PSG ສ້າງປະຫວັດສາດເຂົ້າຊິງ ຢູຟ້າ ແຊ້ມປ້ຽນລີກ ຄັ້ງທຳອິດ ພາຍຫລັງ ຊະນະ ໄລຊິກ!!

PSG ສ້າງປະຫວັດສາດເຂົ້າຊິງ ຢູຟ້າ ແຊ້ມປ້ຽນລີກ ຄັ້ງທຳອິດ ພາຍຫລັງ ຊະນະ ໄລຊິກ!!

August 19, 2020 0 By admin

ການແຂ່ງຂັນເຕະບານ ຢູຟ້າ ແຊ້ມປ້ຽນລີກ ລະດູການ 2019-20 ຮອບ 4 ທີມສຸດທ້າຍ ຄູ່ທີ 1 ຄືນວັນທີ 18 ສິງຫາຜ່ານມາ, ທີ່ສະໜາມ ເອັສຕາດີໂອນ ດາລຸສ ໃນນະຄອນຫລວງລິສບ້ອນ ປະເທດປັອກຕຸຍການ. ອາຣແບ ໄລຊິກ ຈາກເຢຍລະມັນ ທີ່ເຂົ້າມາເຖິງຮອບນີ້ເປັນຄັ້ງທຳອິດ ພົບກັບ ປາຣີ ແຊັງແຊກແມັງ (PSG) ຈາກຝຣັ່ງທີ່ເຂົ້າມາເຖິງຮອບນີ້ອີກຄັ້ງໃນຮອບ 25 ປີ.

PSG ເລີ່ມຕົ້ນດີ ຊິງຂຶ້ນນຳກ່ອນຈາກຈັງຫວະເຕະແຈ ອັງເຄວ ດີມາເຣຍ ເປີດບານໃຫ້ ມາກິນຢັອສ ເອົາຫົວຈິກບານເປັນປະຕູນາທີ 13′ ຈາກນັ້ນ ໄລຊິກ ກໍມີຈັງຫວະຕອບໂຕ້ຫວັງທວງປະຕູ ແຕ່ PSG ກໍຊິງຈັງຫວະຫາໂອກາດຍິງປະຕູທີສອງເຂົ້າກອບຫລາຍກວ່າ ແລະ ມາບວກປະຕູທີສອງໃນທ້າຍເຄິ່ງເວລາທີໜຶ່ງຈາກຈັງຫວະຄວາມຜິດພາດຂອງ ກູເລັກຊີ້ ຜູ້ຮັກສາປະຕູ ໄລຊິກ ເປີດບານຂຶ້ນບໍ່ດີ PSG ຕັດໄດ້ ແລະ ເປັນ ອັງເຄວ ດີມາເຣຍ ຊັດປະຕູທີສອງໃຫ້ PSG ນາທີ 42′ ຈົບຕັ້ງທີໜຶ່ງ PSG ນຳ ໄລຊິກ 2-0.

ມາເຄິ່ງຫລັງ ເຖິງວ່າ ໄລຊິກ ເດີນເກມບຸກໜັກຂຶ້ນ ແຕ່ບໍ່ຜ່ານເກມຮັບຂອງ PSG ແລະ ມາເສຍປະຕູທີ 3 ໃນນາທີ 56′ ຈາກຄວາມຜິດພາດຂອງຜູ້ຮັກສາປະຕູ ແລະ ກອງຫລັງ ຖືກ PSG ຕັດໄດ້ ແລະ ເປັນ ຣວນ ເບີນັດ ຍິງປະຕູປິດທ້າຍໃຫ້ PSG ເອົາຊະນະ ອາຣແບ ໄລຊິກ 3-0 ສ້າງປະຫວັດສາດເຂົ້າສູ່ຮອບຊິງຊະນະເລີດເປັນຄັ້ງທຳອິດ ລໍຖ້າພົບຜູ້ຊະນະລະຫວ່າງ ໂອລິມປິກ ລີຢົງ ຈາກຝຣັ່ງ ຫລື ບາເຢິນ ມິວນິກ ແຊ້ມ 5 ສະໄໝຈາກເຢຍລະມັນ ທີ່ຈະແຂ່ງຂັນໃນຄືນນີ້ 19 ສິງຫາ 2020 ເວລາ 02:00.

+ PSG ເປັນທີມທີ 5 ຈາກລີກອ໋ອງຝຣັ່ງ ສາມາດເຂົ້າຊິງລາຍການນີ້ ຕໍ່ຈາກ ແຣັງ, ແຊັງເອຕຽນ, ໂອລິມປິກ ມາກເຊີຍ ແລະ ໂມນາໂຄ.

ໄຮໄລ້ການແຂ່ງຂັນຕາມລິ້ງລຸ່ມນີ້:

Photo: UEFA Champions League