ກອງທັບ ສປປ ລາວ ກຽມໄປແຂ່ງຂັນ International Army Games 2020 ທີ່ ຣັດເຊຍ

ກອງທັບ ສປປ ລາວ ກຽມໄປແຂ່ງຂັນ International Army Games 2020 ທີ່ ຣັດເຊຍ

August 18, 2020 0 By admin

ທີມລົດຖັງ ຈາກ ສປປ ລາວ ກຽມເຂົ້າຮ່ວມແຂ່ງຂັນ ກິລາ International Army Games 2020 ທີ່ປະເທດລັດເຊຍ ລະຫວ່າງວັນທີ 23 ສິງຫາ – 5 ກັນຍາ 2020 ເຊິ່ງເປັນການແຂ່ງຂັນກິລາທາງການທະຫານນານາຊາດ ຄັ້ງທີ 6 ທີ່ ປະເທດລັດເຊຍ

ສ່ວນກອງທັບປະຊາຊົນລາວ ໄດ້ສົ່ງທີມນັກກິລາເຂົ້າຮ່ວມ 2 ລາຍການຄື ແຂ່ງຂັນລົດຖັງ ແລະ ເຕັກນິກທາງດ້ານອາວຸດ-ຍຸດໂທປະກອນ, ໂດຍທຳອິດ ກອງທັບປະຊາຊົນລາວ ຈະໄດ້ສົ່ງນັກກິລາເຂົ້າຮ່ວມຫຼາຍລາຍການ ແຕ່ເນື່ອງຈາກການລະບາດຂອງພະຍາດໂຄວິດ-19 ຈື່ງໄດ້ຕັດບາງລາຍການອອກ ໂດຍມີການຊີງໄຊທັງໝົດ 31 ລາຍການແຂ່ງຂັນ ໂດຍມີຕົວແທນຈາກ 28 ປະເທດເຂົ້າຮ່ວມ ລວມທັງ ສປປ ລາວ

ສໍາລັບ International Army Games ເລີ່ມຕົ້ນການແຂ່ງຂັນລະຫວ່າງໜ່ວຍທະຫານພາຍໃນກອງທັບລັດເຊຍ ຕໍ່ມາຂະຫຍາຍໄປແຂ່ງຂັນລະຫວ່າງປະເທດອາດີດສະຫະພາບໂຊຫວຽດ ແລ້ວປ່ຽນມາເປັນລະດັບນານາຊາດໃນປີ 2015 ໂດຍປີທໍາອິດມີພຽງລັດເຊຍເປັນເຈົ້າພາບພຽງປະເທດດຽວ ແຕ່ຕໍ່ມາມີຫຼາຍປະເທດເປັນເຈົ້າພາບຮ່ວມ ໃນນັ້ນກໍມີ ກອງທັບປະຊາຊົນລາວ ແລະ ຜົນງານປີທີ່ຜ່ານມາກໍໂດດເດັ່ນ.

ໂດຍສະເພາະປີ 2019 ສາມາດຍາດໄດ້ທີ 3 ໃນລາຍການແຂ່ງຂັນ Rembat Games ການແຂ່ງຂັນ Army Games International 2019 ຢູ່ທີ່ເມືອງໂອມ ປະເທດຣັດເຊຍ