ບາຣຊ້າ ເລືອກ ໂຣໂນລ ຄູມັນ ສິດເກົ່າ! ເຂົ້າມາຄຸມທີມແທນ ກີເກ້ ເຊຕຽນ!!

ບາຣຊ້າ ເລືອກ ໂຣໂນລ ຄູມັນ ສິດເກົ່າ! ເຂົ້າມາຄຸມທີມແທນ ກີເກ້ ເຊຕຽນ!!

August 18, 2020 0 By admin

ສະໂມສອນ ບາຣເຊໂລນ້າ ຮອງແຊ້ມ ລາລີກ້າ ແອັສປາຍ ລະດູການຫລ້າສຸດ ປະກາດແຕ່ງຕັ້ງ ໂຣໂນລ ຄູມັນ ອະດີດຄູຝຶກ ທີມຊາດໂຮນລັງ ແລະ ສະໂມສອນ ເອຟເວີຕັນ ເຂົ້າມາຄຸມທີມແທນ ກິເກ້ ເຊຕຽນ ທີ່ຖືກປົດອອກຈາກຕຳແໜ່ງ ຫຼັງພາທີມຕົກຮອບ 8 ທີມສຸດທ້າຍ ຢູຟ້າ ແຊ້ມປ້ຽນລີກ ເສຍໃຫ້ ບາເຢີນ ມິວນິກ 2-8, ໂດຍ ບາຣຊ້າ ຈະຈັດພິທີເປີດໂຕ ຄູມັນ ຢ່າງເປັນທາງການໃນອາທິດໜ້າ.

ສໍາລັບ ໂຮໂນລ ຄູມັນ ອາຍຸ 57 ປີ ເປັນອະດີດກອງຫຼັງຂອງ ບາຣຊ້າ ເມື່ອປີ 1989-1995 ລົງຫຼິ້ນໃຫ້ທີມ 350 ນັດ ຄວ້າແຊ້ມລີກກັບທີມ 4​ ສະໄໝ ແລະ ໂຄປ້າ ເດວ ເຣ, ຢູໂຣປ້ຽນຄັບ, ຢູໂຣປ້ຽນຄັບ ແລະ ຢູໂຣປ້ຽນຊຸບເປີຄັບ ຢ່າງລະ 1​ ສະໄໝ, ພ້ອມກັບເປັນແຊ້ມ ສະແປນນິສ ຊຸບເປີຄັບ 3 ສະໄໝ. ນອກນັ້ນ ຄູມັນ ຍັງເຄີຍເປັນຜູ້ຊ່ວຍຂອງ ລຸຍ ຟານເກົາ ຕອນຄຸມ ບາຣຊ້າ ເມື່ອປີ 1998- 2000.

ຄູມັນ ເປັນອະດີດນັກເຕະ ແລະ ຄູຝຶກທີ່ມີປະສົບການຫລາຍສົມຄວນ, ສະໄໝເປັນນັກເຕະນອກຈາກເຄີຍຢູ່ກັບ ບາຣຊ້າ ຍັງເຄີຍຫລິ້ນກັບ ໂກຣນິງເກັນ, ອາແຈັກ, ພີເອັສວີ ໄອໂຮເຟັນ ແລະ ເຟເຢນູດ 4 ທີມໃນບ້ານເກີດ, ສ່ວນປະສົບການຄຸມທີມ ເຄີຍຄຸມ 9 ສະໂມສອນໃນ 4 ປະເທດເຊັ່ນ: ໂຮນລັງ, ປັອກຕຸຍການ, ແອັສປາຍ ແລະ ອັງກິດ ເປັນຕົ້ນສະໂມສອນ ອາແຈັກ, ເບັນຟີກ້າ, ພີເອັສວີ, ບາເລັນເຊຍ, ເຊົາແທ່ມຕັນ ແລະ ເອຟເວີຕັນ ຫລ້າສຸດຄຸມທີມຊາດໂຮນລັງໄດ້ຮອງແຊ້ມ ຢູຟ້າ ເນຊັ່ນລີກ ປີ 2019.

Photo: Ronald Koeman