ຈີນ​ໃຫ້​ຄຳ​ຕອບ​ກ່ຽວ​ກັບ​ທ່ານ​ປູ​ຕິນ ​ສະ​ເໜີ​ໃຫ້​ຈັດ​ກອ​ງ​ປະ​ຊຸມ​ສຸດຍອດ​ກ່ຽວ​ກັບ​ບັນ​ຫາ​ນິວ​ເຄຼຍ​ອີ​ຣານ​ທາງວິ​ດີ​ໂອ

ຈີນ​ໃຫ້​ຄຳ​ຕອບ​ກ່ຽວ​ກັບ​ທ່ານ​ປູ​ຕິນ ​ສະ​ເໜີ​ໃຫ້​ຈັດ​ກອ​ງ​ປະ​ຊຸມ​ສຸດຍອດ​ກ່ຽວ​ກັບ​ບັນ​ຫາ​ນິວ​ເຄຼຍ​ອີ​ຣານ​ທາງວິ​ດີ​ໂອ

August 17, 2020 0 By admin

CRI, ວັນ​ທີ 15 ສິງ​ຫາ​ນີ້ ທ່ານ​ຈ້າວ​ລີ້​ຈ່ຽນ ໂຄ​ສົກະ​ຊວງ​ການ​ຕ່າງ​ປະ​ເທດ​ຈີນ​​ໄດ້ຕອບ​ຄຳ​ຖາມ​ຂອງ​ນັກ​ຂ່າວ​ກ່ຽວ​ກັບ​ທ່ານ​ວະ​ລາ​ດີ​ເມຍ ​ປູ​ຕິນ ປະ​ທາ​ນາ​ທິ​ບໍ​ດີ​ຣັດ​ເຊຍ​ສະ​ເໜີ​ໃຫ້​ຈັດ​ກອ​ງ​ປະ​ຊຸມ​ສຸດຍອດ​ກ່ຽວ​ກັບ​ບັນ​ຫາ​ນິວ​ເຄຼຍ​ອີ​ຣານ​ທາງວິ​ດີ​ໂອ.

ມີ​ນັກ​ຂ່າວ​ຖາມ​ວ່າ: ວັນ​ທີ 14 ສິງ​ຫາ​ນີ້, ທ່ານວະ​ລາ​ດີ​ເມຍ ​ປູ​ຕິນ ສະ​ເໜີ​ໃຫ້ 5 ປະ​ເທດ​ມົນ​ຕີ​ຖາ​ວອນ​ຂອງ​ສະ​ພາ​ຄວາມ​ໝັ້ນ​ຄົງ​ອົງ​ການ​ສະ​ຫະ​ປະ​ຊາ​ຊາດ, ເຢຍ​ລະ​ມັນ ແລະ ອີ​ຣານ​ຈັດ​ກອງ​ປະ​ຊຸມ​ສຸດຍອດ​ກ່ຽວ​ກັບ​ບັນ​ຫາ​ອີ​ຣາ​ນ​ທາງວິ​ດີ​ໂອ. ຝ່າຍ​ຈີນ​ມີ​ຄວາມ​ເຫັນ​ແນວ​ໃດ​ຕໍ່​ເລື່ອງ​ນີ້?

ທ່ານ​ຈ້າວ​ລີ້​ຈ່ຽນ​ຕອບ​ວ່າ: ຈີນ​ສະ​ແດງ​ຄວາມ​ຊົມ​ເຊີຍ​ຕໍ່​ຂໍ້​ສະ​ເໜີ​ດັ່ງ​ກ່າວ​ຂອງ​ທ່ານ​ປູ​ຕິນ, ຈີນ​ໄດ້​ຍຶດ​ໝັ້ນ​ສະ​ໜັບ​ສະ​ໜູນ​ສັນ​ຍາ​ຮອບ​ດ້ານ​ກ່ຽວ​ກັບ​ບັນ​ຫາ​ນິວ​ເຄຼຍ​ອີ​ຣານ​ຢ່າງ​ສະ​ເໝີ​ຕົ້ນ​ສະ​ເໝີ​ປາຍ ແລະ ​ສຸມ​ໃສ່​ປົກ​ປັກ​ຮັກ​ສາ​ສັນ​ຕິ​ພາບ ແລະ ສະ​ຖຽນ​ລະ​ພາບ​ຂອງ​ພາກ​ພື້ນ​ຕາ​ເວັນ​ອອກ​ກາງ. “ພວກ​ເຮົາ​ຍິນ​ດີ​ສືບ​ຕໍ່​ຮັກ​ສາ​ການ​ແລກ​ປ່ຽນ​ແລະ​ປະ​ສານ​ງານ​ຢ່າງ​ໃກ້​ຊິດ​ກັບ​ຝ່າຍ​ຕ່າງໆ ເພື່ອ​ຮ່ວມ​ກັນ​ຊຸກ​ຍູ້​​ຂະ​ບວນ​ການ​ແກ້​ໄຂ​ບັນ​ຫາ​ນິວ​ເຄຼຍ​ອີ​ຣານ​​ດ້ວຍ​ຊ່ອງ​ທາງ​ການ​ເມືອງ.”

Corn grows in a field near an industrial park just outside Tehran, Iran, Thursday, Aug. 13, 2020. (AP Photo/Vahid Salemi)