ຮອງຫົວໜ້າກົມໃຫຍ່ເສນາທິການກອງທັບ ລົງເຮັດວຽກຢູ່ກອງບັນຊາການທະຫານ ແຂວງບໍ່ແກ້ວ

ຮອງຫົວໜ້າກົມໃຫຍ່ເສນາທິການກອງທັບ ລົງເຮັດວຽກຢູ່ກອງບັນຊາການທະຫານ ແຂວງບໍ່ແກ້ວ

August 18, 2020 0 By admin

ວັນທີ 15 ສິງຫາ 2020 ນີ້, ສະຫາຍ ພົນຕີ ສີດາລໍ່ ຈົ່ງເຕັງເຈ້ຍຊ້າ ຮອງຫົວໜ້າກົມໃຫຍ່ເສນາທິການກອງທັບ ພ້ອມຄະນະງານລົງເຮັດວຽກຢູ່ທີ່ ກອງບັນຊາການທະຫານແຂວງບໍ່ແກ້ວ ເປັນກຽດຕ້ອນຮັບຂອງ ຄະ ນະພັກ – ຄະນະບັນຊາກອງບັນຊາການທະຫານ ແຂວງບໍ່ແກ້ວ.


ກອງປະຊຸມ ຍັງໄດ້ຍົກໃຫ້ເຫັນສະພາບຈຸດພິເສດພາຍໃນກົມກອງ ໂດຍສະເພາະວິຊາສະເພາະ, ວຽກງານການເມືອງ-ນຳພາແນວຄິດ, ວຽກງານການທະຫານ, ແຜນການປ້ອງກັນ, ການສູ້ຮົບ, ການປ້ອງກັນໄພພິບັດ, ການກຽມພ້ອມສູ້ຮົບ, ວຽກງານອົບຮົບຫັດແອບ, ວຽກງານກຳລັງພົນ ແລະ ວຽກງານພາລາທິການ – ເຕັກນິກ ຂອງບັນດາກົມກອງ, ໄດ້ຈັດຕັ້ງປະຕິບັດເຊື່ອມຊຶມກຳແໜ້ນແນວທາງນະໂຍບາຍຂອງພັກ, ກົດໝາຍຂອງລັດ.

ຍົກສູງຄວາມຮັບຜິດຊອບໄປຄຽງຄູ່ກັນນັ້ນ ຕ້ອງກຳແໜ້ນສະພາບ ການຂອງໂລກ ເວົ້າລວມ ເວົ້າສະເພາະ ກໍຄືພາກພື້ນໃນປັດຈຸບັນກຳລັງ ຜັນແປໄປຢ່າງສັບສົນ, ຜູ້ບໍ່ຫວັງດີ ຕໍ່ແນວທາງນະໂຍບາຍຂອງພັກ-ລັດ ພວກເຂົາໄດ້ໃຊ້ເລ້ລ່ຽມກົນ ອຸບາຍຫຼາຍດ້ານ ເພື່ອມ້າງເພລະບອບໃໝ່ດັ່ງນັ້ນພວກເຮົາຕ້ອງເອົາໃຈໃສ່ສືບຕໍ່ເຝິກຝົນຫຼໍ່ຫຼອມຕົນເອງສ້າງໃຫ້ໄດ້ຄຸນທາດການເມືອງໜັກແໜ້ນ, ມີຄວາມຈົງຮັກພັກດີຕໍ່ແນວທາງການປ່ຽນໃໝ່ຂອງພັກ, ຢາກເຮັດໄດ້ຄືແນວນັ້ນ ບັນດາສະຫາຍທີ່ເປັນພະນັກງານນຳພາຕ້ອງໄດ້ຕ້ອງກຳແໜ້ນແນວ ທາງນະໂຍບາຍຂອງພັກ ແລະ ກຳແໜ້ນກົດໝາຍຂອງລັດ.

ເພີ່ມທະວີຄວາມຮັບຜິດຊອບຕໍ່ ໜ້າທີ່ການເມືອງຂອງຕົນ, ເຮັດວຽກເປັນໝູ່ຄະນະ,ເພີ່ມຄວາມສາມັກຄີໃຫ້ແໜ້ນແຟ້ນ, ມີຫົວ ຄິດປະດິດສ້າງ, ມີແບບແຜນວິທະຍາສາດ, ເພື່ອສ້າງໃຫ້ໄດ້ກອງທັບທີ່ທັນ ສະໄໝ ແລະ ທຽບທັນກັບສາກົນ ເພື່ອປະຕິບັດຕາມ 4 ໜ້າທີ່ໃຫຍ່ 24 ແຜນງານຂອງພັກ ກະຊວງວາງອອກ.

ພ້ອມດຽວກັນນັ້ນ ສະຫາຍ ພົນຕີ ສີດາລໍ່ ຈົ່ງເຕັງເຈ້ຍຊ້າ ຮອງຫົວໜ້າກົມໃຫຍ່ເສນາທິການກອງທັບ ພ້ອມຄະນະຍັງໄດ້ລົງຢ້ຽມຢາມ ແລະ ເຮັດວຽກຢູ່ທີ່ ກອງພັນ 405 ແລະ ກອງຮ້ອຍ 17 ນຳອີກ.

ໂດຍ: ວໍລະສິດ ພິດສະຫາຍ.