ເຈົ້າເມືອງໄຊບູລີ ລົງຕິດຕາມກວດກາຜົນກະທົບທີ່ເກີດຈາກຕາຝັ່ງນໍ້າເຊບັ້ງໄຟເຈື່ອນ ທີ່ບ້ານທ່າຂາມ ກະທົບ4 ຄອບຄົວ

ເຈົ້າເມືອງໄຊບູລີ ລົງຕິດຕາມກວດກາຜົນກະທົບທີ່ເກີດຈາກຕາຝັ່ງນໍ້າເຊບັ້ງໄຟເຈື່ອນ ທີ່ບ້ານທ່າຂາມ ກະທົບ4 ຄອບຄົວ

August 12, 2020 0 By admin

ໃນວັນທີ 10 ສິງຫາ 2020 ນີ້, ທ່ານ ອ່ອນລໍາພັນ ບົວສີແກ້ວ ເລຂາພັກເມືອງ ເຈົ້າເມືອງໄຊບູລີ ພ້ອມດ້ວຍຄະນະ, ໜ່ວຍງານກ່ຽວຂ້ອງ ລົງຕິດຕາມກວດກາ ຜົນກະທົບທີີ່ເກີດຈາກຕາຝັ່ງນໍ້າເຊບັ້ງໄຟເຊາະເຈື່ອນ ເປັນວົງກວ້າງທີ່ ບ້ານທ່າຂາມ ເມືອງໄຊບູລີ ແຂວງສະຫວັນນະເຂດ.


ການລົງພື້ນທີ່ຕິດຕາມກວດກາຕົວຈິງໃນຄັ້ງນີ້ ເຫັນວ່າ ປະຊາຊົນບ້ານທ່າຂາມ ຈໍານວນ 4 ຄອບຄົວທີ່ໄດ້ຮັບຜົນກະທົບທີ່ເກີດຈາກການເຊາະເຈື່ອນຂອງຕາຟັງເຊບັ້ງໄຟເຈື່ອນເປັນວົງກວ້າງ ໃນນັ້ນມີ ເຫຼົ້າເຂົ້າ 1 ຫຼັງ ຫ້ອງນໍ້າ 1 ຫ້ອງ ແລະຕົ້ນໄມ້ໃຫຍ່ນ້ອຍທີ່ເປັນຜົນລະປູກຂອງປະຊາຊົນ ລວມມູນຄ່າເສຍຫາຍທັງໝົດປະມານ 5 ລ້ານກິບ (5.000.000) , ຄວາມກວ້າງ ປະມານ 10 ແມັດ, ແລະຍາວ 30 ແມັດ.

ເນື່ອງຈາກຝົນທີ່ຕົກລົງມາ ເຮັດໃຫ້ລະດັບນໍ້າເຊບັ້ງມີລະດັບສູງຂື້ນ ແລະບໍລິເວນນັ້ນເປັນຈຸດສຸ່ມສ່ຽງ ຫຼໍ່ແຫຼມ, ເປັນຈຸດໂຄງຂອງສາຍນໍ້າເຊບັ້ງໄຟບວກກັບຕາຟັງເຊໃນບໍລິເວນນັ້ນແມ່ນມີຄວາມສູງຊັນຈຶ່ງເຮັດໃຫ້ໜ້າດິນຫຍຸບຕົວລົງ.

ເຖິງແນວໃດກໍຕາມທາງການນໍາຂັ້ນເມືອງ, ໜ່ວຍງານກ່ຽວຂ້ອງ ກໍຄືອໍານາດການປົກຄອງບ້ານໆ ທ່າຂາມ ກໍໄດ້ເລັ່ງເອົາໃຈໃສ່ລະດົມກັນຊ່ວຍເຫຼືອເບື້ອງຕົ້ນຕໍ່ຄອບຄົວຜູ້ທີ່ໄດ້ຮັບຜົນກະທົບຢ່າງຮີບດ່ວນ, ເປັນຕົ້ນແມ່ນໄດ້ຂົນສິ່ງເຄື່ອງໃຊ້ອອກຈາກບໍລິເວນນັ້ນໄປຢູ່ຈຸດປອດໄພ ແລະຍັງມີເຮືອນຂອງປະຊາຊົນອີກ 4 ຫຼັງຄາເຮືອນທີ່ມີຄວາມສ່ຽງຈະຕ້ອງໄດ້ມ້າງ ແລະຍ້າຍອອກໄປເພາະຄາດວ່າຈະໄດ້ຮັບກະທົບໃນຕໍ່ໜ້າ.


ພ້ອມດຽວກັນນີ້ ທ່ານ ອ່ອນລໍາພັນ ບົວສີແກ້ວ ເຈົ້າເມືອງໄຊບູລີ ພ້ອມຄະນະ ຍັງໄດ້ສືບຕໍ່ລົງຕິດຕາມຊຸກຍູ້ໜ່ວຍງານສວຍສາອາອກນປະຈໍາເມືອງໃນການເກັບຄ່າທໍານຽມທາງປະຈໍາປີ 2020 ທີ່ກຸ່ມບ້ານປາກເຊບັ້ງໄຟ ອີກ.

ພາບ ແລະຂ່າວ ຄໍາກອນ ພອນມາລາ