ຄະນະກວດກາວຽກງານຮັບປະກັນການກຽມພ້ອມສູ້ຮົບ ຂອງກະຊວງປ້ອງກັນປະເທດ ລົງເຮັດວຽກຢູ່ກອງພົນທີ 2.

ຄະນະກວດກາວຽກງານຮັບປະກັນການກຽມພ້ອມສູ້ຮົບ ຂອງກະຊວງປ້ອງກັນປະເທດ ລົງເຮັດວຽກຢູ່ກອງພົນທີ 2.

August 22, 2020 0 By admin

Lao people’s Army News, ໃນວັນທີ 18 ສິງຫາ 2020 ນີ້, ຄະນະກວດກາວຽກງານຮັບ ປະກັນວຽກງານການກຽມພ້ອມ ສູ້ຮົບຂອງກະຊວງປ້ອງກັນປະ ເທດ ໄດ້ລົງເຄື່ອນໄຫວເຮັດວຽກ ຢູ່ກອງພົນທີ 2 ເຊິ່ງນຳໂດຍສະ ຫາຍ ພົນຕີ ສີດາລໍ່ ຈົ່ງເຕັງເຈ້ຍຊ້າ ຮອງຫົວໜ້າກົມໃຫຍ່ເສນາທິ ການກອງທັບ, ມີສະຫາຍ ພົນຈັດ ຕະວາ ສອນທອງ ແກ້ວລໍຄຳ ຫົວໜ້າກົມສູ້ຮົບກົມໃຫຍ່ເສນາ ທິການກອງທັບ ພ້ອມດ້ວຍຄະນະ ໂດຍການຕ້ອນຮັບຂອງ ສະຫາຍ ພັນເອກ ຄຳດີ ໄຊຍະວົງ ຮັກສາ ການຫົວໜ້າການທະຫານກອງ ພົນທີ 2 ພ້ອມດ້ວຍຄະນະ.

ໃນກອງປະຊຸມ ຄະນະພັກ-ຄະ ນະບັນຊາກອງພົນທີ 2 ໄດ້ລາຍ ງານສະພາບຈຸດພິເສດພາຍໃນ ກົມກອງ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານຂອງຄະນະ ພັກກະຊວງປ້ອງກັນປະເທດວາງ ອອກເປັນຕົ້ນໃນຂົງເຂດວຽກ ງານການເມືອງ-ນຳພາແນວຄິດ, ວຽກງານການທະຫານ, ແຜນ ການປ້ອງກັນ, ການສູ້ຮົບ, ການ ປ້ອງກັນໄພພິບັດ, ການກຽມ ພ້ອມສູ້ຮົບ, ວຽກງານອົບຮົມ-ຫັດແອບ, ວຽກງານກຳລັງພົນ ແລະ ວຽກງານພະລາທິການ- ເຕັກນິກ ຂອງກົມກອງ ໃຫ້ແກ່ຄະ ນະລົງກວດກາໄດ້ຮັບຊາບ. ຈາກ ນັ້ນ ບັນດາສະຫາຍໃນຄະນະ ກວດກາທີ່ມາຈາກກະຊວງປ້ອງ ກັນປະເທດກໍ່ໄດ້ຜັດປ່ຽນກັນປະ ກອບຄຳເຫັນເພື່ອແນໃສ່ປັບປຸງ ວຽກງານດັ່ງກ່າວໃຫ້ດີຂຶ້ນກວ່າ ເກົ່າ.

ໃນຕອນທ້າຍກອງປະຊຸມ ສະຫາຍ ພົນຕີ ສີດາລໍ່ ຈົ່ງເຕັ່ງ ເຈ້ຍຊ້າ ຮອງຫົວໜ້າກົມໃຫຍ່ເສ ນາທິການກອງທັບ ກໍໄດ້ມີຄຳ ເຫັນເນັ້ນໜັກໃຫ້ຄະນະພັກຄະ ນະບັນຊາແຕ່ລະຂັ້ນ ຈົ່ງຍົກສູງ ຄວາມຮັບຜິດຊອບ ແລະ ຕ້ອງກຳ ແໜ້ນສະພາບການຂອງໂລກ ເວົ້າລວມເວົ້າສະເພາະກໍຄືພາກ ພື້ນໃນປັດຈຸບັນທີ່ພວມຜັນແປ ໄປຢ່າງສັບຊ້ອນ ດັ່ງນັ້ນພວກເຮົາ ຕ້ອງເອົາໃຈໃສ່ສືບຕໍ່ເຝິກຝົນຫຼໍ່ຫຼອມຕົນເອງສ້າງໃຫ້ໄດ້ຄຸນ ທາດການເມືອງໜັກແໜ້ນ, ມີ ຄວາມຈົ່ງຮັກພັກດີຕໍ່ແນວທາງ ການປ່ຽນໃໝ່ຂອງພັກ, ບັນດາ ສະຫາຍທີ່ເປັນພະນັກງານນໍາ ພາຕ້ອງໄດ້ກໍາແໜ້ນແນວທາງ ນະໂຍບາຍຂອງພັກ ແລະ ກຳ ແໜ້ນກົດໝາຍຂອງລັດ. ເພີ່ມທະ ວີຄວາມຮັບຜິດຊອບຕໍ່ໜ້າທີ່ການ ເມືອງຂອງຕົນ, ເຮັດວຽກເປັນໝູ່ ຄະນະ, ເພີ່ມຄວາມສາມັກຄີໃຫ້ ແໜ້ນແຟ້ນ, ມີຫົວຄິດປະດິດສ້າງ, ມີແບບແຜນວິທະຍາສາດ, ເພື່ອ ສ້າງໃຫ້ໄດ້ກົມກອງທີ່ທັນສະໄໝ ກ້າວຂຶ້ນຢ່າງບໍ່ຢຸດຢັ້ງ. ໂອກາດດຽວກັນນີ້ ຄະນະຍັງ ໄດ້ລົງຢ້ຽມຢາມ ແລະ ເຮັດວຽກ ຢູ່ທີ່ກອງພັນນ້ອຍ 22 ແລະ ກອງພັນນ້ອຍ 422 ອີກດ້ວຍ.

ໂດຍ: ສຸວັນໂນ ທະລັງສີ