ພຣີເມ່ຍລີກ ອັງກິດ ນັດທຳອິດ ລະດູການໃຫມ່ 2020-21 ອາຣເຊນໍລ ພົບນ້ອງໃຫມ່ ຟູແລ່ມ!!

ພຣີເມ່ຍລີກ ອັງກິດ ນັດທຳອິດ ລະດູການໃຫມ່ 2020-21 ອາຣເຊນໍລ ພົບນ້ອງໃຫມ່ ຟູແລ່ມ!!

August 20, 2020 0 By admin

ຝ່າຍຈັດການແຂ່ງຂັນເຕະບານ ພຣີເມ່ຍລີກ ອັງກິດ ໄດ້ຈັບສະຫລາກຕາຕະລາງແຂ່ງຂັນ ລະດູການໃຫມ່ 2020-21 ໃນວັນພະຫັດທີ 20 ສິງຫານີ້ ຊຶ່ງປະກົດວ່າ: ລີເວີພູລ ແຊ້ມເກົ່າ ຈະເປີດບ້ານພົບກັບນ້ອງໃຫມ່ ລີດ ຢູໄນເຕັດ ແຊ້ມເດີແຊມປ້ຽນຊິບ ລີກອັນດັບສອງຂອງອັງກິດ ຈະແຂ່ງຂັນໃນວັນທີ 12 ກັນຍາ 2020 ຄູ່ອື່ນທີ່ແຂ່ງວັນດຽວກັນ ຟູແລ່ມ ນ້ອງໃຫມ່ໜ້າເກົ່າ ພົບກັບ ອາຣເຊນໍລ, ເວັສບຣອມວິກ ອາວບ້ຽນ ອີກໜຶ່ງທີມນ້ອງໃຫມ່ພົບກັບ ເລັສເຕີ ຊິຕີ້, ສະເປີ ພົບ ເອຟເວີຕັນ, ເວັສແຮມ ພົບ ນິວຄາສເຊິນ ແລະ ຄຣິສຕັນ ພາເລດ ພົບ ເຊົາແທ່ມຕັນ.

ວັນທີ 14 ກັນຍາ ມີ 2 ຄູ່: ໄບຣຕັນ ພົບ ເຊວຊີ ແລະ ເຊຟຟິວ ຢູໄນເຕັດ ພົບ ວູຟແຮມຕັນ. ຂະນະທີ່ ແມນເຊັສເຕີ ຊິຕີ້ ທີມຮອງແຊ້ມ ພົບກັບ ແອັສຕັນ ວິນລ້າ ແລະ ເບີນລີ້ ພົບ ແມນຢູ ເລື່ອນການແຂ່ງຂັນ.

ການແຂ່ງຂັນຈະເລີ່ມໃນວັນທີ 12 ກັນຍານີ້ ແລະ ຈະໃຫ້ສຳເລັດໃນວັນທີ 23 ພຶດສະພາ 2021 ຊຶ່ງເປີດຊ້າກວ່າລະດູການຜ່ານມາ ຍ້ອນຜົນກະທົບຂອງພະຍາດ ໂຄວິດ-19. ສ່ວນລີກຮອງລົງໄປ: ເດີ ແຊ້ມປ້ຽນຊິບ, ລີກວັນ ແລະ ລີກທູ ຈະຈັບສະຫລາກຕາຕະລາງແຂ່ງຂັນ ລະດູການໃຫມ່ 2020-21 ໃນວັນສຸກທີ 21 ສິງຫານີ້.

ສຳລັບ 20 ທີມໃນ ພຣີເມ່ຍລີກ ອັງກິດ ລະດູການໃຫມ່ 2020-21 ສາມທີມນ້ອງໃຫມ່ ປະກອບມີ: ລີດ ຢູໄນເຕັດ, ເວັສບຣອມວິກ ອາວບ້ຽນ ແລະ ຟູແລ່ມ.

Photo: Premier League