ປະມວນພາບ ບັນດານາງແບບ-ຊາຍແບບ ແລະ ແຂກ ຍ່າງພົມແດງ ເຂົ້າຮ່ວມງານເດີນແບບການກຸສົນ ໂຄງການ” ຮ່ວມປັນຮັກ” Better together   ສົມທົບທຶນສ້າງໂຮງຮຽນປະຖົມທີ່ເມືອງກາສີ

ປະມວນພາບ ບັນດານາງແບບ-ຊາຍແບບ ແລະ ແຂກ ຍ່າງພົມແດງ ເຂົ້າຮ່ວມງານເດີນແບບການກຸສົນ ໂຄງການ” ຮ່ວມປັນຮັກ” Better together ສົມທົບທຶນສ້າງໂຮງຮຽນປະຖົມທີ່ເມືອງກາສີ

August 30, 2020 0 By admin

​ໃນ​ວັນ​ທີ 29 ສິງຫາ 2020 ງານເດີນແບບການກຸສົນ  Better Together Fashion Show Charity 2020 ຄືນທີ1 ຂອງໂຄງການ “ຮ່ວມ​ປັນ​ຮັກ Better Togeter”   ເພື່ອ​ລະ​ດົມ​ທຶນ​ໄປ​ສ້າງອາຄານຮຽນ​ໂຮງ​ຮຽນສົມບູນ ບ້ານຫ້ວຍຕັ້ງນາຍ ເມືອງກາສີ ແຂວງວຽງຈັນ ໄດ້ເລີ່ມຂຶ້ນຢ່າງເປັນທາງການ.

ເຊັດນີ້ແອັດມິນຂໍປະມວນພາບບັນດາຜູ້ເຂົ້າຮ່ວມງານ,ນາງແບບ-ຊາຍແບບ ໄດ້ເດີນທາງຍ່າງພົມແດງເຂົ້າສູ່ງານມາໃຫ້ເບິ່ງໃຫ້ຊົມກັນໃນເຊັດທຳອິດ…ກ່ອນທີ່ຈະໄປເບິ່ງຄວາມງາມຂອງການເດີນແບບຈາກ9ຫ້ອງເສື້ອແລະສູນຄວາມງາມຊັ້ນນຳຂອງເມືອງລາວ.

ງານຄັ້ງນີ້ມີ ບັນດານາງແບບ-ຊາຍແບບຫຼາກຫຼາຍວົງການ ແລະ ຫຼາກຫຼາຍຄ້າຍ ນໍາໂດຍ ນຸ້ຍ ສຸພາພອນ ສົມວິຈິດ MissUniverseLaos2018.

.

ເຈນນີ້ ຕົ້ນຄຳ ພົນຈັນເຮືອງ MissWorldLaos2017  ແລະ ຄົນອື່ນໆ ໄດ້ເຂົ້າຮ່ວມເພື່ອເປັນສ່ວນໜຶ່ງໃນການຮ່ວມກັນລະດົມທຶນສ້າງໂຮງຮຽນໃຫ້ແດ່ເດັກນ້ອຍເຂດຫ່າງໄກຊອກຫລີກເຊິ່ງນັບເປັນງານດີໆທີ່ຄວນຊຸກຍູ້ສົ່ງເສີມເປັນຢ່າງຍິງ.

(ເສຍດາຍທີ່ນ້ອງລູກນ້ຳ ທິດາລັດ ວົງສິລິ ນາງສາວລາວ2011 ບໍ່ສາມາດມາຮ່ວມເດີນແບບໃນງານນີ້ໄດ້ເນື່ອງຈາກຫາກໍຜ່າຕັດກ້ອນບົ້ງມາ ເຮັດໃຫ້ຍັງຕ້ອງໄດ້ພັກຜ່ອນຕາມການແນະນພຂອງແພດໝໍ).

.

ງານດັ່ງກ່າວຈັດຂຶ້ນທີ່ ໂຮງ​ແຮມ ລາວເທວ ນະ​ຄອນຫຼວງວຽງ​ຈັນວັນທີ29-30 ສິງຫາ 2020  ເຊິ່ງມີ​ປະ​ທານ​ໂຄງ​ການ ທ່ານ ລຳ​ເງິນ ວົງ​ພະ​ຈັນ ປະ​ທານ ສະ​ມາ​ຄົມ​ກູ້​ໄພ ນະ​ຄອນຫຼວງວຽງ​ຈັນ 1624, ທ່ານ​ນາງ ວົງ​ຈັນ ບົວ​ແພງ ປະ​ທານ ໂຄງ​ການ ຮ່ວມ​ປັນ​ຮັກ Better Togeter.

.

ທ່ານ​ເທບ​ມະ​ຫາ​ວິ​ໄຊ ໄຊ​ທິ​ລາດ ຫຼື Tar Apact ຮອງ​ປະ​ທານ ໂຄງ​ການ ຮ່ວມ​ປັນ​ຮັກ Better Togeter ຄົນ​ທີ່ 1 (ນັກ​ຮ້ອງ, ນັກ​ປະ​ພັນ​ເພງ ແລະ ຜູ້​ອຳ​ນວຍ​ການ ບໍ​ລິ​ສັດ ກ້າວ​ໜ້າ ເອັນ​ເຕີ​ເທັນ​ເມັນ ຈຳ​ກັດ), ທ່ານ ຄຳ​ເພົ້າ ບົວ​ພັນ ຫຼື ຄຳ​ເພົ້າ ສັ່ງ​ໄດ້ ຮອງ​ປະ​ທານ ໂຄງ​ການ ຮ່ວມ​ປັນ​ຮັກ Better Togeter ຄົນ​ທີ່ 2 (ນັກ​ອອກ​ແບບ​ເສື້ອ​ຜ້າ, ຜູ້​ກໍ່​ຕັ້ງ ແລະ ເຈົ້າ​ຂອງ​ຫ້ອງ​ເສື້ອ ຄຳ​ເພົ້າ ສັ່ງ​ໄດ້) ແລະ ຫ້ອງເສື້ອຕ່າງໆໄດ້ນຳເອົາຜົນງານການອອກແບບມາໃຫ້ຜູ້ເຂົ້າຮ່ວມງານໄດ້ຊົມ.

ພິເສດໃນງານຍັງມີການປະມູນຊຸດ, ເຄື່ອປະດັບຕື່ມອີກ ບອກໄດ້ເລີຍວ່າງານນີ້ໄດ້ທັງບຸນ ໄດ້ທັງຊຸດງາມໆກັນເລີຍ

.

.

.

.

.

.

ສຳລັບມື້ນີ້ວັນທີ 30 ສິງຫາ 2020  ຖືເປັນມື້ສູດທ້າຍຂອງງານເດີນແບບເພື່ອການກຸສົນຄັ້ງນີ້… ທ່ານໃດພາກໂອກາດໃນຄືນທີ1 ກໍຍ່າລືມໄປເບິ່ງໄປຊົມໄປເຮັດບຸນຮ່ວມກັນໄດ້ ທີ່ໂຮງແຮມລາວເທລ ນະຄອນຫຼວງວຽງຈັນ, ງານເລີ່ມຕັ້ງແຕ່ເວລາ18:30 ໂມງເປັນຕົ້ນໄປ.

ຂອບໃຈຮູບງາມໆຈາກຊ່າງພາບຂອງເພຈຊຸບຊິບບັນເທີງ