ຣອນນີ້ ປາບ ຄີເຣນ ວິວສັນ! ໄດ້ແຊ້ມສະນຸກເກີຊິງແຊ້ມໂລກ ສະໄໝທີ 6

ຣອນນີ້ ປາບ ຄີເຣນ ວິວສັນ! ໄດ້ແຊ້ມສະນຸກເກີຊິງແຊ້ມໂລກ ສະໄໝທີ 6

August 17, 2020 0 By admin

ການແຂ່ງຂັນສະນຸກເກີ ຊິງແຊ້ມໂລກ ປະຈຳປີ 2020 ທີ່ເມືອງເຊຟຟິວ ປະເທດອັງກິດ ໃນລະຫວ່າງວັນທີ 31 ກໍລະກົດ ຫາວັນທີ 16 ສິງຫານີ້ ຊິງເງິນລາງວັນລວມ £2,395,000 ປອນ.

ຣອນນີ້ ໂອຊຸນລີແວນ ແຊ້ມໂລກ 5 ສະໄໝຈາກເຈົ້າພາບ ມື 6 ຂອງໂລກ ເອົາຊະນະ ຄີເຣນ ວິວສັນ ເພື່ອນຮ່ວມຊາດ ມື 8 ຂອງໂລກ ທີ່ເຂົ້າຊິງເປັນຄັ້ງທຳອິດ 18-8 ເຟຣມ, ຣອນນີ້ ຄວ້າແຊ້ມໂລກເປັນສະໄໝທີ 6 ຕໍ່ຈາກປີ 2001, 2004, 2008, 2012 ແລະ 2013 ທຽບເທົ່າກັບ ສະຕີຟ ເດວິສ ນັກສະນຸກເກີລຸ້ນອ້າຍຊາວອັງກິດ ແລະ ເຣ ເຣຍດ້ອນ ນັກສະນຸກເກີຊາວເວວ ທີ່ປະກາດອຳລາຊີບໄປແລ້ວ, ສ່ວນສະຖິຕິແຊ້ມໂລກສູງສຸດຍັງເປັນຂອງ ໂຈ ເດວິສ ຕຳນານນັກສະນຸກເກີຊາວອັງກິດ ລວມ 15 ສະໄໝ.

ຣອນນີ້ ຮັບຂັນແຊ້ມພ້ອມເງິນລາງວັນ £500,000 ປອນ ຫລື ຕື້ກວ່າກີບ, ພ້ອມຫຍັບອັນດັບໂລກຂຶ້ນມາຢູ່ທີ 2 ຮອງຈາກ ຈັດທຣຳ, ສ່ວນຮອງແຊ້ມ ຄີເຣນ ວິວສັນ ໄດ້ຮັບເງິນລາງວັນປອບໃຈ £200,000 ປອນ. ດ້ານ ຈອນ ຮິກກິ້ນ ມື 5 ຂອງໂລກຊາວສະກັອດແລນ ໄດ້ຮັບເງິນລາງວັນເຂົ້າເບຣກສູງສຸດ 147 ຄະແນນ ຫລື Maximum break £40,000 ປອນ.

ການແຂ່ງຂັນຄັ້ງນີ້ ຣອນນີ້ ເຮັດໄດ້ 12 ເຊັນເທີຣີ້ ເບຣກ ລວມ 1,061 ຕະຫລອດອາຊີບ ສູງທີ່ສຸດໃນໂລກ. ຣອນນີ້ ເພີ່ມສະຖິຕິຊະນະ ຄີເຣນ ວິວັນ 5 ຄັ້ງ ເສຍ 2 ຄັ້ງ.

Photo: World Snooker