ໂຈແອນ ໂພທິວັດ  ຮອງອັນດັບໜຶ່ງນາງສາວລາວ 2019  ມາໃນຊຸດຊົນເຜົ່າຜູ້ໄທ

ໂຈແອນ ໂພທິວັດ ຮອງອັນດັບໜຶ່ງນາງສາວລາວ 2019 ມາໃນຊຸດຊົນເຜົ່າຜູ້ໄທ

August 18, 2020 0 By admin

ໂຈແອນ ໂພທິວັດ (ໂຈແອນ) ຮອງອັນດັບໜຶ່ງນາງສາວລາວ 2019 ໃນຊຸດຊົນເຜົ່າ ຜູ້ໄທ

ຊົນເຜົ່າຜູ້ໄທ ເປັນຊົນເຜົ່າໜຶ່ງທີ່ມີເອກະລັກການດຳລົງຊີວິດນັ້ນກໍ່ຄື ການເຮັດໄຮ່ ເຮັດນາ ແລະ ເຮັດສວນເພື່ອປູກເຂົ້າ ພືດທາດແປ້ງ, ເຜືອກ,ມັນ ແລະ ອື່ນໆ, ແລະ ຍັງໄດ້ມີການລ້ຽງສັດ ງົວ,ຄວາຍ, ໝູ,ໝາ ແລະ ສັດປີກຕ່າງໆ.

ຊົນເຜົ່າ ຜູ້ໄທ ມີປະຫວັດສາດ ແລະ ຕົ້ນກໍາເນີດຄ້າຍຄຽງກັບຊົນເຜົ່າອື່ນໆໃນຕະກຸນຫມວດພາສາລາວ-ໄຕ ພວກເຂົາອົບພະຍົບລົງມາຈາກທົ່ງນານ້ອຍອ້ອຍຫນູຜືນແຜ່ນດິນແດນຕອນໃຕ້ຂອງປະເທດ ສປ ຈີນ ໄປຢູ່ຫຼາຍແຫ່ງຫົນໃນທ້າຍສະຕະວັດທີ XVII-XVI ເປັນຕົ້ນມາ, ລຽບຕາມສາຍແມ່ນ້ໍາຂອງ, ແມ່ນໍ້າກົງ ຫຼື ສາລະວິນ ແລະ ລຽບຕາມແຄມສາຍແມ່ນໍ້າແດງ.

ຕະກຸນມາຕາມສາຍແມ່ນໍ້າແກງກໍໄດ້ແຍກກັນອີກເຊັ່ນ:ພວກເຂົາໄດ້ແຍກໄປຕາມສາຍແມ່ນໍ້າດຳ ແລະ ໄທເມົາ ແລ້ວກໍມີຊື່ວ່າ: ໄທດໍາ ແລະ ໄທເມົາ, ໄທດັ່ງກ່າວ ໄດ້ໄປຕັ້ງຫຼັກປັກຖານຢູ່ຫຼາຍບ່ອນ. ສະເພາະຢູ່ລາວເຮົາແມ່ນຕາມແຄມນໍ້າເຊບັ້ງໄຟ, ແມ່ນໍ້າຫີນບູນ, ເຂດເຊນໍ້ານ້ອຍຈົນໄປຮອດພູຊ້າງແຮ່, ທົ່ງນາຕູ່ນບໍລິເວນຊາຍແດນລະຫວ່າງເຂດແຂວງ ຄໍາມ່ວນ ແລະ ແຂວງ ສະຫວັນນະເຂດ.

ຊົນເຜົ່າ ຜູ້ໄທ ມີຊື່ເອີ້ນວ່າ: “ຜູ້ໄທ” ເຂົາເຈົ້າມັກເອີ້ນຕົນເອງ, ຊົນເຜົ່າອື່ນເອີ້ນ ແລະ ຊື່ໃຊ້ທາງລັດຖະການກໍແມ່ນ “ຜູ້ໄທ”. ສໍາລັບ ຜູ້ໄທ ແມ່ນມາຈາກຄໍາສັບທີ່ວ່າ: “ໄທ້, ໄທ ຫຼື ໄຕ” ແລະ ອີກຢ່າງຫນຶ່ງມາຈາກຄໍາສັບທີ່ວ່າ: “ໄທພູ” ຫມາຍຄວາມວ່າ: ຊົນເຜົ່ານີ້ໄດ້ອົບພະຍົບໄປ ຕາມສາຍພູແລ້ວລົງຕັ້ງບ້ານເຮືອນຢູ່ເຂດທົ່ງພຽງ ແລະ ແຄມແມ່ນໍ້າ, ຊື່ “ໄທພູ” ແມ່ນບໍ່ເຫມາະສົມກັບສະຖານທີ່ຢູ່ອາໄສຂອງພວກເຂົາເຈົ້າຈິ່ງຫັນມາເອີ້ນຊື່ໃຫ້ຖືກຕ້ອງ ແລະ ເຫມາະສົມກັບສະພາບຄວາມເປັນຈິງ, ຈິ່ງກາຍມາເປັນ “ຜູ້ໄທ” ຈົນເຖິງປັດຈຸບັນນີ້.

ເຄື່ອງນຸ່ງຫົ່ມຂອງຊົນເຜົ່າຜູ້ໄທ ສໍາລັບຜູ້ຊາຍນຸ່ງໂສ້ງດໍາຫມໍ້ນິນມັດຫົວ, ຜ້າສະໂລ່ງ, ຜ້າຫາງ, ເສື້ອດຳຫມໍ້ນິນ, ຍ້ອມດ້ວຍນໍ້າເບີ, ນໍ້າຄາມ, ສັກຂາລາຍ.

ແມ່ຍິງນຸ່ງສິ້ນມີຫົວ, ສິ້ນມຸກ, ສິ້ນມັດຫມີ່, ເສື້ອດໍາມີສັບລາຍ, ຄໍລາຍ, ໃສ່ກະຕິ່ງເງິນ, ແພກະຊະ, ແພຕາລ່ອງຄຽນຫົວ,ຜ້າບ່ຽງ, ບາງຊະນິດໃຊ້ເວລາເຮັດ 1-2 ປີ, ມີກະຈ້ອນໃສ່ຫູ, ກ້ອງແຂນ, ເກີບ, ໃນເມື່ອກ່ອນໃສ່ເກີບຫນັງຄວາຍ, ເກີບສູງເຮັດດ້ວຍໄມ້, ໄມ້ກະເດົາ ແລະ ໄມ້ຕີນເປັດ.

ຊຸດຊົນເຜົ່າຈາກ : ແສງຈຳປາ ຮັບສະແດງສິນລະປະ ແລະ ເຊົ່າຊຸດ, ແຕ່ງໜ້າຈາກ : ທີມ ຄາວີ Khavy make up;ສະຖານທີ່ຖ່າຍທຳ : ສວນພຶກສາ / Pheuksa Garden; ຖ່າຍພາບໂດຍ : The Icons Studio