ແຕ່ງຕັ້ງຮອງປະທານ, ຜູ້ປະຈຳການ ແລະ ກຳມະການ ຄະນະກຳມະການ ປກຊ-ປກສ ແຂວງບໍ່ແກ້ວ

ແຕ່ງຕັ້ງຮອງປະທານ, ຜູ້ປະຈຳການ ແລະ ກຳມະການ ຄະນະກຳມະການ ປກຊ-ປກສ ແຂວງບໍ່ແກ້ວ

August 13, 2020 0 By admin

ໜັງສືພິມບໍ່ແກ້ວ Bokeo Newspaper, ພິທີປະກາດຕົກລົງແຕ່ງຕັ້ງ ຮອງປະທານ, ຜູ້ປະຈຳການ ແລະ ກຳມະການ ຄະນະກຳມະການ ປກຊ-ປກສ ແຂວງບໍ່ແກ້ວ.ໄດ້ຈັດຢ່າງເປັນທາງການໃນວັນທີ 11 ສິງຫານິ້, ທີ່ຫ້ອງວ່າການແຂວງບໍ່ແກ້ວ.

ໂດຍການເປັນປະທານຂອງ ສະຫາຍ ພົນໂທ ວິໄລຫຼ້າຄຳຟອງ ເລຂາທິການສູນກາງພັກ ລັດຖະມົນຖະມົນຕີ ກະຊວງປ້ອງກັນຄວາມສະຫງົບ,ຮອງປະທານກຳມະການ ປກຊ-ປກສ ສູນກາງ ,ມີ ສະຫາຍ ປອ ບົວຄົງ ນາມມະວົງ ກຳມະການສໍາຮອງສູນກາງພັກ ເລຂາພັກແຂວງ ເຈົ້າແຂວງບໍ່ແກ້ວ.ປະທານ ປກຊ-ປກສ ແຂວງ,ມີບັນດາຄະນະປະຈໍາພັກແຂວງ,ກໍາມະການພັກແຂວງ,ອົງການທຽບເທົ່າຈາກສູນກາງ ແລະ ທ້ອງຖິ່ນເຂົ້າຮ່ວມ.


ຄະນະຮັບຜິດຊອບໄດ້ຜ່ານມະຕິຕົກລົງ ຂອງຄະນະເລຂາທິການສູນກາງພັກ ວ່າດ້ວຍການຕົກລົງ ແຕ່ງຕັ້ງ ສະຫາຍ ພັນເອກ ວິດອນ ພຸດດາວົງ ຄະນະປະຈໍາພັກແຂວງ, ຫົວໜ້າການທະຫານ ກອງບັນຊາການທະຫານແຂວງບໍ່ແກ້ວ ເປັນຮອງປະທານ, ຜູ້ປະຈໍາການ ຄະນະກຳມະການ ປກຊ-ປກສ ແຂວງບໍ່ແກ້ວ.

ສະຫາຍ ພັນເອກ ອິນສົມ ທຳລະສິນ ຫົວໜ້າກອງບັນຊາການປ້ອງກັນຄວາມສະຫງົບສຸກ ແຂວງບໍ່ແກ້ວ, ເປັນຮອງປະທານ ຄະນະກຳມະການ ປກຊ-ປກສ ແຂວງ. ສະຫາຍ ບຸນທອງ ແສງສີກອງ ກຳມະການພັກແຂວງ ຫົວໜ້າຫ້ອງວ່າການແຂວງ, ເປັນກຳມະການ ຄະນະກຳມະການ ປກຊ-ປກສ ແຂວງບໍ່ແກ້ວ.


ສະຫາຍ ພົນໂທ ວິໄລຫຼ້າຄຳຟອງ ເລຂາທິການສູນກາງພັກ ລັດຖະມົນຖະມົນຕີ ກະຊວງປ້ອງກັນຄວາມສະຫງົບ,ຮອງປະທານກຳມະການ ປກຊ-ປກສ ສູນກາງ ຮຽກຮ້ອງໃຫ້ບັນດາສະຫາຍທີຖືກແຕ່ງຕັ້ງຈົ່ງເສີດຊູຄວາມຮັບຜິດຊອບຕໍ່ໜ້າທີການເມືອງ, ແນ່ໃສ່ເຮັດໃຫ້ແຂວງບໍ່ແກ້ວມີສະຖຽນລະພາບທາງດ້ານການເມືອງ,ສັງຄົມມີຄວາມສະຫງົບປອດໄພໂດຍພື້ນຖານ.