ພະຍາກອນອາກາດປະຈຳວັນທີ 19/08/2020 ຍັງຈະມີຝົນຕົກໃນລະດັບຄ່ອຍ ຫາ ປານກາງ

ພະຍາກອນອາກາດປະຈຳວັນທີ 19/08/2020 ຍັງຈະມີຝົນຕົກໃນລະດັບຄ່ອຍ ຫາ ປານກາງ

August 19, 2020 0 By admin

ພະຍາກອນອາກາດປະຈຳວັນທີ 19/08/2020 ຈາກກົມອຸຕຸນິຍົມ ແລະ ອຸທົກກະສາດລະບຸວ່າ: ຮ່ອງຄວາມກົດດັນອາກາດຕໍ່າຍັງພາດຜ່ານຢູ່ເຂດພາກເໜືອຂອງປະເທດລາວ, ສົມທົບກັບລົມມໍລະສຸມຕາເວັນຕົກສ່ຽງໃຕ້ມີກຳລັງແຮງປານກາງຍັງສືບຕໍ່ພັດປົກຄຸມ, ຊື່ງຍັງຈະເຮັດໃຫ້ມີຝົນຕົກໃນລະດັບຄ່ອຍ ຫາ ປານກາງ ພ້ອມຈະມີລົມພັດແຮງຢູ່ບາງທ້ອງຖິ່ນໃນແຕ່ລະພາກ.

 

ພ້ອມດຽວກັນ ລະດັບນໍ້າຊັນ ເຂດເມືອງ ບໍລິຄັນ ແຂວງ ບໍລິຄຳໄຊ ແທກໄດ້ເຊົ້າມື້ 7 ແມັດ 06 ຊັງຕີແມັດ ແລະ ເຂດລະວັງໄພແມ່ນ 7 ແມັດ, ຊື່ງລະດັບນໍ້າຍັງສືບຕໍ່ກາຍເຂດລະວັງໄພ.

ດັ່ງນັ້ນ, ຈຶ່ງແຈ້ງເຕືອນເຖິງ ປະຊາຊົນບັນດາເຜົ່າ ທີ່ອາໄສຢູ່ລຽບຕາມແມ່ນໍ້າສາຂານໍ້າຊັນ ໃຫ້ມີສະຕິຕໍ່ສະພາບນໍ້າຖ້ວມຊຸ, ຖ້ວມອັ່ງ ແລະ ດິນເຈື່ອນ ພ້ອມທັງຍົກຍ້າຍວັດຖຸສິ່ງຂອງ ແລະ ສັດລ້ຽງໄປໄວ້ບ່ອນທີ່ປອດໄພ ແລະ ຂໍໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ຢ່າງຕໍ່ເນື່ອງ.

.

ສ່ວນພະ​ຍາ​ກອນ​ລະ​ດັບ​ນ້ຳ​ຂອງ ແລະ ສາ​ຂາ​ແມ່​ນ້ຳ​ຂອງ ປະຈໍາ​​ວັນ​ທີ 19 ສິງ​ຫາ 2020 ລະດັບນໍ້າຂອງທີ່ນະຄອນຫຼວງວຽງຈັນ ຍັງສືບຕໍ່ສູງຂຶ້ນ

.