ກອງທັບປະຊາຊົນລາວ ເຂົ້າຮ່ວມການແຂ່ງຂັນກີລາການທະຫານເຫຼົ່າຮົບຊ່າງແສງ ທີ່ ສ.ຣັດເຊຍ

ກອງທັບປະຊາຊົນລາວ ເຂົ້າຮ່ວມການແຂ່ງຂັນກີລາການທະຫານເຫຼົ່າຮົບຊ່າງແສງ ທີ່ ສ.ຣັດເຊຍ

August 26, 2020 0 By admin

Lao people’s Army News, ໃນວັນທີ 24 ສິງຫາ 2020 ນີ້, ຢູ່ທີ່ສະໝາມຫັດແອບກອງ ພົນຊ່າງແສງກອງທັບ ສ. ຣັດເຊຍ ທີ່ເມືອງໂວນກາກຼາດ ໄດ້ເປີດການ ແຂ່ງຂັນກີລາການທະຫານເຫຼົ່າ ຮົບຊ່າງແສງຂຶ້ນຢ່າງເປັນທາງ ການ ໂດຍການເປັນປະທານຂອງທ່ານ ພັນເອກ ໂອບະລີເຢນໂກ ຫົວໜ້າກອງພົນຊ່າງແສງກອງ ທັບ ສ. ຣັດເຊຍ, ມີຄະນະຊີ້ນຳ ທີມນັກກີລາ, ບັນດານັກກີລາ. ໃນ ນັ້ນ, ກອງທັບປະຊາຊົນລາວ ໄດ້ ສົ່ງເຂົ້າຮ່ວມ 2 ລາຍການ.

ທ່ານ ພັນເອກ ໂອບະລີ ເຢນໂກ ໄດ້ກ່າວຈຸດປະສົງການເປີດການ ແຂ່ງຂັນກີລາການທະຫານຄັ້ງນີ້, ເພື່ອເປັນການສ້າງສາຍພົວພັນມິດຕະພາບຂອງເຫຼົ່າຮົບຊ່າງແສງກັບບັນດາປະເທດຕ່າງໆ ແລະ ເປັນການແລກປ່ຽນບົດ ຮຽນເຕັກນິກ-ປະສົບການໃນ ການນຳໃຊ້ພາຫະນະເຕັກນິກ ຮັບປະກັນສູ້ຮົບ. ຈາກນັ້ນ, ແຕ່ ລະປະເທດ ໄດ້ຜັດປ່ຽນກັນມີຄຳ ເຫັນ.

ໃນໂອກາດນີ້, ທ່ານ ພັນເອກ ບຸນສົດ ອິນສີນາ ຮອງຫົວໜ້າກົມຊ່າງແສງກອງທັບປະຊາຊົນລາວ ໄດ້ຂຶ້ນມີຄຳເຫັນ ວ່າ: ການເຂົ້າຮ່ວມແຂ່ງຂັນກີລາການທະຫານສາກົນ ທີ່ ສ. ຣັດເຊຍ ໃນຄັ້ງນີ້ ເພື່ອເປັນການຍົກສູງບົດບາດ ຂອງກອງທັບປະຊາຊົນລາວໃນ ເວທີສາກົນ ເວົ້າລວມ, ເວົ້າສະ ເພາະ ແມ່ນເຫຼົ່າຮົບຊ່າງແສງ ແລະ ທັງເປັນການຍົກລະດັບຄວາມຮູ້, ຄວາມສາມາດທາງດ້ານວິຊາສະເພາະຊ່າງແສງ ແລະ ສ້າງປະສົບການໃນວຽກງານວິຊາສະເພາະໃຫ້ມີຄຸນນະພາບ ແລະ ເປັນການຖອດຖອນບົດຮຽນ ອັນໃໝ່.

ສຳລັບທີມນັກກີລາເຫຼົ່າ ຮົບຊ່າງແສງກອງທັບປະຊາຊົນ ລາວ ສົ່ງເຂົ້າແຂ່ງຂັນໃນຄັ້ງນີ້ ແມ່ນຄັ້ງທີສອງ. ຈາກນັ້ນ, ບັນດານັກກີລາແຕ່ ລະທີມ ກໍໄດ້ຈັດຕັ້ງກວດກາພາ ຫະນະເຕັກນິກຂອງຕົນ ເພື່ອເຂົ້າ ແຂ່ງຂັນ. ສະເພາະການແຂ່ງຂັນ ຈະໄດ້ຈັດຂຶ້ນໃນລະຫວ່າງວັນທີ 25-28 ສິງຫາ 2020 ຈຶ່ງຈະ ສຳເລັດ.

ພາບຈາກ: