ໜັກໜາສາຫັດ ບຣາຊິລ ມີຜູ້ຕິດເຊື້ອໂຄວິດເພີ່ມຢ່າງໜ້າຕົກໃຈສະເລ່ຍ 50 ພັນຄົນຕໍ່ມື້ ອາດແຊງຂຶ້ນທີ 1

ໜັກໜາສາຫັດ ບຣາຊິລ ມີຜູ້ຕິດເຊື້ອໂຄວິດເພີ່ມຢ່າງໜ້າຕົກໃຈສະເລ່ຍ 50 ພັນຄົນຕໍ່ມື້ ອາດແຊງຂຶ້ນທີ 1

June 21, 2020 0 By admin

ສໍານັກຂ່າວຕ່າງປະເທດ ລາຍງານວ່າ: ຍອດຜູ້ຕິດເຊື້ອໂຄວິດ ຢູ່ປະເທດ ບຣາຊິນ ຕໍ່ມື້ປະມານ 50,000 ຄົນ ແລະ ຍອດຜູ້ຕິດເຊື້ອສະສົມ ທົ່ວປະເທດ ມີຫຼາຍກ່ວາ 1 ລ້ານຄົນ, ກາຍເປັນ ປະເທດ ທີ່ມີຜູ້ຕິດເຊື້ອ ອັນດັບສອງ ຮອງຈາກ ອາເມລິກາ ເຊິ່ງສະເລ່ຍໃນ 1 ມື້ ມີຍອດຜູ້ເສຍຊີວິດ ບໍ່ຕໍ່າກ່ວາ 1,000 ຄົນ.

ສໍາລັບ ປະເທດ ບຣາຊິລ ພົບຜູ້ຕິດເຊື້ອໂຄວິດ-19 ຜູ້ທໍາອິດ ໃນວັນທີ 26 ພຶດສະພາ, ພຽງໄລຍະເວລາ 4 ເດືອນ ມີຜູ້ຕິດເຊື້ອ ເພິ່ມຂຶ້ນ ເກີນ 1 ລ້ານຄົນ ແລະ ເສີຍຊີວິດແລ້ວທັງຫມົດ 50,000 ຄົນ. ຖ້າອັດຕາການຕາຍ ຍັງຄົງຢູ່ລະດັບນີ້ ບຣາຊິລ ຈະມີຜູ້ເສຍຊີວິດ ສູງກ່ວາ ອາເມລິກາ ໃນຕົ້ນເດືອນ ສິງຫານີ້.

ສໍາລັບ ມາຮອດວັນທີ 21 ມິຖຸນາ 2020 ເວລາ 14:30 ໂມງຕົວເລກຢັ້ງຢືນຜູ້ຕິດເຊື້ອທາງການອັນດັບ 1 ອາເມຣິກາ 2,254,630 ຄົນ, ອັນດັບ 2 ບຣາຊິລ 1,032,913 ຄົນ, ອັນດັບ 3 ຣັດເຊຍ 576,162 ຄົນ, ສ່ວນ ສປປ ລາວ ມາຮອດປັດຈຸບັນມີຮອດຜູ້ຕິດເຊື້ອສະສົມ 19 ຄົນໃນນັ້ນແມ່ນປົວຫາຍດີແລ້ວ ແລະ ຍັງບໍ່ມີຜູ້ຕິດເຊື້ອເພີ່ມ.