ເຈົ້າເມືອງອາດສະພອນ ລົງຊີ້ນຳການສ້າງຂະບວນການສ້ອມແປງຂົວຂວ້າມຫ້ວຍພະນອມ

ເຈົ້າເມືອງອາດສະພອນ ລົງຊີ້ນຳການສ້າງຂະບວນການສ້ອມແປງຂົວຂວ້າມຫ້ວຍພະນອມ

August 17, 2020 0 By admin

ໃນວັນທີ 13 ສິງຫາ 2020ນີ້ ທ່ານຄຳແພງ ເພັດທຸມພອນ ກຳມະການພັກແຂວງ ເລຂາພັກເມືອງ ເຈົ້າເມືອງອາດສະພອນ ພ້ອມຄະນະການນຳເມືອງ ລົງຊີ້ນຳ-ນຳພາຂະບວນການສ້ອມແປງຂົວຂ້ວາມຫ້ວຍພະນອມຢູ່ບ້ານດົງນາຂາມເມືອງອາດສະພັງທອງແຂວງສະຫວັນນະເຂດ;

ມີບັນດາທ່ານຫົວໜ້າຫ້ອງກການ-ຄະນະຫ້ອງການ, ພະນັກງານວິຊາການຈາກຫ້ອງການຕ່າງໆອ້ອມຂ້າງເມືອງອາດສະພອນ, ເມືອງອາດສະພັງທອງ ພ້ອມກັບປະຊາຊົນບ້ານດົງນາຂາມ ແລະບ້ານນາຄຳໃຕ້ເຂົ້າຮ່ວມທັງໝົດ 125 ຄົນ, ຍິງ 15 ຄົນ, ຂົວຫ້ວຍພະນອມແມ່ນຕັ້ງຢູ່ສາຍທາງຫຼັກທາງເຂົ້າເມືອງອາດສະພອນ, ມີຄວາມຍາວ 66 ແມັດ, ກວ້າງ 4,5 ແມັດ, ເປັນຂົວເຫຼັກປູດ້ວຍໄມ້, ການສ້ອມແປງໃນຄັ້ງນີ້ແມ່ນໄດ້ປ່ຽນຖ່າຍແປ້ນປູພື້ນຂົວ, ແປ້ນຮອງລໍ້ໂຕທີ່ໃຊ້ງານບໍ່ໄດ້ອອກ.

ເພື່ອເຮັດໃການສັນຈອນໄປມາລະຫວ່າງບ້ານຫາບ້ານ, ເມືອງຫາເມືອງ, ເມືອງຫາແຂວງມີຄວາມສະດວກສະບາຍຂຶ້ນ ກ່ວາເກົ່າ, ສ່ວນມູນຄ່າທີ່ໃຊ້ສ້ອມແປງໃນຄັ້ງນີ້ລວມເປັນເງິນ 7ລ້ານ 5ແສນກ່ວາກີບ ເຊິ່ງໄດ້ຈາກການປະກອບສ່ວນຂອງຜູ້ປະກອບການທຸລະກິດຄ້າຂາຍ, ສະມາຄົມຜູ້ແລ່ນລົດໂດຍສານພາຍໃນເມືອງອາດສະພອນ, ໃຊ້ເວລາການສ້ອມແປງ 1 ວັນເຕັມຈຶ່ງສຳເລັດ.

ແຫຼ່ງທີ່ມາ:ວິທະຍຸກະຈາຍສຽງ ສະຫວັນນະເຂດ