ຮອງນາຍົກລັດຖະມົນຕີແຫ່ງ ລົງຊຸກຍູ້ຕິດຕາມການກະກຽມກອງປະຊຸມໃຫຍ່ອົງຄະນະພັກແຂວງບໍ່ແກ້ວ

ຮອງນາຍົກລັດຖະມົນຕີແຫ່ງ ລົງຊຸກຍູ້ຕິດຕາມການກະກຽມກອງປະຊຸມໃຫຍ່ອົງຄະນະພັກແຂວງບໍ່ແກ້ວ

August 20, 2020 0 By admin

ໜັງສືພິມບໍ່ແກ້ວ Bokeo Newspaper, ສະຫາຍ ປອ ບົວຄົງ ນາມມະວົງ ກຳມະການສຳຮອງສູນກາງພັກ ເລຂາພັກແຂວງ, ເຈົ້າແຂວງ ແຂວງບໍ່ແກ້ວ ຕ້ອນຮັບການເຄື່ອນໄຫວເຮັດວຽກຢູ່ແຂວງບໍ່ແກ້ວຂອງສະຫາຍ ປອ ບຸນທອງ ຈິດມະນີ ກົມການເມືອງສູນກາງພັກ, ຮອງນາຍົກລັດຖະມົນຕີ, ປະທານຄະນະກວດກາສູນກາງພັກ-ອົງການກວດກາລັດຖະບານ, ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ໃນລະຫວາງວັນທີ 20-22 ສິງຫາ 2020 ຮ່ວມເດີນທາງມີບັນດາສະຫາຍລັດຖະມົນຕີ, ຮອງຫົວໜ້າຄະນະຈັດຕັ້ງສູນກາງພັກ, ຮອງຫົວໜ້າຫ້ອງວ່າການ.


ປອ ບົວຄົງ ນາມມະວົງ ເລຂາຄະນະບໍລິຫານງານພັກແຂວງ ເຈົ້າແຂວງໄດ້ລາຍງານໂດຍຫຍໍ້ ກ່ຽວກັບການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ ຢູ່ແຂວງບໍ່ແກ້ວ.ການດຳເນີນກອງປະຊຸມໃຫຍ່ຜູ້ແທນອົງຄະນະພັກເມືອງ, ອົງຄະນະ 2 ກອງບັນຊາການ ແລະ ກອງປະຊຸມໃຫຍ່ໜ່ວຍພັກ, ຄະນະພັກຮາກຖານບັນດາພະແນກການ-ອົງການທຽບເທົ່າຂັ້ນແຂວງ.ໄດ້ເລີ່ມກະກຽມ ແລະ ດຳເນີນກອງປະຊຸມໃຫຍ່ໜ່ວຍພັກຂັ້ນບ້ານ ຂຶ້ນມາເລີ່ມແຕ່ກາງປີ2018 ຮອດເດືອນ 3/2020 ສໍາເລັດກອງປະຊຸມໃຫຍ່ອົງຄະນະພັກເມືອງ 5 ເມືອງ ແລະ ອົງຄະນະພັກ 2 ກອງບັນຊາການ.

ຈາກນັ້ນແມ່ນໄດ້ເລີ່ມເຂົ້າດຳເນີນກອງປະຊຸມໃຫຍ່ໜ່ວຍພັກ, ຄະນະພັກຮາກຖານ ພະແນກການ-ອົງການທຽບເທົ່າຂອງແຂວງ, ມາຮອດປະຈຸບັນນີ້ສຳເລັດທຸກໜ່ວຍພັກ, ຄະນະພັກຮາກຖານ, ຊຶ່ງມີ 12 ຄະນະພັກຮາກຖານ, 57 ໜ່ວຍພັກທີ່ຂຶ້ນກັບຄະນະພັກຮາກຖານ ແລະ 24 ໜ່ວຍພັກເອກະລາດ,ຜົນຂອງການດໍາເນີນກອງປະຊຸມໃຫຍ່ຜູ້ແທນອົງຄະນະພັກເມືອງ ແລະ ອົງຄະນະພັກ 2 ກອງບັນຊາການ ແລະ ອົງການຈັດຕັ້ງມະຫາຊົນ. ໂດຍລວມແມ່ນໄປຕາມເປົ້າໝາຍທີ່ວາງໄວ້, ມີທັງຜູ້ເກົ່າ, ຜູ້ໃໝ່, ຮຸ່ນອາວຸໂສ, ລຸ້ນກາງ, ລຸ້ນໜຸ່ມ ໃນນັ້ນລຸ້ນກາງ ແລະ ລຸ້ນໜຸ່ມ ກວມອັດຕາສວ່ນຫຼາຍ. ມີເພດຍິງ ແຕ່ເຫັນວ່າຍັງມີອັດຕາສວ່ນນ້ອຍ,ການກະກຽມດຳເນີນກອງປະຊຸມໃຫຍ່ຜູ້ແທນອົງຄະນະພັກແຂວງ ຄັ້ງທີ VI.

ໄດ້ກະກຽມທັງ 3 ດ້ານ ເປັນຕົ້ນຄື:ດ້ານຂະບວນການ:ດ້ານເນື້ອໃນ,ດ້ານບຸກຄະລະກອນ, ຄາດຫມາຍສູ້ຊົນໃນ 5 ປີຕໍ່ໜ້າ( 2021-2025 ) ປະກອບມີ ທິດທາງລວມຄາດຫມາຍສູ້ຊົນ ແລະ ວຽກງານຈຸດສຸມແຕ່ລະດ້ານ ໃນຈຳນວນໃນການກະກຽມ ດໍາເນີນກອງປະຊຸມໃຫຍ່ຜູ້ແທນອົງຄະນະພັກແຂວງ ຄັ້ງທີ VI.ແຜນການສືບຕໍ່ອັນລວມ ແລະ ອັນລະອຽດຂອງແຕ່ລະອະນຸກໍາມະການແມ່ນມີເອກະສານສືບຕໍາດໍາເນີນຊີວິດການເມືອງຄະນະບໍລິຫານງານພັກແຂວງ ຕະຫຼອດສະໄໝທີ V ຕິດພັນກັບການທາບທາມໂຄງປະກອບບຸກຄະລາກອນຮອບທີ 3.

ພ້ອມກັນນັ້ນຈະດຳເນີນການທາບທາມຄະນະປະຈຳພັກແຂວງ, ເລຂາພັກແຂວງ, ຮອງເລຂາພັກແຂວງ, ປະທານ ແລະ ຮອງປະທານກວດກາພັກ ຮອບທີ່ 2.ດໍາເນີນກອງປະຊຸມຄັ້ງສຸດທ້າຍ ທ້າຍສະໄໝຂອງຄະນະບໍລິຫານງານພັກແຂວງ ເພື່ອພິຈາລະນາຮັບຮອງເອົາເໜືອໃນ, ຕົກລົງຈຳນວນລາຍຊື່ດ້ານບຸກຄະລາກອນ ແລະ ກວດກາ ການກະກຽມຄວາມພ້ອມທຸກດ້ານ.ຄາດຄະເນການດຳເນີນກອງປະຊຸມໃຫຍ່ຜູ້ແທນອົງຄະນະພັກແຂວງບໍ່ແກ້ວຄັ້ງທີ 6 ຢ່າງເປັນທາງການໃນໄວໆນີ້.


ສະຫາຍ ປອ ບຸນທອງ ຈິດມະນີ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ປະທານຄະນະກວດກາສູນກາງພັກ-ອົງການກວດກາລັດຖະບານ, ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ໄດ້ໂອ້ລົມຊີ້ນຳໃຫ້ບັນດາຄະນະຮັບຜິດຊອບກໍ່ຄືການນຳແຂວງບໍ່ແກ້ວ.

ຈົ່ງເອົາໃຈໃສ່ຕໍ່ວຽກງານປ້ອງກັນຊາດປ້ອງກັນຄວາມສະຫງົບຕິດພັນກັບການພັດທະນາເສດຖະກິດສັງຄົມຍູ້ແຮງການການສົ່ງເສີມການຜະລິດຫັນສູ່ອຸດສາຫະກຳທີທັນສະໄໝ,ຕິດຕາມການລົງກໍ່ສ້າງຮາກຖານການເມືອງ ພັດທະນາຊົນນະບົດຕາມທິດ 3 ສ້າງ,ເອົາໃຈໃສ່ວຽກແນວໂຮມມະຫາຊົນ,ການປັບປຸງກໍ່ສ້າງພັກພະນັກງານຕິດພັນກັບວຽກງານພົວພັນຮ່ວມກັບສາກົນ.ພ້ອມກັນຕ້ານການລະບາດຂອງພະຍາດໂຄວິດ19.ທັງໝົດນັ້ນແມ່ນແນ່ໃສ່ເຮັດໃຫ້ການດຳເນີນກອງປະຊຸມໃຫຍ່ອົງຄະນະພັກແຂວງບໍ່ແກ້ວຄັ້ງທີ 6 ໃຫ້ຮັບປະກັນສະຖຽນລະພາບທາງດ້ານການເມືອງ,ຖືກຕ້ອງຕາມທັດສະນະຂອງກົມການເມືອງສູນກາງພັກວາງໄວ້.

ພາບ-ຂ່າວ: ຄຳພັນ ແກ້ວມະນີ