ເປີດນຳໃຊ້ຫ້ອງທົດລອງຂອງອູ່ສ້ອມແປງ ເຮືອບິນທະຫານອາກາດ ທີ່ແຂວງຊຽງຂວາງ

ເປີດນຳໃຊ້ຫ້ອງທົດລອງຂອງອູ່ສ້ອມແປງ ເຮືອບິນທະຫານອາກາດ ທີ່ແຂວງຊຽງຂວາງ

August 22, 2020 0 By admin

Lao people’s Army News, ພິທີມອບ-ຮັບຫ້ອງທົດລອງ ອູ່ສ້ອມແປງເຮືອບິນທະຫານອາ ກາດກອງທັບປະຊາຊົນລາວ ລະ ຫວ່າງຫ້ອງການຜູ້ຕາງໜ້າກະ ຊວງປ້ອງກັນປະເທດ ສ ຣັດເຊຍ ແລະ ກະຊວງປ້ອງກັນປະເທດ ແຫ່ງ ສປປ ລາວ ໄດ້ຈັດຂຶ້ນໃນ ວັນທີ 20 ສິງຫາ 2020 ນີ້, ທີ່ ສະໜາມບິນທົ່ງໄຫຫີນ ເມືອງ ແປກ ແຂວງຊຽງຂວາງ.

ໂດຍການ ກ່າວມອບຂອງ ທ່ານ ພັນເອກ ຢາເບີໂລບ ຫົວໜ້າຫ້ອງການຜູ້ ຕາງໜ້າກະຊວງປ້ອງກັນປະ ເທດ ສ ຣັດເຊຍ ປະຈຳ ສປປ ລາວ ແລະ ຕາງໜ້າກ່າວຮັບແມ່ນ ທ່ານ ພັນເອກ ສອນທອງ ແກ້ວຈັນ ດາຫົວໜ້າຫ້ອງເຕັກນິກກອງບັນຊາການທະຫານອາກາດ ໂດຍ ການເຂົ້າຮ່ວມເປັນສັກຂີພະ ຍານຂອງ ທ່ານ ພົນຕີ ແອສະໄໝ ເລືອງວັນໄຊ ຮອງລັດຖະມົນຕີ ກະຊວງປ້ອງກັນປະເທດ, ທ່ານ ບຸນຕົ້ນ ຈັນທະພອນ ເລຂາພັກ ແຂວງ ເຈົ້າແຂວງໆຊຽງຂວາງ, ມີຜູ້ບັນຊາການທະຫານອາກາດ ຜູ້ຕາງໜ້າຈາກຫ້ອງວ່າການກະ ຊວງປ້ອງກັນປະເທດ, ກອງພັນ ໃຫຍ່ 703, 702 ແລະ ແຂກຖືກ ເຊີນເຂົ້າຮ່ວມ.

ສະໜາມບິນ ຊຽງຂວາງ

ທ່ານ ພັນເອກ ສອນທອງ ແກ້ວ ຈັນດາ ກ່າວວ່າ: ການທີ່ໄດ້ຮັບອູ່ ສ້ອມແປງເຮືອບິນທະຫານອາ ກາດໃນຄັ້ງນີ້, ເປັນການປະກອບ ສ່ວນອັນສຳຄັນໃນການຍົກລະ ດັບຄວາມສາມາດໃນການສ້ອມ ແປງບົວລະບັດເຮືອບິນ ແລະ ການສ້ອມແປງຈຸບິນຂອງກອງ ບັນຊາການທະຫານອາກາດກອງ ທັບປະຊາຊົນລາວໃຫ້ສູງຂຶ້ນ, ທັງເປັນການສ້າງຄວາມເຂັ້ມ ແຂງ ແລະ ເພີ່ມປະສິດທິພາບ ໃຫ້ແກ່ວຽກງານປັບປຸງກໍ່ສ້າງ ກອງທັບ ໃນການປົກປັກຮັກສາ ເຂດນ່ານຟ້າຂອງ ສປປ ລາວ ໄວ້ຢ່າງໝັ້ນຄົງ ເຊິ່ງພວກເຮົາຈະ ເອົາໃຈໃສ່ຊີ້ນຳການອົບຮົມ-ຫັດ ແອບໃຫ້ມີປະສິດທິຜົນສູງ ພ້ອມ ນັ້ນກໍຈະບຳລຸງ ແລະ ກໍ່ສ້າງບຸກ ຄະລາກອນນັກວິຊາການໃຫ້ມີ ຄຸນນະພາບ ພ້ອມກັບການບົວ ລະບັດຮັກສາ ແລະ ນຳໃຊ້ອູ່ສ້ອມ ແປງດັ່ງກ່າວ.

ສະໜາມບິນຊຽງຂວາງ

ການມອບ-ຮັບໃນຄັ້ງນີ້ແມ່ນ ສະແດງໃຫ້ເຫັນເຖິງຄວາມເຕີບ ໃຫຍ່ຂະຫຍາຍຕົວຂອງສາຍພົວ ພັນຮ່ວມມືທີ່ສະໜິດແໜ້ນໃນ ວຽກງານປ້ອງກັນຊາດຂອງ ສອງຝ່າຍອີກດ້ວຍ.