ຕາມຄາດ! ບາເຢິນ ປາບ ລີຢົງ! ກ້າວສູ່ຮອບຊິງ ຢູຟ້າ ແຊ້ມປ້ຽນລີກ ໃນຮອບ 7 ປີ!!

ຕາມຄາດ! ບາເຢິນ ປາບ ລີຢົງ! ກ້າວສູ່ຮອບຊິງ ຢູຟ້າ ແຊ້ມປ້ຽນລີກ ໃນຮອບ 7 ປີ!!

August 20, 2020 0 By admin

ການແຂ່ງຂັນເຕະບານ ຢູຟ້າ ແຊ້ມປ້ຽນລີກ ລະດູການ 2019-20 ຮອບ 4 ທີມສຸດທ້າຍ ຄູ່ທີ 2 ຄືນວັນທີ 19 ສິງຫາຜ່ານມາ, ທີ່ສະໜາມ ເອັສຕາດີໂອນ ດາລຸສ ໃນນະຄອນຫລວງລິສບ້ອນ ປະເທດປັອກຕຸຍການ. ໂອລິມປິກ ລີຢົງ ຈາກຝຣັ່ງ ທີ່ເຂົ້າມາເຖິງຮອບນີ້ອີກຄັ້ງໃນຮອບ 10 ປີ ພົບກັບ ບາເຢິນ ມິວນິກ ແຊ້ມ 5 ສະໄໝຈາກເຢຍລະມັນ.

ເເລີ່ມຕົ້ນເກມ ທັງສອງທີມເດີນເກມບຸກແລກກັນຢ່າງມ່ວນມັນ ແຕ່ຄວາມເດັດຂາດໃນການຈົບປະຕູ ບາເຢິນ ເຮັດໄດ້ດີກວ່າ, ເກມດຳເນີນມາເຖິງນາທີ 18′ ບາເຢິນ ເປັນຝ່າຍໄດ້ປະຕູອອກນຳຈາກ: ຄວາມສາມາດສະເພາະຕົວຂອງ ແຊັກ ຫງ່າບີ້ ພາບານລຸຍມາໜ້າກອບເຂດໂທດ ລີຢົງ ແລ້ວກົດດວຍຊ້າຍສຽບສາມຫລ່ຽມຢ່າງສວຍງາມ.

ຫລັງຈາກນັ້ນ ບາເຢິນ ກໍມິໂອກາດຍິງຕໍ່ເນື່ອງແຕ່ບໍ່ຜ່ານການປ້ອງກັນຂອງ ອັນໂທນີ້ ໂລເປັສ ຜູ້ຮັກສາປະຕູ ລີຢົງ ຢ່າງໃດກໍຕາມຄວາມພະຍາຍາມເອົາປະຕູທີສອງຂອງ ບາເຢິນ ກໍສຳເລັດ ຈາກຈັງຫວະ ອີວານ ເປຣີຊິກ ຈ່າຍບານເຂົ້າກອບເຂດໂທດ ເລວານດັອຟສະກີ້ ຍິງຖືກບໍ່ເຕັມຕຳ ແອນໂທນີ້ ໂລເປັສ ມາເຂົ້າທາງ ແຊັກ ຫງ່າບີ້ ຍິງຈໍ່ໆເປັນປະຕູທີສອງ ນາທີ 33′ ຈົບເຄິ່ງເວລາທີໜຶ່ງ ບາເຢີນ ນຳ ລີຢົງ 2-0.

ມາເຄິ່ງຫລັງ ລີຢົງ ພະຍາຍາມເດີນເກມບຸກໜັກຂຶ້ນ ຫວັງທວງປະຕູຄືນ ແຕ່ຂາດຄວາມເດັດຂາດໃນການຈົບປະຕູ ແລະ ບໍ່ຜ່ານ ມານູເອວ ນອຍເອີ້ ສຸດທ້າຍມາເສຍປະຕູທີ 3 ໃຫ້ ບາເຢິນ ທ້າຍເກມຈາກ ໂຣເບີດ ເລວານດັອຟສະກີ້ ນາທີ 88′ ຈົບເກມ ບາເຢິນ ມິວນິກ ແຊ້ມບຸນເດັສລີກ້າ ເອົາຊະນະ ລີຢົງ 3-0 ເດີນໜ້າເຂົ້າສູ່ຮອບຊິງຊະນະເລີດຄັ້ງທຳອິດໃນຮອບ 7 ປີ ໄປລຸ້ນແຊ້ມສະໄໝທີ 6 ພົບກັບ ປາຣີ ແຊັງແຊກແມັງ ແຊ້ມລີກອ໋ອງຝຣັ່ງ ທີ່ເອົາຊະນະ ອາຣແບ ໄລຊິກ 3-0 ຮອບຊິງຈະແຂ່ງຂັນໃນຄືນນີ້ 23 ສິງຫານີ້ ເວລາ 02:00 ທີ່ສະໜາມ ເອັສຕາດີໂອນ ດາລຸສ ໃນນະຄອນຫລວງລິສບ້ອນ ປະເທດປັອກຕຸຍການ.

+ ບາເຢິນ ມິວນິກ ເຂົ້າຊິງແຊ້ມປ້ຽນລີກ ເປັນຄັ້ງທີ 11 ເປັນອັນດັບສອງເທົ່າກັບ ເອຊີ ມິລານ: ສ່ວນທີມທີ່ເຂົ້າຊິງຫລາຍສຸດແມ່ນ ຣຽວ ມາດຣິດ 16 ຄັ້ງ.

+ ໂຣເບີດ ເລວານດັອຟສະກີ້ ຍິງປະຕູທີ 15 ໃນແຊ້ມປ້ຽນລີກ ລະດູການນີ້ ຕາມຫລັງສະຖິຕິສູງສຸດຂອງ ຄຣິສເຕຍໂນ້ ໂຣນາວໂດ້ 2 ປະຕູ.

ໄຮໄລ້ການແຂ່ງຂັນຕາມລິ້ງລຸ່ມນີ້:

Photo: UEFA Champions League