ເພີ່ມຄວາມລະມັດລະວັງຕື່ມ ເພາະເດືອນດຽວທີ່ຜ່ານມາ ມີອັກຄີໄພໄດ້ສ້າງຄວາມເສຍຫາຍເຖິງ 900 ກວ່າລ້ານກີບ

ເພີ່ມຄວາມລະມັດລະວັງຕື່ມ ເພາະເດືອນດຽວທີ່ຜ່ານມາ ມີອັກຄີໄພໄດ້ສ້າງຄວາມເສຍຫາຍເຖິງ 900 ກວ່າລ້ານກີບ

August 19, 2020 0 By admin

ພັທ ຄຳເພັດ ດາລາວົງ ຫົວໜ້າພະແນກສະກັດກັ້ນ ແລະ ຕ້ານອັກຄີໄພ ນະຄອນຫຼວງວຽງຈັນໄດ້ເປີດເຜີຍວ່າ: ໃນເດືອນກໍລະກົດຜ່ານມາ ອັກຄີໄພທົ່ວນະຄອນຫຼວງວຽງຈັນ ເກີດຂຶ້ນທັງໝົດ 4 ຄັ້ງ, ສ້າງຜົນເສຍຫາຍ 900 ກວ່າລ້ານກີບ; ສ່ວນສາເຫດຂອງອັກຄີໄພທີ່ເກີດຂຶ້ນຕົ້ນຕໍຍັງແມ່ນສາເຫດເກົ່າທີ່ເຄີຍເກີດຂຶ້ນເຊັ່ນ: ໄຟຟ້າລັດວົງຈອນ 1 ຄັ້ງ, ໄຕ້ທູບທຽນບູຊາ 1 ຄັ້ງ ແລະ ຍັງຢູ່ໃນຂັ້ນຕອນຂອງການສືບສວນ-ສອບສວນ 2 ຄັ້ງ

ຕໍ່ກັບບັນຫານີ້, ເຈົ້າໜ້າທີ່ກ່ຽວຂ້ອງໄດ້ເອົາໃຈໃສ່ລົງໂຄສະນາຝຶກອົບຮົມ ແລະ ເຜີຍແຜ່ເອກະສານວຽກງານປ້ອງກັນອັກຄີໄພ ຢູ່ຕາມສໍານັກງານ-ອົງການ, ໂຮງຈັກໂຮງງານ, ຫົວໜ່ວຍທຸລະກິດ ແລະ ບັນດາບ້ານຕ່າງໆ ໃນທົ່ວນະຄອນຫຼວງວຽງຈັນ ຢ່າງຕໍ່ເນື່ອງມາໂດຍຕະຫຼອດ ເພື່ອເຮັດໃຫ້ເຂົາເຈົ້າມີສະຕິ ແລະ ມີສ່ວນຮ່ວມໃນການເຮັດວຽກງານປ້ອງກັນອັກຄີໄພ.

ຂ່າວຈາກ: ປກສ ນະຄອນຫຼວງວຽງຈັນ