ອິນເຕີ ຜ່ານ ຊັກຕ້າ 5-0 ເຂົ້າຊິງ ຢູໂຣປ້າລີກ ລຸ້ນແຊ້ມສະໄໝທີ 4 ດວນກັບ ເຊບີຢ້າ 21 ສິງຫານີ້!!

ອິນເຕີ ຜ່ານ ຊັກຕ້າ 5-0 ເຂົ້າຊິງ ຢູໂຣປ້າລີກ ລຸ້ນແຊ້ມສະໄໝທີ 4 ດວນກັບ ເຊບີຢ້າ 21 ສິງຫານີ້!!

August 18, 2020 0 By admin

ການແຂ່ງຂັນເຕະບານ ຢູຟ້າ ຢູໂຣປ້າລີກ ລະດູການ 2019-20 ຮອບ 8 ທີມສຸດທ້າຍ ຄູ່ທີ 2 ໃນຄືນວັນທີ 17 ສິງຫາຜ່ານມາ, ທີ່ສະໜາມ Merkur Spiel-Arena ໃນເມືອງດຸສເຊວດັອຟ ປະເທດເຢຍລະມັນ, ອິນເຕີ ມິລານ ຈາກອີຕາລີ ອະດີດແຊ້ມ 3 ສະໄໝ ຊັກຕ້າ ໂດເນັດ ຈາກອູແກຣນ ອະດີດແຊ້ມ 1 ສະໄໝ.

ອິນເຕີ ອອກໂຕດີນຳກ່ອນຈາກ: ເລົາຕາໂຣ້ ມາຕີເນັຊ ກອງໜ້າດາວເດັ່ນຊາວອາກຊັງຕິນ ນາທີ 9′ ຈາກນັ້ນ ຊັກຕ້າ ກໍມີໂອກາດຕີສະເໝີສອງຄັ້ງ ແຕ່ຂາດຄວາມຄົມໃນການຈົບປະຕູ ສ່ວນອິນເຕີກໍມີໂອກາດບວກປະຕູທີສອງ ແຕ່ບໍ່ຜ່ານການປ້ອງກັນຂອງຜູ້ຮັກສາປະຕູຂອງ ຊັກຕ້າ ຈົບເຄິ່ງເວລາທີໜຶ່ງ ອິນເຕີ ນຳ ຊັກຕ້າ 1-0.

ມາເຄິ່ງຫລັງ ຊັກຕ້າ ພະຍາມຍາມເດີນເກມບຸກຫລາຍຂຶ້ນ ແຕ່ຖືກເກມໂຕ້ກັບຂອງ ອິນເຕີ ເສຍເພີ່ມອີກ 4 ປະຕູຈາກ: ດີ ອຳໂບຣຊີໂອ້ ນາທີ 26′ ເລົາຕາໂຣ້ ມາຕີເນັຊ ນາທີ 78′ ແລະ ປິດທ້າຍຈາກ: ໂຣເມລູ ລູກາກູ ສອງປະຕູນາທີ 78′ ແລະ 83′ ຈົບເກມ ອິນເຕີ ຖະຫລົ່ມ ຊັກຕ້າ ໂດເນັດ 5-0 ເຂົ້າຮອບຊິງຊະນະເລີດ ພົບກັບ ເຊບີຢ້າ ແຊ້ມສູງສຸດ 5 ສະໄໝ ຈາກແອັສປາຍ ທີ່ຊະນະ ແມນເຊັສເຕີ ຢູໄນເຕັດ ແຊ້ມ 1 ສະໄໝ 2-1 ຈະແຂ່ງຂັນໃນຄືນວັນທີ 21 ສິງຫາ ເວລາ 02:00 ທີ່ສະໜາມ ໄຣ ແອເນີຈີ້ ໃນເມືອງໂຄໂລນ ປະເທດເຢຍລະມັນ.

+ ອິນເຕີ ຊະນະ ຊັກຕ້າ 5-0 ເປັນການຊະນະຂາດສຸດໃນຮອບ 4 ທີມ ຢູຟ້າຄັບ (ຢູໂຣປ້າລີກ).

+ ອິນເຕີ ເຂົ້າຊິງ ຢູໂຣປ້າລີກ ເປັນຄັ້ງທີ 5 ໄປລຸ້ນແຊ້ມສະໄໝທີ 4 ຕໍ່ຈາກປີ 1998 ແລະ ເປັນການລຸ້ນແຊ້ມລາຍການທຳອິດລວມທຸກລາຍການທີ່ເຂົ້າຮ່ວມໃນຮອບ 9 ປີ ເພາະຫລ້າສຸດເປັນແຊ້ມ ໂຄປ້າ ອີຕາເລຍ 2010–11.

+ ໂຣເມລູ ລູກາກູ ເພີ່ມສະຖິຕິຍິງ 10 ນັດລວດໃນ ຢູໂຣປ້າລີກ  ແລະ ເປັນປະຕູທີ 33 ໃນະດູການນີ້ ຈາກການລົງຫລິ້ນ 50 ນັດລວມທຸກລາຍການ.

ໄຮໄລ້ການແຂ່ງຂັນຕາມລິ້ງລຸ່ມນີ້:

Photo: UEFA Europa League