24 ປະ​ເທດ​ສະ​ຫະ​ພາບ​ເອີ​ຣົບ​ຮ່​ວມ​ກັນ​ປະ​ທ້ວງ​ຕໍ່​ອາ​ເມ​ຣິ​ກາ ໃນ​ກໍ​ລະ​ນີ​ຂວ້ຳ​ບາດ​ໂຄງ​ການ​ທໍ່​ສົ່ງ​ແກັດ​ທຳ​ມະ​ຊາດ “Nord stream-2” ລະ​ເມີດ​ກົດ​ໝາຍ​ສາ​ກົນ

24 ປະ​ເທດ​ສະ​ຫະ​ພາບ​ເອີ​ຣົບ​ຮ່​ວມ​ກັນ​ປະ​ທ້ວງ​ຕໍ່​ອາ​ເມ​ຣິ​ກາ ໃນ​ກໍ​ລະ​ນີ​ຂວ້ຳ​ບາດ​ໂຄງ​ການ​ທໍ່​ສົ່ງ​ແກັດ​ທຳ​ມະ​ຊາດ “Nord stream-2” ລະ​ເມີດ​ກົດ​ໝາຍ​ສາ​ກົນ

August 18, 2020 0 By admin

ໜັງ​ສື​ພິມ ເດີ​ເວີດ​ຂອງ​ເຢຍ​ລະ​ມັນ​ລາຍ​ງານ​ວ່າ: 24 ປະ​ເທດ​ສະ​ມາ​ຊິກ​ສະ​ຫະ​ພາບ​ເອີ​ຣົບ​ໄດ້​ຮ່ວມ​ກັນ​ສົ່ງ​ຈົດ​ໝາຍ​ປະ​ທ້ວງ​ຕໍ່​ອາ​ເມ​ຣິ​ກາ, ໂດຍ​ຕິ​ຕຽນ​ລັດ​ຖະ​ບານ​ອາ​ເມ​ຣິ​ກາ ທີ່​ຂວ້ຳ​ບາດ​ໂຄງ​ການ​ທໍ່​ສົ່ງ​​ແກັດ​ທຳ​ມະ​ຊາດ “Nord stream-2” ເຊິ່ງ​ເປັນ​ການລະ​ເມີດ​ກົດ​ໝາຍ​ສາ​ກົນ ແລະ​ທວງ​ໃຫ້​ຝ່າຍ​ອາ​ເມ​ຣິ​ກາ​ຢຸດ​ຕິ​ການ​ແຊກ​ແຊງ​ໂຄງ​ການ​ດັ່ງ​ກ່າວ​ອີກ.

24 ປະ​ເທດ​ດັ່ງ​ກ່າວ​ເຫັນ​ວ່າ ປະ​ເທດນອກ​ພາກ​ພື້ນ​ເຂົ້າ​ມາ​ແຊກ​ແຊງ ແລະ​ຂວ້ຳ​ບາດ​ແບບ​ນີ້ໄດ້​ລະ​ເມີດ​ກົດ​ໝາຍ​ສາ​ກົນ, ໂຄງ​ການ​ຢູ່​ເອີ​ຣົບ​ຄວນ​ໃຫ້​ປະ​ເທດ​ເອີ​ຣົບ​​ເປັນ​ຜູ້​ຕັດ​ສິນເອງ. ​ປະ​ຈຸ​ບັນ, ຢູ່​ໃນ​ສະ​ຫະ​ພາບ​ເອີ​ຣົບ, ມີ​ພຽງແຕ່ 3 ປະ​ເທດ​ສະ​ມ​າ​ຊິກ​ບໍ່​ໄດ້​ເຂົ້າ​ຮ່ວມ​ການ​ປະ​ທ້ວງ​ຕໍ່​ອາ​ເມ​ຣິ​ກາ.

ໜັງ​ສື​ພິມ ເອີ​ຣົບ​ທາມ​ສ໌ ຂອງ​ຝ​ຣັ່ງ​ລາຍ​ງານ​ວ່າ: ໂຄງ​ການ“Nord stream-2” ຄາດ​ວ່າ​ຈະ​ສ້າງ​ສຳ​ເລັດ​ໃນ​ທ້າຍ​ປີ​ນີ້ ຫຼື​ຕົ້ນ​ປີ​ໜ້າ. ໃນ​ທ້າຍ​ປີ​ຜ່ານ​ມາ ໃນ​ກົດ​ໝາຍມອບ​ສິດ​ດ້ານ​​ງົບ​ປະ​ມານການ​ປ້ອງ​ກັນ​ປະ​ເທດ​ສົກ​ປີ 2020ທີ່​ລົງ​ນາມ​ໂດຍ​ທ່ານ​​ໂດ​ໂນ ທ​ຣຳ ປະ​ທາ​ນາ​ທິ​ບໍ​ດີ​ອາ​ເມ​ຣິ​ກາ​ກໍ​​ໄດ້​ກຳ​ນົດ​ການ​ຂວ້ຳ​ບາດ​ວິ​ສາ​ຫະ​ກິດ​ທີ່​ເຂົ້າ​ຮ່ວມ​ການ​ກໍ່​ສ້າງ​ໂຄງ​ການ​ດັ່ງ​ກ່າວ.

​ຫວ່າງ​ກ່ອນ​ນີ້​ບໍ່​ດົນ, ສະ​ມາ​ຊິກ​​ລັດ​ຖະສະ​ພາ​ອາ​ເມ​ຣິ​ກາ 3 ຄົນ​ໄດ້ ​ຂູ່​ວ່າ​ຈະ​ຂວ້ຳ​ບາດ​ແບບ​ສ້າງ​ຄວາມ​ພິ​ນາດ​ຕໍ່​ວິ​ສາ​ຫະ​ກິດ​ທ່າ​ກຳ​ປັ່ນ​ທີ່​ເຂົ້າ​ຮ່ວມ​ການ​ກໍ່​ສ້າງ​ໂຄງ​ການ.

​ໂຄງ​ການ​ທໍ່​ສົ່ງ​​ແກັດ​ທຳ​ມະ​ຊາດ “Nord stream-2” ເປັນໂຄງການສ້າງທໍ່ສົ່ງແກັດທຳມະຊາດໃຕ້ທະເລບອນຕິກຈາກປະເທດຣັດເຊຍໄປປະເທດເຢຍລະມັນ ລວມໄລຍະທາງ2ພັນກິໂລແມັດ ເພື່ອສົ່ງຕໍ່ໃຫ້ບັນດາປະເທດໃນເອີຣົບຕາເວັນຕົກ.