ເຊບີຢ້າ ຄວ້າໄຊເໝືອ ອິນເຕີ ມິລານ ພິຊິດແຊ້ມ ຢູໂຣປ້າລີກ ສະໄໝທີ 6

ເຊບີຢ້າ ຄວ້າໄຊເໝືອ ອິນເຕີ ມິລານ ພິຊິດແຊ້ມ ຢູໂຣປ້າລີກ ສະໄໝທີ 6

August 22, 2020 0 By admin

ການແຂ່ງຂັນເຕະບານ ຢູຟ້າ ຢູໂຣປ້າລີກ ລະດູການ 2019-20 ລະຫວ່າງ ເຊບີຢ້າ ແຊ້ມສູງສຸດ 5 ສະໄໝ ຈາກແອັສປາຍ ພົບກັບ ອິນເຕີ ມິລານ ແຊ້ມ 3 ສະໄໝ ຈາກອີຕາລີ ທີ່ເຂົ້າຊິງອີກຄັ້ງໃນຮອບ 22 ປີ ທີ່ສະໜາມ ໄຣ ແອນີຈີ້ ໃນເມືອງໂຄໂລນ ປະເທດເຢຍລະມັນ ເມື່ອຄືນວັນທີ 21 ສິງຫາຜ່ານມາ.

ເລີ່ມເກມພຽງ 5 ນາທີ ອິນເຕີ ໄດ້ປະຕູອອກນຳກ່ອນຈາກຈັງຫວະ ລູກາກູ ຫລຸດມາເຂດໂທດຂອງ ເຊບີຢ້າ ແລະ ຖືກ ເດໂກ້ ຄາຣລັອສ ສະກັດລົ້ມ ຜູ້ຕັດສິນໃຫ້ເປັນຈຸດໂທດ ແລະ ເປັນ ລູກາກູ ຮັບໜ້າທີ່ສັງຫານ. ແຕ່ນຳໄດ້ບໍ່ດົນ ເຊບີຢ້າ ທວງປະຕູຄືນຈາກຈັງຫວະ ເຈຊຸສ ນາບາສ ເປີດບານໃຫ້ ລຸກ ເດຢອງ ເອົາຫົວສັບບານ ເປັນປະຕູຕີສະເໝີໃນນາທີ 12′.

ຫລັງຈາກກໍ່ເດີນເກມບຸກແລກກັນຢ່າງລະທຶກໃຈ ເຊບີຢ້າ ກັບມາເປັນຝ່າຍພິກແຊງນຳຈາກຈັງຫວະການເປີດຟຣີຄິກ (ບານໄໝບໍລິເວນໜ້າເຂດໂທດ) ຂອງອິນເຕີ ເອແວ ບາເນກ້າ ວາງມາໃຫ້ ລຸກ ເດຢອງ ຂຶ້ນເອົາຫົວຕຳປ່ຽນທິດທາງບານຜ່ານມືຜູ້ຮັກສາປະຕູ ອິນເຕີ ເຂົ້າປະຕູຢ່າງສວຍງາມ ໃນນາທີ 33′ ແຕ່ກໍນຳໄດ້ພຽງສອງນາທີ ອິນເຕີ ຕີສະເໝີຄືນ ຈາກຈັງຫວະຟຣີຄິກເຊັ່ນກັນ ໂບຣໂຊວິກ ເປີດບານວາງໃຫ້ ເດໂກ້ ໂກດິນ ນາທີ 35′ ຈົບຕັ້ງທີໜຶ່ງສະເໝີກັນ 2-2.

ມາເຄິ່ງຫລັງ ທັງສອງທີມຍັງເດີນເກມບຸກແລກກັນຢ່າງມ່ວນມັນ ແລະ ມີປະຕູດຽວເກີດຂຶ້ນເປັນຂອງ ເຊບີຢ້າ ໃນນາທີ 74′ ຈາກຈັງຫວະ ເດໂກ້ ຄາຣລັອສ ຕີລັງກາຍິງ ລູກາກູ ສະກັດບານຜິດຫລ່ຽມ ເຂົ້າປະຕູຕົນເອງ ຈົບເກມ 90′ ນາທີ ເຊບີຢ້າ ຊະນະ ອິນເຕີ ມິລານ 3-2 ຄອງແຊ້ມ ຢູໂຣປ້າລີກ ເປັນສະໄໝທີ 6 ສົມສາຍາລາຊາແຫ່ງຂັນນີ້ ຊິງ 6 ຄັ້ງ ໄດ້ແຊ້ມທັງ 6 ຄັ້ງ. ຂະນະທີ່ ອິນເຕີ ເຂົ້າຊິງ 5 ຄັ້ງຜ່ານມາ ໄດ້ແຊ້ມ 3 ຄັ້ງ.

+ ເຊບີຢ້າ ບໍ່ເສຍ 21 ນັດຕິດຕໍ່ກັນລວມທຸກລາຍການ ໃນນີ້ຊະນະ 13 ສະເໝີ 8 ສ່ວນ ອິນເຕີ ເສຍເປັນນັດທຳອິດຈາກ 12 ນັດຫລັງສຸດ ໃນນີ້ຊະນະ 8 ສະເໝີ 3 ເສຍ 1.

ໄຮໄລ້ການແຂ່ງຂັນຕາມລິ້ງລຸ່ມນີ້:

Photo: UEFA Europa League