ຢູເຊນ ໂບລ ນັກແລ່ນໄວທີ່ສຸດໃນໂລກ ກວດພົບຕິດເຊື້ອໂຄວິດ-19

ຢູເຊນ ໂບລ ນັກແລ່ນໄວທີ່ສຸດໃນໂລກ ກວດພົບຕິດເຊື້ອໂຄວິດ-19

August 26, 2020 0 By admin

ຄະນະແພດປະເທດຈາໄມກ້າ ອອກມາຢືນຢັນຜົນກວດເຊື້ອໂຄວິດ-19 ຂອງ ຢູເຊນ ໂບລ ນັກແລ່ນໄວທີ່ສຸດໃນໂລກຕິດເຊື້ອໂຄວິດ-19 ພາຍຫລັງສະຫລອງວັນເກີດ ຄົບຮອບ 34 ປີ ເມື່ອທ້າຍອາທິດຜ່ານມາ ທີ່ຈາໄມກ້າ ໂດຍບໍ່ມີການເວັ້ນໄລຍະຫ່າງ ແລະ ໃສ່ໜ້າກາກອານາໄມ.

ການສະຫລອງວັນເກີດຄັ້ງນີ້ຂອງ ຢູເຊນ ໂບລ ລາຍງານຈາກສື່ທ້ອງຖິ່ນລະບຸວ່າ: ມີເພື່ອນນັກກິລາຊື່ດັງຫລາຍຄົນມາຮ່ວມງານເຊັ່ນ: ຣາຮີມ ສະເຕີລິ້ງ ປີກທີມຊາດອັງກິດຂອງສະໂມສອນ ແມນເຊັສເຕີ ຊິຕີ້, ລີອອນ ໄບລີ້ ປີກຊາວເຢຍລະມັນຂອງ ໄບເອີ ເລເວີຄູເຊັນ ແລະ ຄຣິສ ເກ ອະດີດນັກກິລາຄຣິກແກັດຊື່ດັງ.

ຂະນະນີ້ ອາການຂອງ ຢູເຊນ ໂບລ ປົກກະຕິ ແຂງແຮງດີ, ກຳລັງຢູ່ໃນຂັ້ນຕອນການປິ່ນປົວຂອງແພດ, ສຳລັບ ຢູເຊນ ໂບລ ອຳລາອາຊີບນັກແລ່ນໃນປີ 2017 ແຕ່ຍັງຮັກສະຖິຕິໂລກແລ່ນໄວສຸດໃນໄລຍະ 100 ແມັດ ແລະ 200 ແມັດ ພ້ອມກັບເປັນເຈົ້າຂອງ 8 ຫລຽນຄຳໂອແລມປິກ. ຫລັງອຳລາອາຊີບໃນປີ 2017 ໄດ້ເດີນຕາມຝັນ ຢາກເປັນນັກເຕະບານ ໂດຍໄດ້ຝຶກຊ້ອມກັບ ໂບຣຸສເຊຍ ດັອດມຸນ ແລະ ເຊັນໂທຣ ໂຄສ ມາຣີເນີ ສອງທີມໃນເຢຍລະມັນ ແລະ ອົດສະຕຣາລີ ແຕ່ບໍ່ໄດ້ເຊັນສັນຍາອາຊີບ.

Photo: Olympic