ກອງພັນໃຫຍ່ 11 ປິດບັ້ນອົບຮົມ – ຫັດແອບທະຫານໃໝ່

ກອງພັນໃຫຍ່ 11 ປິດບັ້ນອົບຮົມ – ຫັດແອບທະຫານໃໝ່

June 19, 2020 0 By admin

Lao people’s Army News, ໃນວັນທີ 10 ມີຖຸນານີ້, ກອງ ພັນໃຫຍ່ 11 ໄດ້ປິດບັ້ນອົບຮົມ -ຫັດ ແອບທະຫານໃໝ່ປະຈຳປີ 2019 ຢູ່ທີ່ສະໜາມນໍ້າຫຸ່ມພາຍໃຕ້ການ ເປັນປະທານຂອງສະຫາຍ ພົນ ຈັດຕະວາ ພັນແສງ ບຸນພັນ ຫົວ ໜ້າກົມອົບຮົມກົມໃຫຍ່ເສນາ ທິການກອງທັບ.

ສະຫາຍ ພົນຈັດ ຕະວາ ຄອນສະຫວັນ ມິ່ງຈຳປາ ບານ ຮອງຫົວໜ້າກົມໃຫຍ່ເຕັກ ນິກກອງທັບ, ມີຄະນະພັກ-ຄະ ນະບັນຊາກອງພັນໃຫຍ່ 11 ພ້ອມ ດ້ວຍທະຫານໃໝ່ເຂົ້າຮ່ວມ.ສະຫາຍ ພັນໂທ ຄຳສຸກ ອິນ ທະພອນ ຄະນະພັກ, ຫົວໜ້າພະ ແນກເສນາທິການກອງພັນໃຫຍ່ 11 ກໍໄດ້ຂຶ້ນຜ່ານບົດສະຫຼຸບການ ຈັດຕັ້ງອົມຮົມທະຫານໃໝ່ປະ ຈຳປີ 2019 ພ້ອມທັງຍົກໃຫ້ເຫັນ ຂໍ້ສະດວກ, ຂໍ້ຄົງຄ້າງ ແລະ ບົດ ຮຽນທີ່ຖອດຖອນໄດ້ໃນການເຝິກ ອົບຮົມໃນໄລຍະຜ່ານມາສາມາດ ເຫັນໄດ້ວ່າແຕ່ລະສະຫາຍມີແນວ ຄິດການເມືອງໜັກແໜ້ນ, ມີ ຄວາມທົນທານທາງດ້ານຮ່າງ ກາຍ ແລະ ມີຄວາມເຂັ້ມແຂງ ທາງດ້ານຈິດໃຈ, ສາມາດຜ່ານຜ່າຄວາມຫຍຸ້ງຫຍາກໃນການດຳລົງຊີວິດ ແລະ ການອົບຮົມ-ຫັດແອບ, ປະຕິບັດຂໍ້ກຳນົດກົດລະບຽບຂອງກອງທັບ ກໍຄືກົມ ກອງໄດ້ຢ່າງເຂັ້ມງວດຢູ່ພາກສະ ໜາມມີຄວາມປອດໄພ 100% .

ຜ່ານການອົບຮົມ-ຫັດແອບ ແລະ ຈັດຕັ້ງສອບເສັງສາມາດຕີລາຄາ ຜົນໄດ້ຮັບພາກທິດສະດີ ແລະ ຫັດແອບສະເລ່ຍໄດ້ 79%ໃນພິທີ ຍັງໄດ້ຊົມການສະແດງລະບຽບ ຮູບແຖວ, ແທງກະບີ່ 4 ທິດ, ຫັດ ກາຍມວຍ 16 ຈັງຫວະ, ບົດຈັ້ງທ່າ ແລະ ບົດບຸກຕີກາງເວັນຂອງ ທະ ຫານໃໝ່ ຈາກນັ້ນຄະນະພັກ-ຄະ ນະບັນຊາກອງພັນໃຫຍ່ 11 ກໍ ໄດ້ມອບໃບຢັ້ງຢືນໃຫ້ແກ່ທະຫານ ໃໝ່ທີ່ສຳເລັດບັ້ນອົບຮົມ-ຫັດ ແອບໃນຄັ້ງນີ້ອີກດ້ວຍ.

ສະຫາຍ ພົນຈັດຕະວາ ພັນ ແສງ ບຸນພັນ ໄດ້ສະແດງຄວາມຍ້ອງຍໍຊົມເຊີຍຕໍ່ຄະນະພັກ-ຄະ ນະບັນຊາເວົ້າລວມກໍຄືທະຫານ ໃໝ່ພ້ອມກັນເຮັດສຳເລັດໜ້າທີ່ ການເມືອງຂອງຕົນ ແລະ ໜ້າທີ່ ເພີ່ມເຕີມທີ່ໄດ້ຮັບມອບໝາຍດ້ວຍ ຄວາມຮັບຜິດຊອບສູງບົນຈິດໃຈ ຄວາມສາມັກຄີຊ່ວຍເຫຼືອເຊິ່ງກັນ ແລະ ກັນ, ພ້ອມກັນນຳເອົາບົດ ຮຽນທີ່ຄູ-ອາຈານຖ່າຍທອດໃຫ້ ນຳໄປຈັດ ຕັ້ງປະຕິບັດຢູ່ກົມກອງ ໃຫ້ມີປະສິດທິຜົນ ແລະ ເປັນຮູບ ປະທຳຂຶ້ນເທື່ອລະກ້າວ.