ຫົວໜ້າກົມໃຫຍ່ເສນາທິການກອງທັບ ລົງກວດກາໂຄງການກໍ່ສ້າງຄ້າຍກອງພັນໃຫຍ່ 621 ເຊິ່ງປັດຈຸບັນຄືບໜ້າ60% ຈະສຳເລັດສົມບູນຕົ້ນປີໜ້າ

ຫົວໜ້າກົມໃຫຍ່ເສນາທິການກອງທັບ ລົງກວດກາໂຄງການກໍ່ສ້າງຄ້າຍກອງພັນໃຫຍ່ 621 ເຊິ່ງປັດຈຸບັນຄືບໜ້າ60% ຈະສຳເລັດສົມບູນຕົ້ນປີໜ້າ

August 13, 2020 0 By admin

Lao people’s Army News, ໃນວັນທີ 10 ສິງຫາ 2020 ນີ້, ສະຫາຍ ພົນໂທ ສຸວອນ ເລືອງ ບຸນມີ ກຳມະການສູນກາງພັກ ຮອງລັດຖະມົນຕີກະຊວງປ້ອງ ກັນປະເທດ ຫົວໜ້າກົມໃຫຍ່ເສ ນາທິການກອງທັບ ພ້ອມຄະນະ ແລະ ພາກສ່ວນທີ່ກ່ຽວຂ້ອງໄດ້ ລົງກວດກາຄວາມຄືບໜ້າໂຄງ ການກໍ່ສ້າງຄ້າຍກອງພັນໃຫຍ່ 621.

ສະຫາຍ ພົນໂທ ສຸວອນ ເລືອງ ບຸນມີ ໄດ້ຮັບຟັງການລາຍງານ ຄວາມຄືບໜ້າໂຄງການກໍ່ສ້າງ ພື້ນຖານໂຄງລ່າງຄ້າຍກອງພັນ ໃຫຍ່ 621 ຈາກ ທ່ານ ພຶດສະພາ ພູມມະສັກ ປະທານບໍລິສັດ ນໍຣິນ ໂກ ສປ ຈີນ ຜູ້ຮັບເໝົາກໍ່ສ້າງໃຫ້ ຮູ້ວ່າ: ໂຄງການດັ່ງກ່າວໄດ້ເລີ່ມ ລົງມືການກໍ່ສ້າງຕົວຈິງ ແຕ່ເດືອນສິງຫາ 2019 ເປັນຕົ້ນມາ, ສ່ວນ ການກໍ່ສ້າງຕົວຈິງວຽກຊ່າງ ແສງແມ່ນເລິ່ມແຕ່ເດືອນມິຖຸນາ 2018 ເຊິ່ງບັນດາໜ້າວຽກ ແລະ ຄວາມຄືບໜ້າຂອງໂຄງການກໍ່ ສ້າງພື້ນຖານໂຄງລ່າງກອງພັນ ໃຫຍ່ 621 ໄດ້ແບ່ງອອກເປັນ 5 ໂຊນ ແລະ 1 ເສັ້ນທາງລວມ ຄື:

ໂຄງການເຂດພື້ນທີ່ລານຍິງ (ໂຊນ C) ວຽກຊ່າງແສງວຽກ ບຸກເບີກ, ດິນຕັດດິນຖົມລະ ບົບເດີ່ນຍິງ ມີເນື້ອທີ່ທັງໝົດ 15 ເຮັກຕາ ສໍາເລັດ 100%, ວາງທໍ່ ລະບາຍນໍ້າຂ້າງທາງ ສໍາເລັດ 20%, ກໍ່ສ້າງຊັ້ນຮອງພື້ນທາງ ສຳເລັດ 70%, ເຂດທີ່ຕັ້ງກອງ ພັນໃຫຍ່(ໂຊນ A) ວຽກຊ່າງ ແສງອະນາໄມດຸດລອກໜ້າດິນ, ດິນຕັດດິນຖົມເນື້ອທີ່ 41,2 ເຮັກ ຕາ ສໍາເລັດ 100%, ວຽກກໍ່ສ້າງ ລະບົບເສັ້ນທາງປູຢາງສອງຊັ້ນ ພາຍໃນ (ໂຊນ A) ລວງຍາວທັງ ໝົດ 3,8 ກິໂລແມັດ, ລວງກ້ວາງ ໜ້າທາງ 6 ແມັດ, ມີລະບົບລະ ບາຍນ້ໍາລອດທາງ ແລະ ລະບົບ ຮ່ອງນໍ້າ ຂ້າງທາງປັດຈຸບັນປູຊັ້ນ ຮອງພື້ນ ສໍາເລັດ 31%, ກໍ່ສ້າງ ລະບົບເດີ່ນຈອດລົດປູຢາງສອງ ຊັ້ນ, ເດີ່ນຫຍ້າ ແລະ ເດີ່ນບານ ສໍາເລັດ 31%, ລະບົບລະບາຍນໍ້າ ໃນເດີ່ນສໍາເລັດ 49%, ລະບົບລະ ບາຍນໍ້າຂ້າງທາງ ສໍາເລັດ 31%,

ວຽກກໍ່ສ້າງພາຍໃນ (ໂຊນ A) ເຂດຫ້ອງການກອງພັນໃຫຍ່ ມີ 19 ລາຍການ, 34 ອາຄານ ສໍາ ເລັດ ແລ້ວ 40,56%, ເຂດຫ້ອງ ການກອງພັນນ້ອຍ ມີ 8 ລາຍ ການ, 28 ອາຄານ ສໍາເລັດແລ້ວ 51,47%, ເຂດກອງຮ້ອຍປ້ອງ ກັນ ມີ 6 ລາຍການ, 10 ອາຄານ ສໍາເລັດ ແລ້ວ 46,65%, ເຂດ ຫ້ອງການ ກອງຮ້ອຍບັນຊາ ແລະ ກອງຮ້ອຍ ສ້ອມແປງ ລວມມີ 5 ລາຍການ, 14 ອາຄານ ສໍາເລັດ 48,31%, ກໍ່ສ້າງສາງເຕັກນິກ ແລະ ເຮືອນລົດ ມີ 7 ລາຍການ 10 ອາຄານ ສໍາເລັດ 64,51%, ກໍ່ສ້າງໂຮງງານນໍ້າປະປາຂະ ໜາດນ້ອຍ 1 ຫຼັງ. ສໍາເລັດ 59,28%, ວຽກກໍ່ສ້າງຄູກັນເເຕກ 1 ລາຍການ ສໍາເລັດ 80%,ວຽກ ກໍ່ສ້າງກຳແພງຮົ້ວ 5 ປະເພດ ສໍາ ເລັດ 30,10%,

ເຂດທີ່ຕັ້ງສາງ (ໂຊນ B) ວຽກ ຊ່າງແສງ ຕັດດິນຖົມເດີ່ນ 20 ເຮັກຕາ ສໍາເລັດ 100%, ກໍ່ສ້າງລະ ບົບເສັ້ນທາງປູຢາງສອງຊັ້ນ ລວງຍາວທັງໝົດ 1,4 ກິໂລແມັດ, ໜ້າທາງກວ້າງ 6 ແມັດ ມີລະບົບ ລະບາຍນໍ້າລອດທາງ, ມີຮ່ອງ ລະບາຍນໍ້າຂ້າງທາງ ສໍາເລັດ 21,33%, ວຽກກໍ່ສ້າງພາຍ ໃນໂຊນ B, ກໍ່ສ້າງອາຄານມີ 7 ລາຍການ, 3 ອາຄານສໍາເລັດ 33,77%, ວຽກກໍ່ສ້າງຄູກັນເເຕກ ສໍາເລັດ 100%, ວຽກກໍ່ສ້າງຮົ້ວ ສໍາເລັດ 22,56%,

ເຂດທີ່ຕັ້ງ ໂຮງໝໍ (ໂຊນ D) ວຽກຊ່າງ ແສງບຸກເບີກດິນຕັດດິນຖົມ ມີ ເນື້ອທີ່ທັງໝົດ 1 ເຮັກຕາ ສໍາເລັດ 100%, ວຽກກໍ່ສ້າງລະບົບເສັ້ນ ທາງປູຢາງສອງຊັ້ນພາຍໃນ, ລະບົບລະບາຍນໍ້າ, ລະບົບລະ ບາຍນໍ້າຂ້າງທາງ, ວຽກກໍ່ສ້າງ ແມ່ນຍັງຢູ່ຂັ້ນຕອນ ອອກແບບຄືນ ເພື່ອໃຫ້ສອດຄ່ອງເຕັກນິກຂອງ ເສນາຮັກ, ເຂດຈຸດຍິງຕົກ (ໂຊນ E) ວຽກຊ່າງແສງກໍ່ສ້າງທາງ ເຂົ້າຫາປ້ອມສັງເກດຈຸດຍິງຕົກ ເປັນທາງບຸກເບີກ ແລະ ທະລຸ, ກໍ່ສ້າງລະບົບລະບາຍນໍ້າບາງ ຈຸດທີ່ມີຄວາມສ່ຽງຕໍ່ການເຊາະ ສູງ, ໜ້າທາງກວ້າງ 4 ແມັດ, ລວງຍາວທັງໝົດ 17,5 ກິໂລແມັດ ສໍາເລັດ 72%,

ພາບກອງພັນ ໃຫຍ່ 621 ເປີດຊຸດອົບຮົມ-ຫັດແອບ ປະຈຳປີ 2020 ຂຶ້ນວັນທີ 11 ມີນາ 2020

ວຽກກໍ່ສ້າງເສັ້ນ ທາງ ຈາກ (ໂຊນ D) ຫາເຂດທີ່ ຕັ້ງສາງອາວຸດ ໂຊນ B (ເສັ້ນ ທາງ 1D ໂຊນ A-ໂຊນB) ວຽກຊ່າງແສງວຽກດິນຕັດດິນ ຖົມສຳເລັດ 100%, ວຽກກໍ່ສ້າງ ລະບົບເສັ້ນທາງປູຢາງສອງ ຊັ້ນ, ລະບົບລະບາຍນໍ້າຂ້າງ ທາງ ແລະ ລອດທາງ, ໜ້າທາງ ກວ້າງ 8 ແມັດ, ລວງຍາວທັງ ໝົດ 6,88 ກິໂລແມັດ ສໍາເລັດ ແລ້ວ 60%, ລະບົບລະບາຍນໍ້າ ໃນເດີ່ນ ແລະ ລະບົບລະບາຍນໍ້າ ຂ້າງທາງ ສໍາເລັດ 100%.

ສັງ ລວມແລ້ວ ບັນດາໜ້າວຽກຂອງ ໂຄງການກໍ່ສ້າງພື້ນຖານໂຄງ ລ່າງກອງພັນໃຫຍ່ 621 ມາຮອດ ປັດຈຸບັນວຽກຂອງຊ່າງແສງ ສຳເລັດ 66,27% ແລະ ວຽກ ການກໍ່ສ້າງ ສຳເລັດ 52,72% (ປະເມີນຄວາມສໍາເລັດທັງໝົດ ຂອງໂຄງການຕີລາຄາໄດ້ 60%) ຄາດວ່າຈະໃຫ້ ສໍາເລັດ 100% ໃນເດືອນ ກຸມພາ 2021.

ສະຫາຍ ພົນໂທ ສຸວອນ ເລືອງ ບຸນມີ ຍັງໄດ້ສະແດງຄວາມຍ້ອງ ຍໍຊົມເຊີຍຕໍ່ຄະນະຮັບຜິດຊອບຊີ້ ນຳໂຄງການ ແລະ ບໍລິສັດຜູ້ຮັບ ເໝົາ ທີ່ໄດ້ເອົາໃຈໃສ່ຊີ້ນຳລົງ ເລິກໃກ້ຊິດຕິດແທດຢ່າງເປັນ ປະຈຳ ເຮັດໃຫ້ໂຄງການມີຄວາມ ຄືບໜ້າບັນລຸຕາມຄາດໝາຍ, ເພາະວ່າໂຄງການດັ່ງກ່າວເປັນ ໂຄງການໜຶ່ງທີ່ສຳຄັນ, ເຖິງວ່າ ຜ່ານມາຈະພົບຄວາມຫຍຸ້ງຍາກ ປານໃດກໍ່ຕາມ, ສະນັ້ນ ຈຶ່ງໄດ້ ຮຽກຮ້ອງໃຫ້ຄະນະຮັບຜິດຊອບ, ບໍລິສັດຜູ້ຮັບເໝົາ ແລະ ພາກສ່ວນ ທີ່ກ່ຽວຂ້ອງ ຈົ່ງພ້ອມກັນອົດທົນ ຜ່ານຜ່າຂໍ້ຫຍຸ້ງຍາກນາໆປະການ ແລະ ສືບຕໍ່ປັບປຸງບາງໜ້າວຽກ ທີ່ຍັງຄົງຄ້າງ ເພື່ອດັດແປງແກ້ ໄຂໃຫ້ຖືກຕ້ອງ ສອດຄ່ອງຕາມ ເຕັກນິກມາດຕະຖານແຜນຜັງ ທີ່ກຳນົດໄວ້ ແລະ ສຸມທຸກສະຕິປັນຍາເຂົ້າໃນການກໍ່ສ້າງພື້ນ ຖານໂຄງລ່າງຂອງກອງພັນໃຫຍ່ 621 ໃຫ້ສຳເລັດຕາມແຜນການ ທີ່ວາງໄວ້.