ມິຖຸນານີ້ ເວລາ 03:00 ປະຈຸບັນ ຣຽວ ໂຊຊີແດັດ ມີ 47 ຄະແນນ ຢູ່ອັນດັບທີ 6 ຫ່າງຈາກພື້ນທີ່ແຊ້ມປ້ຽນລີກ 5 ຄະແນນ.

ຜົນອີກ 2 ຄູ່ໃນມື້ວານນີ້ (21 ມິຖຸນາ 2020) ເຊວຕ້າ ບີໂກ້ ຊະນະ ອາລາເບັສ 6-0 ແລະ ບາເລັນເຊຍ ຊະນະ ໂອຊາຊູນ້າ 2-0 ສຳລັບຄືນນີ້ມີແຂ່ງ 2 ຄູ່: ບີຢາຣິວ ພົບ ເຊບີຢ້າ ເວລາ 00:30 ແລະ ເລກາເນັສ ພົບກັບ ກຣານາດ້າ ເວລາ 03:00.

ໄຮໄລ້ການແຂ່ງຂັນຕາມລິ້ງລຸ່ມນີ້:

Photo: Real Madrid C.F.