ບາເຢິນ ພົບ ເຊບີຢ້າ ຢູຟ້າ ຊຸບເປີຄັບ 2020 ຢູ່ຮົງກາຣີ ອະນຸຍາດໃຫ້ມີຜູ້ຊົມບໍ່ເກີນ 30%

ບາເຢິນ ພົບ ເຊບີຢ້າ ຢູຟ້າ ຊຸບເປີຄັບ 2020 ຢູ່ຮົງກາຣີ ອະນຸຍາດໃຫ້ມີຜູ້ຊົມບໍ່ເກີນ 30%

August 28, 2020 0 By admin

ຝ່າຍຈັດການແຂ່ງຂັນເຕະບານ ຢູຟ້າ ຊຸບເປີຄັບ 2020 ລະຫວ່າງ ບາເຢິນ ມິວນິກ ແຊ້ມຢູຟ້າ ແຊ້ມປ້ຽນລີກ ແລະ ເຊບີຢ້າ ແຊ້ມ ຢູໂຣປ້າລີກ ລະດູການຫລ້າສຸດ ໄດ້ອະນຸຍາດໃຫ້ຜູ້ຊົມສາມາດເຂົ້າຊົມການແຂ່ງຂັນໄດ້ ແຕ່ບໍ່ໃຫ້ເກີນ 30% ຂອງຄວາມຈຸສະໜາມ ປຸສກາສ ອາຣີນ້າ ສະໜາມເຈົ້າພາບໃນປີນີ້ ທີ່ສາມາດບັນຈຸຜູ້ຊົມ 67,000 ກວ່າຄົນ ຕັ້ງຢູ່ນະຄອນຫລວງບູດາເປັສ ປະເທດຮົງກາຣີ້, ທັງນີ້ ກໍເພື່ອເວັ້ນໄລຍະຫ່າງ ຫລີກລ່ຽງການຕິດເຊື້ອ ໂຄວິດ-19 ໂດຍຈະແຂ່ງຂັນໃນຄືນວັນທີ 24 ກັນຍາ 2020 ເວລາ: 02:00 ຕາມເວລາໃນປະເທດລາວ.

ນີ້ເປັນການພົບກັນຄັ້ງທຳອິດຂອງທັງສອງທີມໃນລາຍການນີ້ ບາເຢິນ ເຄີຍເປັນແຊ້ມ 1 ສະໄໝ ຫລ້າສຸດໃນປີ 2013 ຂະນະທີ່ ເຊບີຢ້າ ກໍເຄີຍເປັນແຊ້ມ 1 ສະໄໝ ໃນປີ 2006 ແລະ 5 ຄັ້ງຫລັງສຸດຂອງ ເຊບີຢ້າ ພົບກັບຄວາມປະລາໄຊທັງໝົດ.

Photo: UEFA