ປະກາດການແຕ່ງຕັ້ງປະທານ,ຮອງປະທານແລະກຳມະການຄະນະກຳມະການ ປ້ອງກັນຊາດ-ປ້ອງກັນຄວາມສະຫງົບ ແຂວງຈຳປາສັກ

ປະກາດການແຕ່ງຕັ້ງປະທານ,ຮອງປະທານແລະກຳມະການຄະນະກຳມະການ ປ້ອງກັນຊາດ-ປ້ອງກັນຄວາມສະຫງົບ ແຂວງຈຳປາສັກ

August 25, 2020 0 By admin

ພິທີປະກາດການແຕ່ງຕັ້ງປະທານ,ຮອງປະທານ ແລະກຳມະການຄະນະກຳມະການ ປອ້ງກັນຊາດ-ປອ້ງກັນຄວາມສະຫງົບ ແຂວງຈຳປາສັກ ໄດ້ຈັດຂື້ນໃນວັນທີ 24 ສິງຫາ 2020 ນີ້,ຢູ່ທີ່ສະໂມສອນຂອງກອງບັນຊາການທະຫານແຂວງຈຳປາສັກ.

ໂດຍການໃຫ້ກຽດເປັນປະທານຂອງ ສະຫາຍ ພົນໂທ ວິໄລ ຫຼ້າຄຳຟອງ ເລຂາທິການສູນກາງພັກ ຄະນະກຳມະການ ປອ້ງກັນຊາດ-ປອ້ງກັນຄວາມສະຫງົບ ສູນກາງ ລັດຖະມົນຕີກະຊວງປອ້ງກັນຄວາມສະຫງົບ, ມີສະຫາຍ ປອ ວິໄລວົງ ບຸດດາຄຳ ກຳມະການສູນກາງພັກ ເລຂາພັກແຂວງ ເຈົ້າແຂວງໆຈຳປາສັກ,ມີ ສະຫາຍ ພົນຕີ ສະຫວ່າງໄຊ ສິນນະວົງ ຄະນະພັກກະຊວງປອ້ງກັນປະເທດ ຫົວໜ້າຫອ້ງການ ຄະນະກຳມະການ ປອ້ງກັນຊາດ-ປອ້ງກັນຄວາມສະຫງົບສູນກາງ, ມີບັນດາສະຫາຍ ຄະນະນຳຂັ້ນແຂວງ,ຄະນະພັກ-ຄະນະບັນຊາ ກຳລັງປອ້ງກັນຊາດ ກຳລັງຫຼວງ,ກຳລັງທ້ອງຖິ່ນ,ອອ້ມຂ້າງແຂວງ ແລະ ກະລັງປອ້ງກັນຄວາມສະຫງົບແຂວງເຂົ້າຮວ່ມ.


ສະຫາຍ ພົນຕີ ສະຫວ່າງໄຊ ສິນນະວົງ ໄດ້ຜ່ານ ມະຕິຂໍ້ຕົກລົງຂອງເລຂາທິການ ສູນກາງພັກ ສະບັບເລກທີ 113.ລົງວັນທີ 29/07/2020 ວ່າດວ້ຍການແຕ່ງຕັ້ງປະທານ,ຮອງປະທານ ແລະ ກຳມະການຄະນະກຳມະການ ປອ້ງກັນຊາດ-ປອ້ງກັນຄວາມສະຫງົບແຂວງຈຳປາສັກ ໃນນັ້ນ ໄດ້ແຕ່ງຕັ້ງ:


1. ສະຫາຍ ປອ ວິໄລວົງ ບຸດດາຄຳ ເປັນປະທານຄະນະກຳມະການ ປອ້ງກັນຊາດ-ປອ້ງກັນຄວາມສະຫງົບແຂວງ
2. ສະຫາຍ ມະໄລທອງ ກົມມະສິດ ເປັນຮອງປະທານຄະນະກຳມະການ ປອ້ງກັນຊາດ-ປອ້ງກັນຄວາມສະຫງົບແຂວງ
3. ສະຫາຍ ພົນຈັດຕະວາ ສຸໄກ ພິມມະສານ ເປັນຮອງປະທານ ທັງເປັນຜູ້ປະຈຳການ ຄະນະກຳມະການ ປອ້ງກັນຊາດ-ປອ້ງກັນຄວາມສະຫງົບແຂວງ


4. ສະຫາຍ ພັນເອກ ຖາວອນ ບຸນກອງພິມ ເປັນຮອງປະທານ ຄະນະກຳມະການ ປອ້ງກັນຊາດ-ປອ້ງກັນຄວາມສະຫງົບແຂວງ
5. ສະຫາຍ ພົນຈັດຕະວາ ວັນທອງ ບຸດຕະວົງ ເປັນກຳມະການ
6. ສະຫາຍ ພັນເອກ ສຸກັນ ໄຕໄຊຍະວົງ ເປັນກຳມະການ
7. ສະຫາຍ ພັນເອກ ສົມລິດ ສີຫາບຸດ ເປັນ ກຳມະການ
8. ສະຫາຍ ພັນເອກ ພູເວີນ ວົງຄຳຊາວ ເປັນກຳມະການ
9. ສະຫາຍ ພັນເອກ ຄຳຮຸ່ງ ຊາຍສີດາ ເປັນກຳມະການ
10. ສະຫາຍ ພັນໂທ ບົວໄຂ ພົມພັນ ເປັນກຳມະການ


ໃນພິທີໄດ້ຮັບຟັງການໂອ້ລົມຂອງ ສະຫາຍ ພົນໂທ ວິໄລ ຫຼ້າຄຳຟອງ ເຊີ່ງສະຫາຍໄດ້ໃຫ້ທິດຊີ້ນຳຫຼາຍບັນຫາທີ່ສຳຄັນໜັກແໜ້ນ ແລະ ເລິກເຊີ່ງເພື່ອເປັນທິດທາງໃນການຈັດຕັ້ງປະຕິບັດວຽກງານ ປ້ອງກັນຊາດ-ປອ້ງກັນຄວາມສະຫງົບ ກໍຄືການປະຕິບັດແນວທາງປອ້ງກັນຊາດຂອງພັກ ໃຫ້ມີຄວາມໜັກແໜ້ນເຂັ້ມແຂງແລະມີປະສິດທິພາບສູງຕິດພັນກັບການປະຕິບັດແຜນພັດທະນາເສດຖະກິດສັງຄົມແຫ່ງລັດໃຫ້ປະກົດຜົນເປັນຈິງນັບມື້ຫຼາຍຂື້ນສືບຕໍ່ສ້າງໃຫ້ສະພາບທອ້ງຖິ່ນແຂວງຈຳປາສັກ.ໃຫ້ມີຄວາມສະຫງົບໝັ້ນຄົງ ສັງຄົມມີຄວາມເປັນລະບຽບຮຽບຮອ້ຍເສດຖະກິດໄດ້ຮັບການພັດທະນາຂື້ນສູ່ລະດັບສູງຍືນຍົງແລະໝັ້ນທ່ຽງ.

ໂດຍ:ທິບມະນີວັນ ຄຳວິເສດ, ພາບ:ດາວົງ ບຸດຕະວົງ