ຍັງຈະມີຝົນຕົກໃນລະດັບຄ່ອຍ ຫາ ປານກາງເປັນບໍລິເວນກວ້າງໃນແຕ່ລະພາກ ແລະ ຕົກໜັກຢູ່ບາງທ້ອງຖິ່ນແຂວງພາກເໜືອ

ຍັງຈະມີຝົນຕົກໃນລະດັບຄ່ອຍ ຫາ ປານກາງເປັນບໍລິເວນກວ້າງໃນແຕ່ລະພາກ ແລະ ຕົກໜັກຢູ່ບາງທ້ອງຖິ່ນແຂວງພາກເໜືອ

August 16, 2020 0 By admin

ກົມອຸຕຸນິຍົມ ແລະ ອຸທົກກະສາດ, ພະຍາກອນອາກາດປະຈໍາວັນທີ 16 ສິງຫາ 2020ວ່າ: ລົມມໍລະສຸມຕາເວັນຕົກສ່ຽງໃຕ້ຍັງມີກຳລັງແຮງສືບຕໍ່ພັດປົກຄຸມຢູ່ພາກກາງຫາພາກເໜືອຂອງປະເທດລາວ, ຊື່ງຍັງຈະເຮັດໃຫ້ມີຝົນ ຕົກໃນລະດັບຄ່ອຍ ຫາ ປານກາງເປັນບໍລິເວນກວ້າງໃນແຕ່ລະພາກ ແລະ ຕົກໜັກຢູ່ບາງທ້ອງຖີ່ນແຂວງພາກເໜືອ.

ພ້ອມດຽວກັນນີ້ ລະ ດັບນໍ້າຊັນ ເຂດເມືອງບໍລິຄັນ ແຂວງບໍລິຄຳໄຊ ໄດ້ຂຶ້ນໃກ້ເຂດອັນຕະລາຍແລ້ວ ແລະ ຄາດຄະເນວ່າລະດັບນໍ້າຈະສືບຕໍ່ສູງຂື້ນຕື່ມອີກ.

ດັ່ງນັ້ນຈຶ່ງແຈ້ງເຕືອນເຖິງ ປະຊາຊົນບັນດາເຜົ່າໃນເຂດພາກເໜືອ ແລະ ຜູ້ທີ່ອາໄສຢູ່ລຽບຕາມແມ່ນໍ້າສາຂານໍ້າຊັນ ໃຫ້ມີສະຕິຕໍ່ສະພາບນໍ້າຖ້ວມຊຸ, ດິນເຈື່ອນ ແລະ ຖ້ວມອັ່ງ ພ້ອມທັງຍົກຍ້າຍວັດຖຸສິ່ງຂອງ ແລະ ສັດລ້ຽງໄປໄວ້ບ່ອນທີ່ປອດໄພ ແລະ ຂໍໃຫ້ຕິດຕາມຂ່າວພະຍາກອນອາ ກາດ ຈາກກົມອຸຕຸນິຍົມ ແລະ ອຸທົກກະສາດ ຢ່າງເປັນປະຈຳ.

.

ສ່ວນປະລິມານນໍ້າຝົນໃນ24ຊົ່ວໂມງຜ່ານມາ ຕົກແຮງສຸດທີ່ປາກຊັນແທກໄດ້78,5ມິນລີແມັດ, ຮອງມາແມ່ນຊຽງຂວາງ ແທກໄດ້58,4 ມິນລີແມັດ ແລະ ເມືອງວຽງພູຄາ ແຂວງຫຼວງນໍ້າທາແທກໄດ້47,3ມິນລີແມັດ. ສ່ວນນະຄອນຫຼວງວຽງຈັນແທກໄດ້21,7ມິນລີແມັດ

.

.

.