ວາງສີລາລຶກ ເປີດການກໍ່ສ້າງສໍານັກງານໝວດເຮືອ ກອງຮ້ອຍທະຫານຊາຍແດນ 133  ແຂວງຫຼວງນໍ້າທາ

ວາງສີລາລຶກ ເປີດການກໍ່ສ້າງສໍານັກງານໝວດເຮືອ ກອງຮ້ອຍທະຫານຊາຍແດນ 133 ແຂວງຫຼວງນໍ້າທາ

August 24, 2020 0 By admin

ວັນທີ 20 ສິງຫາ 2020 ນີ້ ຢູ່ທີ່ດ່ານຊຽງກົກ ເມືອງລອງ ແຂວງຫຼວງນໍ້າທາ ໄດ້ຈັດພິທີ ວາງສີລາລຶກ ເປີດການກໍ່ສ້າງສໍານັກງານໝວດເຮືອ ຂອງກອງຮ້ອຍທະຫານຊາຍແດນ 133ໂດຍການເຂົ້າຮ່ວມຂອງທ່ານ  ພົນຈັດຕະວາ ອິນແກ້ວ ມະນີຈັນ ກໍາມະການປະຈໍາພັກແຂວງ ເລຂາຄະນະພັກ ຫົວໜ້າການທະຫານກອງບັນຊາການທະຫານແຂວງຫຼວງນໍ້າທາ, ພົນຕິ ຢວນຢ້າຜິງ ຫົວໜ້າສູນບັນຊາການລາດຕະເວນທາງນໍ້າ ກອງບັນຊາການໃຫຍ່ຕໍາຫຼວດນໍ້າ ແຂວງຢູນນານ ສປປຈີນ, ມີທ່ານ ວູກວ້ານຈີ້ນ ປະທານບໍລິສັດ ຈະເລີນໄຊ ພ້ອມດ້ວຍພະນັກງານແຕ່ລະຝ່າຍເຂົ້າຮ່ວມ.


ການກໍ່ສ້າງສໍານັກງານໝວດເຮືອ ກອງຮ້ອຍທະຫານຊາຍແດນ 133 ທະຫານແຂວງຫຼວງນໍ້າທາ ເຊິ່ງປະກອບມີ: ຫ້ອງການ 1 ຫຼັງ, ເຮືອນນອນ 1 ຫຼັງ, ເຮືອນຄົວ, ຫ້ອງນໍ້າລວມ, ກະລາລົດ, ອ່າງເກັບນໍ້າ, ຮົ້ວກໍາແພງ, ລະບົບໄຟ້າ-ນໍ້າປະປາ ພ້ອມດ້ວຍອຸປະກອນຄົບຊຸດ ລວມມູນຄ່າ 2 ລ້ານ 8 ແສນຍວນ ສະກຸນເງີນຈີນ ເຊິ່ງເປັນເງີນຊ່ວຍເຫຼືອລ້າ ຈາກກອງບັນຊາການໃຫຍ່ຕໍາຫຼວດນໍ້າ ແຂວງຢູນນານ ສປປຈີນ ໂດຍແມ່ນບໍລິສັດ ຈະເລີນໄຊ ເປັນຜູ້ຮັບເໝົາກໍ່ສ້າງ.

ໂອກາດດຽວກັນກອງບັນຊາການໃຫຍ່ຕໍາຫຼວດນໍ້າ ແຂວງຢູນນານ ສປປຈີນ ຍັງໄດ້ ມອບ ລະບົບໄຟ້າແສງຕາເວັນ ຈໍານວນ 15 ຊຸດ, ຄອມພິວເຕີຕັ້ງໂຕະ 6 ຊຸດ, ປິ່ນເຕີ 6 ໜ່ວຍ ແລະ ກະແຈກັບມື 20 ອັນ ໃຫ້ກັບກອງບັນຊາການທະຫານແຂວງ,ໂດຍການກ່າວຮັບຂອງທ່ານ ພົນຈັດຕະວາ ອິ່ນແກ້ວ ມະນີຈັນ ຫົວໜ້າກອງບັນຊາການທະຫານແຂວງຫຼວງນໍ້າທາ ກອງບັນຊາການທະຫານແຂວງ.

ພ້ອມທັງກ່າວສະແດງຄວາມຂອບອົກຂອບໃຈ ແລະ ຮູ້ບູນຄຸນຢ່າງລົ້ນເຫຼືອມາຍັງ ກອງບັນຊາການໃຫຍ່ຕໍາຫຼວດນໍ້າແຂວງຢູ່ນນານ ສປຈີນ ເຊີ່ງຍາມໃດກໍ່ໄດ້ເຊື່ອໝັ້ນ ແລະ ເປັນຫ່ວງເປັນໄຍ ທີ່ໄດ້ສະໜັບສະໜູນ-ຊ່ວຍເຫຼືອ ທາງດ້ານວັດຖຸ ແລະ ຈິດໃຈຕະຫຼອດມາ ເພື່ອປະກອບສ່ວນເຂົ້າໃນການພັດທະນາ ແລະ ປົກປັກຮັກສາປະເທດຊາດ ເວົ້າລວມເວົ້າສະເພາະ ກໍ່ຄືກອງບັນຊາການທະຫານ ແຂວງຫຼວງນໍ້າທາ ໃຫ້ເຂັ້ມແຂງ ແລະ ກາຍເປັນກອງທັບທັນສະໃໝເປັນກ້າວໆ.ຈາກນັ້ນຜູ້ເຂົ້າຮ່ວມໄດ້ພ້ອມກັນວາງສີລາລຶກຢ່າງເປັນທາງການ