ນິຊິໂກຣິ ນັກເທັນນິສ ມື 1 ອາຊີ ຕິດເຊື້ອໂຄວິດ-19

ນິຊິໂກຣິ ນັກເທັນນິສ ມື 1 ອາຊີ ຕິດເຊື້ອໂຄວິດ-19

August 17, 2020 0 By admin

ເຄອິ ນິຊິໂກຣິ ນັກເທັນນິສຊາວຍີ່ປຸ່ນ ມື 1 ຂອງອາຊີ ກວດພົບຕິດເຊື້ອໂຄວິດ-19 ໃນທ້າຍອາທິດຜ່ານມາ ອາດເຊົາບໍ່ທັນຮ່ວມແຂ່ງຂັນ ມາສເຕີ 1000 ລາຍການ Cincinnati Masters ຫລື Western & Southern Open 2020 ທີ່ຈະມີຂຶ້ນໃນວັນທີ 22-28 ສິງຫານີ້ ທີ່ນິວຢ໊ອກ, ສະຫະລັດອາເມຣິກາ.

ນິຊິໂກຣິ ຮອງແຊ້ມ ຢູເອັສ ໂອເພັນ ປີ 2014 ກ່າວວ່າ: ” ຕົນເອງຮູ້ສຶກປົກກະຕິ ແຕ່ຕ້ອງແຍກຈຳກັດບໍລິເວນຕົນເອງຢູ່ເຮືອນທີ່ລັດຟໍລີດ້າ, ອາດບໍ່ໄດ້ຮ່ວມແຂ່ງຂັນ Cincinnati ໃນເວລານີ້ ຊຶ່ງຕົນເອງ ແລະ ທີມງານຈະກວດເຊື້ອອີກຄັ້ງໃນວັນສຸກທີ່ຈະມາເຖິງນີ້ ຖ້າເປັນແນວໃດຈະອັບເດດອີກຄັ້ງ ”.

ນິຊິໂກຣິ ອັນດັບ 31 ຂອງໂລກ ທີ່ຍັງບໍ່ໄດ້ລົງແຂ່ງຂັນໃນປີນີ້ ຍ້ອນປິ່ນປົວອາການບາດເຈັບ ຫວັງວ່າ: ຖ້າບໍ່ທັນລາຍການ Cincinnati Masters ແຕ່ຈະເຊົາໃຫ້ທັນຮ່ວມ US Open 2020 ທີ່ຈະມີຂຶ້ນໃນວັນທີ 30 ສິງຫານີ້. ສ່ວນ ຣາຟາເອວ ນາດາວ ແລະ ບຽນກ້າ ອັນເດັສກູ ແຊ້ມເກົ່າປະເພດຍິງດ່ຽວ ແລະ ຊາຍດ່ຽວ ໄດ້ປະກາດຖອນຕົວ ເນື່ອງຈາກເປັນຫ່ວງສະພາບການລະບາດຂອງໂຄວິດ-19 ແລະ ຍັງບໍ່ເຊົາເຈັບ.

ນັກເທັນນິສຊື່ດັງຄົນອື່ນທີ່ຖອນຕົວມີ: ໂຣເຈີ ເຟດເດີເຣີ ກຳລັງພັກຮັກສາອາການບາດເຈັບ, ນິກ ເກຍກັອສ, ແອັສເລ່ ບາຣຕີ້, ເອລີນ້າ ສະວິດໂຕລີນ້າ, ກີກີ້ ເບີເທັນ, ເບເລັນດ້າ ເບັນຊິກ.

Photo: Kei Nishikori