ພະຍາກອນອາກາດປະຈຳວັນທີ 22ສິງຫາ ຈາກກົມອຸຕຸນິຍົມ ຍັງມີຝົນຕົກໃນລະດັບຄ່ອຍເປັນບໍລິເວນກວ້າງ ແລະ ຕົກປານກາງບາງເຂດ, ສ່ວນລະດັບນໍ້າຂອງຍັງສູງຂຶ້ນ

ພະຍາກອນອາກາດປະຈຳວັນທີ 22ສິງຫາ ຈາກກົມອຸຕຸນິຍົມ ຍັງມີຝົນຕົກໃນລະດັບຄ່ອຍເປັນບໍລິເວນກວ້າງ ແລະ ຕົກປານກາງບາງເຂດ, ສ່ວນລະດັບນໍ້າຂອງຍັງສູງຂຶ້ນ

August 22, 2020 0 By admin

ກົມອຸຕຸນິຍົມ ແລະ ອຸທົກກະສາດ ພະຍາກອນອາກາດປະຈຳວັນທີ 22/08/2020 ລະບຸວ່າ:ຮ່ອງຄວາມກົດດັນອາກາດຕໍ່າຍັງພາດຜ່ານຢູ່ເຂດພາກເໜືອ ຫາ ພາກກາງຂອງປະເທດລາວ.

ພ້ອມດຽວກັນລົມມໍລະສຸມຕາເວັນຕົກສ່ຽງໃຕ້ຍັງມີກຳລັງແຮງປານກາງພັດປົກຄຸມ, ຊຶ່ງຈະເຮັດໃຫ້ມີຝົນຕົກໃນລະດັບຄ່ອຍເປັນບໍລິເວນກວ້າງ ແລະ ຕົກປານກາງ ພ້ອມຈະມີລົມພັດແຮງເປັນບາງໂອກາດຢູ່ບາງທ້ອງຖິ່ນໃນແຕ່ລະພາກ.

ພ້ອມດຽວກັນ ລະດັບນໍ້າຊັນ ເຂດເມືອງ ບໍລິຄັນ ແຂວງ ບໍລິຄຳໄຊ ເຊົ້າມື້ ແທກໄດ້ 7 ແມັດ 22 ຊັງຕີແມັດ (ເຂດລະວັງໄພແມ່ນ 7 ແມັດ), ຊຶ່ງລະດັບນໍ້າຍັງກາຍເຂດລະວັງໄພ.

ດັ່ງນັ້ນ, ຈຶ່ງແຈ້ງເຕືອນເຖິງ ປະຊາຊົນບັນດາເຜົ່າ ທີ່ອາໄສຢູ່ລຽບຕາມແມ່ນໍ້າສາຂານໍ້າຊັນ ໃຫ້ມີສະຕິຕໍ່ສະພາບນໍ້າຖ້ວມຊຸ, ຖ້ວມອັ່ງ ແລະ ດິນເຈື່ອນ ພ້ອມທັງຍົກຍ້າຍວັດຖຸສິ່ງຂອງ ແລະ ສັດລ້ຽງໄປໄວ້ບ່ອນທີ່ປອດໄພ ແລະ ຂໍໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ຢ່າງຕໍ່ເນື່ອງ.

ພະ​ຍາ​ກອນ​ລະ​ດັບ​ນ້ຳ​ຂອງ ແລະ ສາ​ຂາ​ແມ່​ນ້ຳ​ຂອງ ປະຈໍາ​​ວັນ​ທີ 20 ສິງ​ຫາ 2020

.