ແຈ້ງປິດນໍ້າປະປາ ຫຼາຍບ້ານກຽມໂຕ່ງນໍ້າແຮ່ໄວແດ່

ແຈ້ງປິດນໍ້າປະປາ ຫຼາຍບ້ານກຽມໂຕ່ງນໍ້າແຮ່ໄວແດ່

June 19, 2020 0 By admin

ແຈ້ງການມາອີກແລ້ວ ລັດວິສາຫະກິດນ້ຳປະປາ ນະຄອນຫຼວງ ອອກແຈ້ງການລົງວັນທີ 17 ມິຖຸນາ 2020 ຈະໄດ້ດຳເນີນການປ່ຽນຖ່າຍປະຕູນ້ຳ ຂະໜາດ 400 ສະຖານທີ່ຢູ່ຂົວທາດຫຼວງ ບ້ານທາດຫຼວງໃຕ້ ເຊິ່ງຈະສົ່ງຜົນໃຫ້ມີນ້ຳອອກຄ່ອຍ ຫາ ບໍ່ມີນໍ້າ ໃນຂອບເຂດ ບ້ານ ທາດຫຼວງໃຕ້, ວຽງຈະເລີນ, ຫົວຂົວ, ໂນນສະຫວ່າງ, ວັງຊາຍ, ໂຊກຄໍາ, ໂນນສະຫງ່າ, ແສງສະຫວ່າງ, ຊຳເຄ້, ໂນນຄໍ້ເໜືອ, ໂນນຄໍ້ໃຕ້, ຄຳສະຫວາດ, ສົມສະຫງ່າ, ຂາມງອຍ ແລະ ບ້ານ ໂນນຫວາຍ ເມືອງ ໄຊເສດຖາ ນະຄອນຫຼວງ.

ດັ່ງນັ້ນ, ຈື່ງແຈ້ງໃຫ້ຜູ້ຊົມໃຊ້ນ້ຳໃນເຂດບ້ານດັ່ງກ່າວ ຈົ່ງກະກຽມໂຕ່ງນ້ຳ ແລະ ກັກເກັບນ້ຳໄວ້ຊົມໃຊ້ໃຫ້ພຽງພໍ

ຊວ່ງໄລຍະເວລາທີ່ໄດ້ກຳນົດໄວ້ ແລະ ການປະຕິບັດວຽກງານ ໃນວັນທີ 23 ມິຖຸນາ 2020 ກົງກັບວັນອັງຄານ, ເລີ່ມແຕ່ເວລາ 9:00 ໂມງ ຫາ 16:00 ໂມງ (ໃຊ້ເວລາ 8 ຊົ່ວໂມງ) ຂໍ້ມູນເພີ່ມຕື່ມ ໂທ: 1169 ຕະຫຼອດ 24 ຊົ່ວໂມງ (ລາຍລະອຽດຕາມແຈ້ງການ)