ປູນ້ອຍ ພອນສະນິດ  ຮອງອັນດັບສາມນາງສາວລາວ 2019 ໃນຊຸດຊົນເຜົ່າ ລື້

ປູນ້ອຍ ພອນສະນິດ ຮອງອັນດັບສາມນາງສາວລາວ 2019 ໃນຊຸດຊົນເຜົ່າ ລື້

August 27, 2020 0 By admin

ພອນສະນິດ ລັດຕະນະສັກ (ປູນ້ອຍ) ຮອງອັນດັບສາມນາງສາວລາວ 2019 ໃນຊຸດຊົນເຜົ່າ ລື້ ງາມເດັ່ນມີເອກະລັກ


ອີງຕາມປຶ້ມເອກະລັກຊົນເຜົ່າລື້ ຈັດພິມໂດຍກົມຊົນເຜົ່າ ສູນກາງແນວລາວສ້າງຊາດ ໃນປີ2015 ໃຫ້ຮູ້ວ່າ: ຊົນເຜົ່າລື້ ແມ່ນຊົນເຜົ່າຫນຶ່ງຂອງວົງຄະນາຍາດແຫ່ງຊາດລາວ ຊຶ່ງໄດ້ຕັ້ງຖິ່ນຖານ ແລະ ທໍາມາຫາກິນຢູ່ປະເທດລາວພ້ອມດຽວກັນກັບຊົນເຜົ່າໃນຫມວດພາສາ ລາວ-ໄຕ, ຊົນເຜົ່ານີ້ໄດ້ອົບພະຍົບ ແລະ ເຄື່ອນຍ້າຍມາຈາກພາກໃຕ້ ແລະ ພາກຕາເວັນອອກສ່ຽງໃຕ້ຂອງປະເທດ ຈີນ ບໍລິເວນມົນທົນ 12 ພັນນາ ເຂົ້າສູ່ບັນດາແຂວງພາກເຫນືອຂອງລາວເຮົາ ໃນຕອນທ້າຍສະຕະວັດທີ XIII ເປັນຕົ້ນມາ.

ຊົນເຜົ່າລື້ ເອີ້ນຕົນເອງວ່າ: “ຕື້” ຊົນເຜົ່າອື່ນເອີ້ນໃຫ້ເຂົາເຈົ້າ ກໍແມ່ນ “ ລື້”, ຊື່ທີ່ເຂົາເຈົ້າມັກ ແລະ ຊື່ທີ່ໃຊ້ທາງການໃນວັດຈຸບັນກໍ ແມ່ນ “ຊົນເຜົ່າ ລື້”. ສໍາລັບການເອີ້ນຊື່ວ່າ “ລື້, ໄທລື້, ໄຕລື້” ນີ້ຕາມຂໍ້ ມູນໃນປຶ້ມພົງສາວະດານລາວໄດ້ຂຽນໄວ້ວ່າ: ແມ່ນພວກທີ່ຍັງຕົກຄ້າງຢູ່ປະເທດ ຈີນ ຕອນໃຕ້ ຫຼື ມົນທົນຢູນານພາຍຫຼັງທີ່ລາວເຮົາໄດ້ເສຍອານາຈັກ ແລະ ໄດ້ພາກັນແຍກອອກເປັນຫຼາຍຈຸ້ມ, ຫຼາຍພວກພ້ອມກັບ ການປະຊື່ເດີມ ແລະ ເອີ້ນກັນດ້ວຍຊື່ໃຫມ່ແຕ່ກໍຍັງເອີ້ນຕົນເອງວ່າ: “ໄທ້” ເພື່ອສະແດງໃຫ້ຮູ້ວ່າເປັນພວກດຽວກັນ.

ປັດຈຸບັນຊົນເຜົ່າ ລື້ ອາໄສຢູ່ ສປປ ລາວ ສ່ວນຫຼາຍຕັ້ງຖິ່ນຖານ ແລະ ທໍາມາຫາກິນຢູ່ບັນດາແຂວງພາກເຫນືອເຊັ່ນ: ແຂວງຜົ້ງສາລີ, ຫຼວງນ້ໍາທາ, ບໍ່ແກ້ວ, ອຸດົມໄຊ, ໄຊຍະບູລີ, ຫຼວງພະບາງ ແລະ ແຂວງວຽງຈັນ. ນອກຈາກຢູ່ ລາວ ແລ້ວຊົນເຜົ່າ ລື້ ຍັງມີ ຢູ່ປະເທດ ຫວຽດນາມ, ຈີນ, ມຽນມາ.

ຊົນເຜົ່າລື້ ມີເຄື່ອງນຸ່ງຫົ່ມເອ້ຢ້ອງ ທີ່ເປັນເອກະລັກປະຈໍາຊົນເຜົ່າ. ສ່ວນຫຼາຍຜູ້ຊາຍຈະນຸ່ງໂສ້ງ, ເສື້ອດໍາ, ຜ້າຄຽນຫົວສີດໍາ ຫຼື ລາຍຂາວ, ແມ່ຍິງຈະນຸ່ງສິ້ນແຊງເຄືອດຳ ຈົກດອກລວດລາຍຕາມຄວາມມັກ, ນຸ່ງເສື້ອສີດຳ ຫຼື ສີຟ້າແກ່ແຂບປາຍແຂນ, ຄໍ ແລະ ແຄບເສື້ອແລ້ວພັບນອກແລ້ວປ້າຍມັດຂ້າງ.

CR:MISS LAOS ນາງສາວລາວ