ທ່ານ​ເລຂາທິການ​ໃຫຍ່ ສປຊ ກ່າວ​ເຕືອນຄວາມ​ເຄັ່ງ​ຕຶງ ລະຫວ່າງ ອາ​ເມ​ລິ​ກາ – ຈີນ ອາດ​ຈະ​​ແບ່ງ​ໂລກ​ອອກ​ເປັນ 2 ກຸ່ມ

ທ່ານ​ເລຂາທິການ​ໃຫຍ່ ສປຊ ກ່າວ​ເຕືອນຄວາມ​ເຄັ່ງ​ຕຶງ ລະຫວ່າງ ອາ​ເມ​ລິ​ກາ – ຈີນ ອາດ​ຈະ​​ແບ່ງ​ໂລກ​ອອກ​ເປັນ 2 ກຸ່ມ

August 19, 2020 0 By admin

ຕາມຂ່າວຈາກຫວຽດນາມໃຫ້ຮູ້ວ່າ:  ໃນບົດກ່າວປາໄສໃນວັນທີ 18 ສິງຫາ, ທ່ານ ອັນໂຕນີໂອ ກູເຕີເຣັດ (Antonio Guterres) ເລຂາທິການໃຫຍ່ສປຊ  ໄດ້ກ່າວເຕືອນເຖິງຄວາມເຄັ່ງຕຶງລະຫວ່າງ ອາເມລິກາ – ຈີນວ່າ ອາດຈະແບ່ງໂລກອອກເປັນ 2 ກຸ່ມ.

ທ່ານ  ອັນໂຕນີໂອ ກູເຕີເຣັດ ຊີ້ແຈ້ງວ່າ ການພົວພັນລະຫວ່າງ ອາເມລິກາ ແລະ ຈີນ ຍັງບໍ່ຖືກຕິດຂັດຄືໃນປັດຈຸບັນມາກ່ອນ ແລະ ຄວາມບໍ່ລົງລອຍກັນທາງດ້ານເສດຖະກິດລະຫວ່າງສອງປະເທດຈະເຮັດໃຫ້ໂລກກາຍເປັນສອງກຸ່ມດ້ວຍສອງສະກຸນເງິນຫຼັກແຫຼ່ງ, ສອງກົດການຄ້າ, ສອງເຄືອຂ່າຍອິນເຕີແນັດທີ່ແຕກຕ່າງກັນ, 2 ຍຸດທະສາດກ່ຽວກັບພູມປັນຍາທຽມອັດສະລິຍະ ແລະ ສອງຍຸດທະສາດດ້ານການທະຫານ ແລະ ພູມສາດຍຸດທະສາດທີ່ແຕກຕ່າງກັນ. ສິ່ງດັ່ງກ່າວ ຈະແມ່ນຄວາມສ່ຽງອັນໃຫຍ່ຫຼວງສໍາລັບ ໂລກ.

ກ່ອນໜ້ານີ້ ທ່ານ ໂດນັນ ທຣຳ ປະທານາທິບໍດີ ອາເມລິກາ ໄດ້ປະກາດວ່າ ທ່ານພວມພິຈາລະນາວ່າ ຈະຫ້າມ ກຸ່ມບໍລິສັດເຕັກໂນໂລຢີ Alibaba ຂອງ ຈີນເຄື່ອນໄຫວຢູ່ອາເມລິກາຫຼືບໍ່.

ກ່າວຄຳເຫັນທີ່ການປະຊຸມຖະແຫຼງຂ່າວໃນວັນທີ 15 ສິງຫາ (ຕາມເວລາ ອາເມລິກາ), ທ່ານ ປະທານາທິບໍດີ ໂດນັນ ທຮຳ  ໃຫ້ຮູ້ວ່າ ພວມເພີ່ມກຳລັງກົດດັນຕໍ່ບັນດາວິສາຫະກິດ ທີ່ຂຶ້ນກັບກຳມະສິດຂອງຈີນ ຄືຄຳໝັ້ນໝາຍຫ້າມໃຊ້ຕິກຕ໊ອກ ຢູ່ອາເມລິກາ.