ກຸ່ມຫັດຖະກຳປັ້ນດິນເຜົາບ້ານຈານ ແລະ ຫັດຖະກໍາ ທູບກາພູສີ ເມືອງຈອມເພັດ ໄດ້ຮັບກາໝາຍສິນຄ້າໜຶ່ງເມືອງໜຶ່ງຜະລິດຕະພັນ ແຫ່ງຊາດ ຫຼື ໂອດັອບ

ກຸ່ມຫັດຖະກຳປັ້ນດິນເຜົາບ້ານຈານ ແລະ ຫັດຖະກໍາ ທູບກາພູສີ ເມືອງຈອມເພັດ ໄດ້ຮັບກາໝາຍສິນຄ້າໜຶ່ງເມືອງໜຶ່ງຜະລິດຕະພັນ ແຫ່ງຊາດ ຫຼື ໂອດັອບ

August 25, 2020 0 By admin

ວັນທີ 21 ສິງຫາ 2020 ທີ່ບ້ານຈ່ານເໜືອ ເມືອງຈອມເພັດ ແຂວງຫຼວງພະບາງ ໄດ້ຈັດພິທີມອບ-ຮັບປ້າຍ ແລະຮັບຮອງຈົດເຂົ້າເປັນສິນຄ້າໜຶ່ງເມືອງໜຶ່ງຜະລິດຕະພັນ ແຫ່ງຊາດ ຫຼື ໂອດັອບ( ODOP )ໃຫ້ ສອງຫົວໜ່ວຍທຸລະກິດໃນເມືອງຈອມເພັດ ໂດຍມີທ່ານ ສໍານານ ສົນທະນີ ຫົວໜ້າພະແນກອຸສາຫະກໍາ ແລະ ກການຄ້າແຂວງຫຼວງພະບາງ,ມີຕາງໜ້າຄະນະນໍາເມືອງຈອມເພັດ,ແຂກຮັບເຊີນ,ອົງການຈັດຕັ້ງບ້ານ,ຜູ້ປະກອບການສອງຫົວໜ່ວຍທຸລະກິດ ແລະ ປະຊາຊົນເຂົ້າຮ່ວມ.


ບ້ານທີ່ໄດ້ຮັບປ້າຍ ໂອດັອບ ຄັ້ງນີ້ມີບ້ານຈ່ານເໜືອ ໂດຍແມ່ນສູນຫັດຖະກໍາເຄື່ອງປັ້ນດິນເຜົາ ແລະ ບ້ານບວນເລົາ ໂດຍແມ່ນໂຮງງານຜະລິດທູບ ກາພູສີ ຂອງທ່ານ ນາງ ພຸດດາຈັນ . ທ່ານ ຫົວໜ້າຫ້ອງການອຸດສາຫະກໍາ ແລະການຄ້າເມືອງ ກ່າວວ່າ: ການຊຸກຍູ້ສົ່ງເສີ່ມຫົວໜ່ວຍທຸລະກິດ ຂະໜາດນ້ອຍ-ຂະໜາດກາງ ໃນການຜະລິດສີນຄ້າໃຫ້ມີຄວາມເຂັ້ມແຂງ ແລະ ຮັກສາໄດ້ເອກະລັກສະເພາະ ຂອງຜະລິດຕະພັນ ຢູ່ເມືອງ ຈອມເພັດ. ດັ່ງນັ້ນ, ອົງການປົກຄອງເມືອງຈຶ່ງໄດ້ແຕ່ງຕັ້ງຄະນະຮັບຜິດຊອບຂັ້ນເມືອງ ລົງຊຸກຍູ້ຕິດຕາມ, ຄັດເລືອກໃຫ້ເປັນຕົວແບບໃນການຜະລິດ ໂດຍໄດ້ກຳນົດເອົາ 2 ຫົວໜ່ວຍເປົ້າໝາຍທີ່ມີຢູ່ໃນເມືອງເຊັ່ນ: ກຸ່ມຫັດຖະກຳປັ້ນດິນເຜົາ ບ້ານຈ່ານເໜືອ ແລະ ໂຮງງານຫັດຖະກຳຜະລິດ-ຈຳໜ່າຍທູບກາພູສີ ນາງ ພຸດດາຈັນ ປັນຍາມະນີ ບ້ານ ບວມເລົາ ເພື່ອສ້າງໃຫ້ກາຍເປັນສິນຄ້າ ໜຶ່ງເມືອງ ໜຶ່ງຜະລິດຕະພັນ ຫຼື ສິນຄ້າ ໂອດອບ.

ຜ່ານການຊຸກຍູ້ສົ່ງເສີມ ແລະ ປະເມີນທັງສອງຫົວໜ່ວຍທຸລະກິດ ເຫັນວ່າຄົບຕາມມາດຕະຖານ ແລະ ເງື່ອນໄຂ ທີ່ກະຊວງອຸດສາຫະກຳ ແລະ ການຄ້າວາງອອກ, ຈຶ່ງນຳສະເໜີ ໃຫ້ຄະນະຄັດເລືອກແຕ່ລະຂັ້ນພິຈາລະນາ ແລະ ກະຊວງຕົກລົງອອກໃບອະນຸຍາດ ກຸ່ມຫັດຖະກຳປັ້ນດິນເຜົາ ແລະ ໂຮງງານຜະລິດ ທູບກາພູສີ ນຳໃຊ້ກາໝາຍ ສິນຄ້າໜຶ່ງເມືອງ ໜຶ່ງພະລິດຕະພັນ ແຫ່ງຊາດ.ພ້ອມທັງຈັດພິທີມອບປ້າຍດັ່ງກ່າວ ໃຫ້ຢ່າງສົມກຽດ.


ໂອກາດດັ່ງກ່າວ ທ່ານ ສຳນານ ສົນທະນີ ຫົວໜ້າພະແນກອຸດສາຫະກຳ ແລະ ການຄ້າແຂວງ ໄດ້ໃຫ້ກຽດມອບໃບຢັ້ງຢືນກາໝາຍໜຶ່ງເມືອງ ໜຶ່ງຜະລິດຕະພັນ ແຫ່ງຊາດ ຢ່າງເປັນທາງການ ພ້ອມທັງເຫັນເນັ້ນໃຫ້ຄະນະຮັບຜິດຊອບແຕ່ລະຂັ້ນ ເປັນເຈົ້າການສືບຕໍ່ຊຸກຍູ້ສົ່ງເສີມ ແລະ ສ້າງທຸກເງື່ອນໄຂໃນການອຳນວຍຄວາມສະດວກ ໃຫ້ກັບສອງຫົວໜ່ວຍທຸກິດນີ້ ໄດ້ຮັບການພັດທະນາ ແລະ ເຂັ້ມແຂງຂຶ້ນກວ່າເກົ່າ.ສືບຕໍ່ຊຸກຍູ້ຕິດຕາມຫົວໜ່ວຍທຸລະກິດ ທີ່ມີຢູ່ໃນເມືອງ ເພື່ອສ້າງໃຫ້ແຕ່ລະຫົວໜ່ວຍທຸລະກິດ ໄດ້ຮັບການຢັ້ງຢືນ ແລະ ນຳໃຊ້ກາໝາຍ ສິນຄ້າໜຶ່ງເມືອງ ໜຶ່ງພະລິດຕະພັນ ແຫ່ງຊາດ ເພີ່ມຂຶ້ນ.


ພິທີຍັງໄດ້ຜ່ານຂໍ້ຕົກລົງຂອງກະຊວງອຸດສາຫະກຳ ແລະ ການຄ້າ ວ່າດ້ວຍການອະນຸຍາດໃຫ້ ກຸ່ມຫັດຖະກຳປັ້ນດິນເຜົາ ແລະ ຫັດຖະກໍາ ທູບກາພູສີ ນຳໃຊ້ກາໝາຍ ສິນຄ້າໜຶ່ງເມືອງ ໜຶ່ງພະລິດຕະພັນ ແຫ່ງຊາດ ຢ່າງເປັນທາງການ. ພ້ອມທັງມອບໃບຍ້ອງຍໍຂອງທ່ານເຈົ້າເມືອງຈອມເພັດ ໃຫ້ກັບພະນັກງານດີເດັ່ນ ໃນການປະກອບສ່ວນເຂົ້າໃນການຊຸກຍູ້ເຮັດໃຫ້ ສອງຫົວໜ່ວຍທຸລະກິດໄດ້ຮັບການໝາຍ ສິນຄ້າໜຶ່ງເມືອງ ໜຶ່ງພະລິດຕະພັນ ແຫ່ງຊາດ.


ຂ່າວ: ເພັດສາຄອນ ສິມມະວົ