ສປປລາວ ສົ່ງ 7 ປະເພດ ເຂົ້າແຂ່ງຂັນການທະຫານກີລາສາກົນ 2020 ທີ່ ຣັດເຊຍ

ສປປລາວ ສົ່ງ 7 ປະເພດ ເຂົ້າແຂ່ງຂັນການທະຫານກີລາສາກົນ 2020 ທີ່ ຣັດເຊຍ

August 28, 2020 0 By admin

Media Laos, ປີ 2020 ນີ້ອີງໃສ່ຄວາມຫຍູ້ງຍາກ ຈາກສະພາບ ໂຄວິດ-19 ສະນັ້ນ ໄດ້ສົ່່ງນັກກິລາເຂົ້າຮ່ວມ 7 ປະເພດ ລວມຈຳນວນພົນທັງຫມົດ 84 ສະຫາຍເຂົ້າຮ່ວມການແຂ່ງຂັນການທະຫານກິລາສາກົນ2020 ທີ່ ສ.ຣັດເຊຍ.

ຮັບຜິດຊອບລວມໂດຍ ພັອ ບູນປອນ ລົມພະຈັນ ຫົວຫນ້າການທະຫານ ກອງພັນໃຫຍ່ ລົດຕັງ-ຍານເກາະ 661 ໃນນັ້ນ 2 ປະເພດຄຶ ລົດຕັງ ຈຳນວນ 21 ສະຫາຍ ແລະ ຕັກນິກຊ່າງແສງ ຈຳນວນ 21 ສະຫາຍ ແມ່ນເອົນນັກກິລາມາແຕ່ ສປປລາວ ແລະ ອີກ 5 ປະເພດ ຈຳນວນພົນ 42 ສະຫາຍ ແມ່ນ ຕົກລົງເອົານັກຮຽນທີກຳລັງສຶກສາວິຊາສະເພາະການທະຫານຢູ່ ສ ລັດເຊຍ ເປັນຕົວແທນເຂົ້າຮ່ວມ.

ລາຍລະອຽດແຕ່ລະທີມມີຄື: ທີມເຫລົ່າຮົບ ລົດຕັງ-ຍານເກາະ 21 ສະຫາຍ ນຳໂດຍ ພັອ ບູນປອນ ລົມພະຈັນ ຫົວຫນ້າການທະຫານກອງພັນໃຫຍ່ ລົດຕັງ-ຍານເກາະ 661ເປັນຫົວຫນ້າ ທັງຊີນຳລວມ; ທີມ ເຕັກນິກ ຊ່າງແສງ ເຫລົ່າຮົບ ຊ່າງແສງ 21 ສະຫາຍ ນຳໂດຍ ພັອ ບູນສົດ ອິນສິນາ ຮອງຫົວຫນ້າກົມ ຊ່າງແສງ ກົມໃຫຍ່ເສນາທິການ ເປັນຫົວຫນ້າທີມ.


ທີມ ທະຫານອາກາດ ກູ້ໄພສູກເສີນ 10 ສະຫາຍ ນຳໂດຍ ວທ ວຽງທອງ ແພງຄຳດີ ນັກ ສສ ວິທະຍາຄານທະຫານອາກາດ ເມຶອງວາໂຣເນດ ເປັນຫົວຫນ້າທີມ; ທີມ ປ້ອງກັນອາກາດ 5 ສະຫາຍນຳໂດຍ ວທ ພັນທະມິດ ແສງດາວັນ ນັກ ສສ ວິທະຍາຄານ ປ້ອງກັນອາກາດ ເມຶອງ ສະໂມແລນ ເປັນຫົວຫນ້າທີມ.


ທີມ ສຶບຂ່າວ 12 ສະຫາຍ ນຳໂດຍ ວທ ພັນລະຄອນ ແກ້ວມະນີ ນັກ ສສ ໂຮງຮຽນບັນຊາສຶບຂ່າວ ເມຶອງ ໂນໂວສົບຣົກ ເປັນຫົວຫນ້າທີມ;

ທີມ ເຄມີ ລັງສີ 7 ສະຫາຍ ນຳໂດຍ ວທ ໄມ້ ພົມສີປະເສດ ນັກ ສສ ວິທະຍາຄານ ເຄມີ-ລັງສີ ແລະ ຊີວະພາບ ເມຶອງ ກາສະໂຕຣມມາ ເປັນຫົວຫນ້າທີມ; ທີມ ເຕັກນິກ ຊ່ຽວຊານອາວູດປຶນ ນຳໂດຍ ຮທ ສົມລັກ ພູດທະວົງ ນັກ ສສ ວິທະຍາຄານ ພະລາທິການ-ເຕັກນິກ ເມຶອງ ປັນຊາ ເປັນຫົວຫນ້າທີມມີ 8 ສະຫາຍ